| e-texts navigator |
| Wylie |
35b1 ཡོན་ཏན་ཁྱད་འཕགས་ཀྱི། །ཟླ་བ་དྲུག་གིས་རབ་གསལ་བྱ། །གལ་ཏེ་གཞན་དུ་བདག་རྨོངས་ན། །མནར་མེད་ལྟ་བུར་འཚེད་པར་འགྱུར། །གང་ཉིད་སློབ་དཔོན་ཚོལ་བྱེད་པ། །དེ་ཉིད་སོ་སོར་བསྒྲུབ་པར་བྱ། །རྡོ་རྗེ་ཡེ་ཤེས་རབ་བསྐུལ
35b2 བས། །དངོས་གྲུབ་ཡངས་པར་དེར་འགྲོ་འགྱུར། །ཡོན་ཏན་འདི་རྣམས་གང་གིས་འགས། །བསོད་ནམས་འབྱུང་བར་ཤེས་པར་བྱ། །སློབ་དཔོན་འདི་ཡི་རྒྱུད་ལ་སོགས། །དེ་ལྟ་བུ་སོགས་གསལ་བྱ་མིན། །དེ་ལྟར་བདག་ཉིད་དག་པ་ཐོབ། །
35b3 ཆོས་ཀྱི་དེ་ཉིད་ཆོ་གས་གནས། །དེ་ཡིས་སློབ་དཔོན་རབ་གསལ་བྱ། །མྱུར་དུ་འགྲུབ་འགྱུར་གཞན་དུ་མིན། །སངས་རྒྱས་གནས་ལ་གནས་པ་ཡིས། །གང་དེ་མགུ་ནས་རྡོར་སེམས་མཆོག་།མྱུར་དུ་འགྲུབ་བྱེད་གཞན་དུ་མིན། །སངས
35b4 རྒྱས་སངས་རྒྱས་ཉིད་ཐོབ་པ། །དེ་མགུ་བྱེད་པ་མཆོག་འབྱུང་འགྱུར། །དེ་ཡིས་འཇིག་རྟེན་གསུམ་འགྲུབ་སྟེ། །སངས་རྒྱས་ཡེ་ཤེས་རང་ཉིད་ཀྱང་། །དེ་བཞིན་གཤེགས་པའི་གསང་བ་རྡོ་རྗེ་སེམས་དཔའ་མཉེས་པར་བྱེད
35b5 པའི་ལེའུ་སྟེ་བཅཝ་བརྒྱད་པ་རྫོགས་སྷོ། ། །། དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོས་སྔགས་ཐམས་ཅད་ཀྱི་ལེའུ་གསུངས་སོ། །སྐྱེད་མོས་ཚལ་དང་རྣམ་པར་དབེན། །ཆུ་ཀླུང་རབ
35b6 ཏུ་འབབ་པ་དང་། །རི་དང་རྣམ་པར་བཀྲ་བ་རུ། །སྒྲུབ་པའི་གོ་འཕང་གིས་བསྒྲུབ་བྱ། །ཟླ་བ་གཅིག་གིས་འགྲུབ་པར་འགྱུར། །གལ་ཏེ་མིན་ན་དེ་འགྲུབ་མིན། །དབེན་དང་གཞན་པའི་ཡུལ་རྣམས་སུ། །སེམས་ནི་གང་དུ་རབ་དགྱེས
35b7 བྱེད། །གསང་སྔགས་འབར་བས་བྱིན་བརླབས་པ། །དེ་ལ་སངས་རྒྱས་ཉིད་འགྲུབ་འགྱུར། །རྒྱ་མཚོ་དང་ནི་ཆུ་ཀླུང་ཆེ། །རི་བོ་ཆེན་པོའི་རྩེ་རྣམས་སུ། །ཡན་ལག་ཐ་དད་མིན་སྔགས་བཟླས། །ངེས་པར་ཟླ་བས་འགྲུབ་པར
35b8 བྱེད། །སྐེ་ཚེ་དུག་དང་ཡང་དག་ལྡན། །ཏིག་ཏའི་ཤིང་གི་སྦྱིན་བསྲེག་གིས། །བསྙེན་པ་སོགས་ནི་དེ་བསྐྱེད་ནས། །གསང་སྔགས་སྒྲུབ་པ་ཀུན་སྤྱད་བྱ། །དེ་ལ་སྡོམ་པ་གཟུང་ནས་ནི། །ངེས་པར་འགྲུབ་བྱེད་གཞན་དུ་མིན། །གསང
iiif viewer powered by OpenSeadragon
