| e-texts navigator |
| Wylie |
322b1 པར་གཞུག་། མཛོ་ལྟོལ་བ་ལང་དྲེའུའི་ཡང་། །ཐོད་པར་བཅུག་སྟེ་ཆུ་འགྲམ་དང་། །ཤིང་གཅིག་རྩ་རུ་མནན་པར་བྱ། །ཏིང་འཛིན་སྔགས་དང་རྫས་རྣམས་ཀྱིས། །རང་གི་བྱ་བ་ནན་ཏན་བྱོས། །ཞེས་གསུངས་སོ། །དཔལ་རྡོ་རྗེ་གཏུམ་པོ་ཐུགས
322b2 གསང་བའི་རྒྱུད་ཕྱི་མའི་ཕྱི་མ་ལས་བསྟན་པ་ལ་གནོད་པ་ཆམ་ལ་དབབ་པའི་ལེའུ་སྔགས་ཀྱི་ཕོང་བསྟན་པ་སྟེ་དྲུག་པའོ། ། །། དེ་ནས་གནོད་སྦྱིན་གཏུམ་པོས་གསོལ་པ། ཀྱཻ་བཅོམ་ལྡན་འདས་སླད་མའི་དུས་ན་གདུག
322b3 པ་ཅན་ཕྱག་བརྙན་བཅས་པའི་སྦྱོར་བའི་མཐུ་བཟློག་པའི་ཐབས་བཀའ་སྩལ་དུ་གསོལ། དེ་སྐད་ཅེས་གསོལ་པ་བཅོམ་ལྡན་འདས་ཀྱིས་བཀའ་སྩལ་པ། དེ་ནས་སྦྱོར་བའི་མཐུ་བཟློག་ན། །རང་ལུས་སྦས་ཏེ་དེ་དག
322b4 གིས། །མིག་གི་འབྲས་བུ་གཅར་བར་བྱ། །རང་ལུས་སྦ་བར་བྱ་བ་ནི། །སྐྱེ་འགྲོ་མིག་གི་འབྲས་བུ་གཅར། །ནག་པོ་ཁ་ཏའི་འབྲས་བུ་དང་། །ཙ་ར་རོག་པོའི་འབྲས་བུ་གཉིས། །མིག་ལ་བསྐུས་ཏེ་ནོར་བུ་བཙལ། །རྙེད་ནས་ལུས་བཅང
322b5 རི་ཁྲོད་འགྲིམ། །དེ་དག་རྙེད་པར་མ་གྱུར་ན། །གསེར་དང་དངུལ་རྡོ་ཞ་ཉེའི་རྡོ། །སྤྲ་ཚིལ་དང་ནི་ཨ་རུ་ར། །བ་རུ་ར་དང་པི་པི་ལིང་། །ཕོ་བ་རིས་རྣམས་ཆ་མཉམ་སྟེ། །བཞུ་སྟེ་རྫི་དང་རླངས་ལ་གཟབ། །དེ་དག་གཞན་གྱི་སྦྱོར
322b6 བ་ཡིས། །བདག་གམ་གཞན་ལས་འཚེ་གྱུར་ན། །དྲེགས་པ་ཀུན་གྱི་འབྲས་བུ་གཅར། །ལྟོ་འཕྱེའི་ཤ་དང་སྦལ་འདྲའི་ཤ་། ས་ཆུ་དག་ན་གནས་པའི་མི། །གླང་མའི་སྒྲོན་ཤིང་འབྲས་བུ་དང་། །མེ་མ་བཏང་བའི་དུ་བ་དང་། །ཉག
322b7 གཅིག་པོ་ཡི་དྲི་ཆེན་དང་། །སེམས་མ་ཆགས་པའི་ཤ་རྣམས་ཀུན། །ལེགས་པར་ནན་ཏན་བྱས་བཅས་ནས། །འཇིག་རྟེན་པ་ཡི་ལྷ་རྣམས་ཀྱི། །རྣམ་པར་དག་པས་མཐོང་མི་འགྱུར། །གདུག་པའི་ཀླུ་རྣམས་འགྲས་པའི
322b8 གདོན། །དེ་དག་འབྲས་བུར་གཅར་བ་ནི། །ཕག་ཕོ་རོག་པོའི་དོན་སྙིང་ལྔ། །ལྕེ་པོག་ནག་པོའི་གསེར་ལུམ་དང་། །ཐར་ནུའི་ཐངས་ཉམས་རྙེད་གདུང་སྟེ། །ལུས་ལ་བཅངས་པར་གྱུར་པ་ན། །ཤ་མིག་རྣམ
iiif viewer powered by OpenSeadragon
