| e-texts navigator |
| Wylie |
34b1 དུར་ཁྲོད་དུ། །འདོད་པ་འདི་ནི་ཡང་དག་བརྩམ། །རྡོ་དང་ཤིང་གི་སྦྱོར་བ་ཡིས། །དངོས་པོ་མེད་པས་ཡང་དག་བརྩམ། །རྡོ་དང་ཕུབ་མ་ཡང་དག་ལྡན། །བཟའ་དང་གསལ་བྱེད་རྣམ་པར་སྤངས། །ཁྲག་དང་ཕབས་སུ་ཡང་དག་ལྡན། །
34b2 ནིམ་པའི་འདབ་མས་བཟའ་བྱ་བ། །ཏ་ལའི་འདབ་མ་ལ་བྲི་བྱ། །སྔགས་པས་འཁྲུལ་འཁོར་སྨད་པར་བྱ། །ཚེར་མ་ཅན་གྱིས་བྲིས་ནས་ནི། །ནིམ་པའི་འདབ་མ་ཁར་བཅུག་ནས། །སྦྱོར་བའི་གནས་སུ་གཞག་པར་བྱ། །ལྷ
34b3 ཆེན་པོ་ཡི་འོག་ཏུ་ནི། །དྲི་མ་མེད་པ་ཀུན་གཟུང་བྱ། །ཆོ་ག་ཤེས་པས་ལན་བདུན་དུ། །མངོན་པར་སྔགས་ཏེ་ཡང་དག་བརྩམ། །དགྲ་ཡི་སྒོ་འམ་ཡང་ན་གྲོང་། །གྲོང་ཁྱེར་རམ་ནི་ཀུན་འབྱུང་བའི། །གནས་འདི་རྣམས་སུ་ཕུང་པོ་ནི། །ཀུན
34b4 ནས་སྐྲོད་པར་བྱེད་པ་ཡིན། །སྙིང་པོ་དེ་ལ་མདོར་བསྡུས་པས། །བྱ་བ་ཙོག་པུའི་སྟན་ལ་འདུག་།དྲི་མ་མེད་པའི་གཟུགས་བྱས་ནས། །ཁྲོ་བོ་ཁྲོ་བོའི་མཆོག་འབྱུང་བ། །ཡོན་ཏན་སྟོང་ཕྲག་ཀྱང་བསྐྱེད་ནས། །རྟག་ཏུ་སངས་རྒྱས་ཀྱང་ཐོབ
34b5 བྱེད། །ཉི་མ་བདུན་ནམ་སོ་སོར་བྱས། །གལ་ཏེ་འགའ་ཞིག་མི་འགྲོ་ན། །མགོ་བོ་ཚལ་པ་བདུན་དུ་འགས། །མི་ཕྱེད་རྡོ་རྗེ་རང་གིས་གསུངས། །དེ་བཞིན་གཤེགས་པ་ཐམས་ཅད་སྐྲོད་པའི་ལེའུ་སྟེ་བཅུ་བདུན་པ་རྫོགས་སྷོ།། །།
34b6 དེ་ནས་བཅོམ་ལྡན་འདས་ཀྱིས་རྣམ་པར་སྣང་མཛད་ཆེན་པོ་རྡོ་རྗེ་སེམས་དཔའ་མཉེས་པར་བྱེད་པའི་ལས་འདི་གསུངས་སོ། །སངས་རྒྱས་སློབ་དཔོན་འདབ་བཟང་ཉིད། །རྡོ་རྗེའི་དཀྱིལ་དཀྲུང་དུ་གནས་ཏེ། །བྱ་དཀའི་ཉེ་བར
34b7 ལོངས་སྤྱོད་ཀྱིས། །གང་དེ་འཚོ་ཞིང་གནས་པར་བྱེད། །བརྗོད་པའི་ལྷག་མ་བསྟན་པར་བཤད། །འགྲོ་བ་དང་ནི་གར་ཉིད་དང་། །དེ་བཞིན་འབེལ་གཏམ་དུ་མི་འགྱུར། །མཐོན་པོ་མིན་ཉིད་སློབ་མ་ཡིས། །ཆོས་ཀྱི་དུས་སུའང
34b8 སྡིག་པ་སོགས། །གནས་བྱ་གལ་ཏེ་རྨོངས་པ་དེ། །མནར་མེད་གནས་སུ་འཚེད་པར་འགྱུར། །སྔགས་ཙམ་གལ་ཏེ་ཚངས་པ་ལ། །ལག་པ་གཉིས་ཀྱིས་ཡང་དག་བརྩམ། །ཇི་སྲིད་ནམ་མཁའ་ཡང་དག་འབྱུང་། །
iiif viewer powered by OpenSeadragon
