| e-texts navigator |
| Wylie |
36b1 བྱེད་གཞན་དུ་ནམ་ཡང་མིན། །གལ་ཏེ་སངས་རྒྱས་སམ་འགའ་ཞིག་།རྨོངས་པའི་སེམས་ཀྱིས་འདས་ན་ནི། །མགོ་བོ་ཚལ་པ་བདུན་དུ་འགས། །བྱང་ཆུབ་སེམས་ནི་རང་གིས་གསུངས། །རེངས་དང་འབེབས་པ་དང་པོར་གྲགས། །
36b2 གཉིས་པ་ས་ཞེས་བྱ་བར་བརྗོད། །གསུམ་པ་ལྷ་ཡི་མཆོག་ཡིན་ནོ། །བཞི་པ་འཕགས་པའི་ཡུལ་དུ་ཡང་། །ཕྱག་ན་རྡོ་རྗེར་གྲགས་པ་ཡིན། །སྙིང་པོ་ཀུན་གྱི་སྦྱོར་བ་ཡིས། །བྱ་བ་མྱུར་དུ་འགྲུབ་པར་བྱེད། །རེག་པ་སྣ
36b3 ཚོགས་སོགས་དང་གནས། །སྐྱེད་མོས་ཚལ་དང་དགའ་སྟོན་ཆེ། །དཀྱིལ་འཁོར་དེ་ལ་བྱ་བ་ནི། །བདུག་པ་བྱིན་ནས་ཡང་དག་བརྩམ། །གལ་ཏེ་བརྒྱ་བྱིན་ནམ་ཚངས་པ། །སངས་རྒྱས་སམ་ཡང་བློ་གྲོས་ཆེ། །ཆོ་ག
36b4 ཤེས་པས་ཞག་བདུན་གྱིས། །འཇོམས་འགྱུར་འདིར་ནི་ཐེ་ཚོམ་མེད། །ཆོ་ག་ཤེས་པས་ཁྲག་གིས་བྱུགས། །རང་ཉིད་རང་གི་ལུས་སུ་བྱ། །སྐྲ་གྲོལ་གཙུག་ཏོར་གྱུར་ནས་ནི། །མི་སྡུག་མཆེ་གཙིགས་འཇིགས་པར་བྱེད། །
36b5 དུར་ཁྲོད་ཁྱིམ་དུ་ཡང་དག་སྦྱོར། །རང་གིས་དེ་ཡི་མིང་བྲི་བྱ། །སྟོང་ཕྲག་གཅིག་ཏུ་བཟླས་ནས་ནི། །ངེས་པར་སངས་རྒྱས་ཀྱང་འཛིན་བྱེད། །ཆོ་ག་ཤེས་པས་གཤེར་བའི་གོས། །ཁྲོ་བོའི་སེམས་ཀྱིས་རབ་ཞུགས་ནས། །
36b6 ལིང་ག་རྐང་པས་མནན་ནས་ནི། །སངས་རྒྱས་ཀྱང་ནི་ངེས་པར་འཇོམས། །ཁྱབ་འཇུག་ལྷ་མིན་ལ་སོགས་ལྷ། །རྐང་པར་བྱས་ནས་བརྩམ་པར་བྱ། །ཆོ་ག་ཤེས་པས་ཉིན་བདུན་གྱིས། །ཁམས་གསུམ་པོ་ཡང་འཇོམས་པར་བྱེད། །
36b7 བཅོམ་ལྡན་འདས་རྣམ་པར་སྣང་མཛད་ཆེན་པོ་སྔགས་ཐམས་ཅད་འཆང་བས་དེ་སྐད་ཅེས་གསུངས་སོ། །གསང་བ་ཆེན་པོའི་ལེའུ་བཅུ་དགུ་པ་རྫོགས་སྷོ།། །། དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོས་སྒྲུབ
36b8 པ་པོ་ཐམས་ཅད་ཀྱི་སྡོམ་པའི་ལེའུ་གསུངས་སོ། །བཤང་དང་གཅི་བ་བཟའ་བར་བྱ། །སེམས་ཅན་ཀུན་ལ་བདེ་བ་སྦྱིན། །རྡོ་རྗེ་འཆང་རྒྱལ་དེ་ཉིད་ནི། །ཀུན་མཆོག་ས་ཡི་དབང་ཕྱུག་གོ། རྨ་དགུ་ལས་ནི་ཡང་དག་བྱུང་། །འགའ་ཞིག
iiif viewer powered by OpenSeadragon
