| e-texts navigator |
| Wylie |
38a1 ཏོར་དེ་ཡི་བཟླས་པ་བྱ། །ཁྲོ་བོ་གང་གཞན་འབྱུང་བས་ཀྱང་། །རིགས་རྣམས་ཐམས་ཅད་ཉིད་ཀྱི་ཡང་། །བསྐྱེད་པའི་ཆོ་གར་འགྱུར་བ་ཡིན། །རྡོ་རྗེ་གསུམ་ཀུན་དུ་འབྱུང་བ་ཞེས་བྱ་བའི་ཏིང་ངེ་འཛིན་རྫོགས་སྷོ།། །།
38a2 དེ་ནས་བཅོམ་ལྡན་འདས་ཀྱིས་རྡོ་རྗེ་འཆང་ཆེན་པོ་རྡོ་རྗེ་གསུམ་གྱི་ཡེ་ཤེས་ཞེས་བྱ་བའི་ཏིང་ངེ་འཛིན་གསུངས་སོ། །ཆོ་ག་ཤེས་པས་དེ་ཐམས་ཅད། །ོཾ་ཡིག་དབུས་སུ་རྣམ་བསྒོམ་བྱ། །འབར་བའི་ཕྲེང་བས
38a3 རྣམ་བརྒྱན་པའི། །ཧཱུ~ཾ་ཡིག་མཐར་ནི་རྣམ་བསྒོམས་ནས། །དབུས་སུ་རྡོ་རྗེ་འཆང་བསམས་ནས། །ིནྡྲ་ནཱི་ལ་མཚུངས་པའི་འོད། །ཞི་བ་རལ་པའི་ཅོད་པན་འཆང་། །ཕྱག་ན་རྡོ་རྗེ་རྣམ་བསྒོམ་བྱ། །རྣམ
38a4 པར་སྣང་མཛད་རྣམ་བསྒོམས་ནས། །འོད་ཟེར་སྣ་ཚོགས་མཚུངས་པའི་འོད། །བསམས་ནས་དེ་ཡི་ཐུགས་ཀ་རུ། །ཟླ་བར་སྔགས་ཀྱི་ཡི་གེ་བསྒོམ། །བཅོམ་ལྡན་འདས་རྡོ་རྗེ་སེམས་དཔའི་ཏིང་ངེ་འཛིན
38a5 རྫོགས་སྷོ། ། །།དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོས་བཅོམ་ལྡན་འདས་སྤྱན་རས་གཟིགས་དབང་ཕྱུག་གི་ཏིང་ངེ་འཛིན་འདི་གསུངས་སོ། །དེ་བཞིན་ཉིད་དུ་ཀུན་བྱས་ནས། །དབུས་སུ་ཧ~ཾ་ཡིག་སྒོམ
38a6 པ་ནི། །ངོས་སུ་རང་གི་གཟུགས་ལྟར་བྱས། །རྡོ་རྗེ་དམར་པོ་རྣམ་བསྒོམ་བྱ། །དབུས་སུ་ཆོས་འཆང་བསམས་ནས་ནི། །པད་མ་རཱ་གའི་དབང་མཚུངས་པ། །ཕྱག་ན་པད་མ་འདབ་བརྒྱད་པ། །དེ་ཡི་དབུས་སུ་རྣམ་བསྒོམ་པ། །
38a7 ཐུགས་ཀར་ཟླ་བའི་དཀྱིལ་འཁོར་ནི། །བསམས་ནས་སྔགས་ནི་རྣམ་བསྒོམ་བྱ། །བཅོམ་ལྡན་འདས་ཆོས་ཀྱི་དབང་ཕྱུག་གི་ཏིང་ངེ་འཛིན་གྱི་ཆོ་ག་རྫོགས་སྷོ།། །།ཆོ་ག་ཤེས་པས་གཟུགས་བྱས་ནས། །
38a8 ངོས་སུ་ཧ~ཾ་ཡིག་ཡང་དག་སྦྱར། །དབུས་སུ་རང་གི་རྣམ་པ་བསྒོམ། །འཛམ་བུ་ནཱ་ད་མཚུངས་པའི་འོད། །འདོད་མཆོད་གཟུགས་ནི་བསྐྱེད་པར་བྱ། །ལག་ཏུ་མདུང་རྩེ་གསུམ་བསྒོམས་ནས། །དེ་ཡི་སྙིང་གར
iiif viewer powered by OpenSeadragon
