| e-texts navigator |
| Wylie |
33b1 བཟླས་པའི་སྦྱོར་བ་ཡིས། །ཀུན་དུ་སོན་པར་བྱེད་པ་ཡིན། །བློ་ལྡན་སངས་རྒྱས་ཉིད་ཐོབ་པའང་། །འགུགས་པར་བྱེད་པར་ཐེ་ཚོམ་མེད། །ཁྲོ་གཉེར་ཙི་ཀ་ཊ་རིག་མ། །འཇིགས་པ་ཡང་ནི་འཇིགས་པར་བྱེད། །
33b2 ལྷ་མིན་ཆེན་པོ་སོགས་སྦྱོར་བས། །གཡུལ་དུ་སྦྱོར་བར་བྱེད་པ་ཡིན། །ཁྲོ་བོ་གཟེགས་མའི་མཆོག་རྩེར་སྐྱེས། །སྔགས་པས་འབུམ་ཕྲག་གཅིག་བཟླས་བྱ། །ཁྲོ་བའི་སེམས་ཀྱིས་སྦྱར་བྱས་ན། །ངེས་པར་སངས
33b3 རྒྱས་ཀྱང་འཇིགས་བྱེད། །ལག་པར་དེ་ནི་ཡང་དག་བསྐྱེད། །མི་སྨྲ་དེར་སོན་བསམ་པ་ཡིས། །ཕ་རོལ་དཔུང་ནི་རེངས་པར་བྱེད། །བརྒྱ་བྱིན་གྱི་ཡང་ཐེ་ཚོམ་མེད། །གཟི་བརྗིད་ཕུང་པོ་བཟླས་ནས་ནི། །
33b4 འབུམ་ཕྲག་གསུམ་དུ་ལེགས་བསྐོར་ན། །བརྒྱ་བྱིན་སྡེ་ཡང་རེངས་པར་བྱེད། །འགའ་ཞིག་མིན་པར་འཇོམས་པར་བསྟན། །སྒྲོལ་མ་སྒྲོལ་ལེན་ཡང་དག་འབྱུང་། །འབར་བའི་ཡེ་ཤེས་དགེ་འབྱུང
33b5 བར། །འོག་གི་སྦྱོར་བ་བསྒོམས་པ་ཡིས། །རྡོ་རྗེའི་སྡེ་ཡང་རེངས་པར་བྱེད། །དེ་ཡི་སྙིང་པོའི་མཆོག་སྐྱེས་གང་། །རིགས་དང་རིགས་དབང་རིག་པར་བྱེད། །དེ་དང་ཡང་ན་འདི་ཉིད་དུ། །སྦྱོར་བར
33b6 བསམས་ནས་བསམ་གཏན་གྱི། །ཏིང་འཛིན་བསྒོམ་པས་སེར་པོའམ། །གཞན་དུ་དམར་པོར་ངེས་སྦྱར་བྱ། །བཅོམ་ལྡན་འདས་རྣམ་པར་སྣང་མཛད་ཀྱིས་དེ་སྐད་ཅེས་གསུངས་སོ། །
33b7 སྔགས་ཐམས་ཅད་ཀྱི་རྡོ་རྗེ་འབྱུང་བ་ཞེས་བྱ་བའི་ལེའུ་བཅཝ་ལྔ་པ་རྫོགས་སྷོ།། །། དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་སྔགས་ཐམས་ཅད་ཀུན་ལས། བཏུས་པའི་ལེའུ་གསུངས
33b8 སོ། །ཞི་བ་རྒྱས་པ་སོགས་ལས་ལ། །རང་གཟུགས་རྣམ་པ་བསྒོམ་པ་ཡིས། །ཐུགས་ཀར་ཡེ་ཤེས་ཡང་དག་འབྱུང་། །ཅོད་པན་ཡེ་ཤེས་ཆོས་དབང་ཕྱུག་།སངས་རྒྱས་གཟུགས
iiif viewer powered by OpenSeadragon
