| e-texts navigator |
| Wylie |
37a1 ཏུ་ནི་བཟའ་བར་བྱ། །རྡོ་རྗེ་འཛིན་པ་ཀུན་གྱི་རྒྱལ། །ཀུན་མཆོག་ས་ཡི་དབང་ཕྱུག་གོ། འདོད་ཆགས་བཟའ་བར་བྱ་བ་ནི། །ཕན་དང་བདེ་བ་ཐམས་ཅད་སྦྱིན། །དེ་ནི་རྡོ་རྗེ་འཆང་རྒྱལ་པོ། །ཀུན་མཆོག་ས་ཡི་དབང་ཕྱུག
37a2 གོ། ཞེ་སྡང་བཟའ་བར་བྱ་བ་ནི། །རྡོ་རྗེ་ཡེ་ཤེས་རབ་རྟོགས་བྱེད། །དེ་ཉིད་རྡོ་རྗེ་འཆང་རྒྱལ་པོ། །ཀུན་མཆོག་ས་ཡི་དབང་ཕྱུག་གོ། གཏི་མུག་བཟའ་བར་བྱ་བ་ནི། །ཡེ་ཤེས་ཐམས་ཅད་རྟོགས་པ་པོ། །དེ་ཉིད་ཞི་བ་འཛིན་རྒྱལ་པོ། །སངས
37a3 རྒྱས་རྣམ་པར་སྣང་མཛད་གཞི། །བདེ་སྡུག་བཟའ་བར་བྱ་བ་ནི། །སློབ་དཔོན་ཇི་སྲིད་འཚོ་ཡི་བར། །དེ་ཉིད་ཞི་བ་འཛིན་རྒྱལ་པོ། །སངས་རྒྱས་རྣམ་པར་སྣང་མཛད་གཞི། །སློབ་དཔོན་ཇི་སྲིད་འཚོ་ཡི་བར། །ཆོས་དང་ཆོས་མིན་བཟའ་བར་བྱ། །
37a4 དེ་ཉིད་རྡོ་རྗེ་འཆང་རྒྱལ་པོ། །ཀུན་མཆོག་དེ་ཉིད་སྟོན་པ་པོ། །ཇི་སྲིད་འཚོ་བར་འགའ་ཞིག་ཏུ། །སེམས་ཅན་ཁམས་ནི་བཟའ་བར་བྱ། །དེ་ཉིད་རྡོ་རྗེ་འཛིན་རྒྱལ་པོ། །ཀུན་མཆོག་ས་ཡི་དབང་ཕྱུག་གོ། ཇི་སྲིད་འཚོ་བར་སྨད་པ་ཡི། །
37a5 བྱ་བ་ཐམས་ཅད་མི་བྱའོ། །དེ་ཉིད་རྡོ་རྗེ་འཆང་རྒྱལ་པོ། །ཀུན་མཆོག་ས་ཡི་དབང་ཕྱུག་གོ། དེ་ནས་དེ་བཞིན་གཤེགས་པ་རྣམས་ཐམས་ཅད་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་ཆོས་ཉིད་དང་ཡི་གེ་ཐོས་ནས་ངོ་མཚར
37a6 ཐོབ་ནས་རྡོ་རྗེ་འཆང་ཐམས་ཅད་ལ་འདི་སྐད་ཅེས་གསོལ་ཏོ། །རིགས་ཀྱི་བུ་འདི་ནི་ངོ་མཚར་ཏེ་གང་དུ་ཐམས་ཅད་མཁྱེན་པའི་ཡེ་ཤེས་ཀྱི་བདག་པོ་དེ་དག་གི་མིང་ཡང་ཤེས་པར་བྱ་བ་མ་ཡིན་ན། གཞན་ལྟ་ཅི་སྨོས་ཞེས་སོ། །དེ་ནས
37a7 བཅོམ་ལྡན་འདས་ཕྱག་ན་རྡོ་རྗེ་བཅོམ་ལྡན་འདས་རྣམ་པར་སྣང་མཛད་ཆེན་པོའི་ཐུགས་ཀར་གནས་ནས་འདི་སྐད་ཅེས་གསུངས་སོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་དེ་བཞིན་གཤེགས་པ་ཐམས་ཅད་ཀྱི་སྔགས
37a8 ཡིད་བཞིན་གྱི་ནོར་བུའི་ལེའུ་བསྟན་པར་བགྱིའོ། །དེ་བཞིན་གཤེགས་པ་ཐམས་ཅད་ཀྱིས་གསོལ་པ། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ནི་གཡོ་བར་བྱེད་པ་ཞེས་བྱ་བ་བསྟན་དུ་གསོལ། དེ་ནས་བཅོམ་ལྡན
iiif viewer powered by OpenSeadragon
