| e-texts navigator |
| Wylie |
321a1 སྔགས་ཀྱི་འབྲུ་བཞིན་སྔགས་བཀོད་དོ། །ཀླུ་རྒྱལ་བཞི་གཟུགས་མཐར་བཞག་ནས། །གདུག་པ་ལས་ཀྱི་འཁོར་ལོ་བསྐོར། །དང་པོའི་ཞི་བ་ཐ་མར་དྲག་།དང་པོར་དྲག་ལ་ཐ་མར་ཞི། །ཐོག་མཐའ་གཉིས་ཀ་ཞི་དང་དྲག་།ུ0f00་ནཱ་ག་རཱ་ཛ་སམ་། ། པ་ལཱ་ཡ་ཙིཏྟ་ཛྭ
321a2 ལ་ཡ། ས་མ་ཡ་སྭཱ་ཧཱ། ཉི་ཤུ་གཅིག་གིས་མཐར་དབྱུང་ངོ་ཞེས་གསུངས་སོ། །དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ཕྱི་མའ་ཕྱི་མའི་ལས་དམ་ཚིག་སྲོག་གི་འཁོར་ལོ་འཇམ་པ་དང་རྩུབ་པའི་སྔགས་ཀྱི་ལེའུ་སྟེ་གསུམ་པའོ།། །།
321a3 དེ་ནས་ཡང་གནོད་སྦྱིན་གཏུམ་པོས་གསོལ་པ། ཀྱེ་བཅོམ་ལྡན་འདས་སླད་མའི་དུས་ན་བསྟན་པ་ལ་གནོད་པ་དང་གདུག་པ་ཅན་འདུལ་བ་ཐུན་མོང་གི་ལས་བཀའ་སྩལ་དུ་གསོལ་ཞེས་གསོལ་པས། བཅོམ་ལྡན་འདས་ཀྱིས་བཀའ་སྩལ་པ། ཐུན
321a4 མོང་ཕྱི་རུ་གསད་འདོད་ན། །ཕྲིན་ལས་མི་འགྱུར་འཁོར་ལོ་བསྐོར། །འཁོར་ལོར་གཞུག་དང་གཟུགས་ལ་གདབ། །གསང་བའི་འཁོར་ལོ་ལྟོ་སྦྱར་དུ། །གང་དམིགས་གཟུགས་དེ་ཁྲག་ཏུ་བྲི། །སྙིང་གར་མིང་བྲི་ལྟེ་བ་ལ། །ཤྭ་རཱི་ར་ཏེ་མགོ་བོ་ལ། །བནྡྷ
321a5 བནྡྷ་ཞེས་པ་དགོད། །ཡན་ལག་བཞི་པ་ཧ་ན་སྟེ། །མཱ་ར་ཡ། བརླ་གཉིས་དང་ནི་མཚན་མ་ལའོ། །དམིགས་པའི་ས་ནས་ཟག་པའི་རྫས། །བླངས་ཏེ་བོང་བུའི་ཆུས་སྦྲུས་ལ། །ཤ་ཏྲཱུ~ཾ་གཟུགས་བྱ་ཡིག་འབྲུ་རྣམས། །གནས་སུ་བཀོད་དེ་སྔོན
321a6 དམར་བཅིང་། །དུག་རྫས་གཏུམ་པའི་རྫས་ཀྱིས་གཏུམ། །བཙོན་ཁང་བསྐུར་ཏེ་ཐུན་རྣམས་དབབ། །ཟླ་བ་གཅིག་ཏུ་གནག་པར་བྱ། །བདུན་བདུན་བསྐོར་བྱ་བར་བར་དུ། །མཆོད་པའི་ལས་བྱ་མཚན་ཐུན་དབབ། །བསྲེག་དང
321a7 གནོན་པས་མཐའ་བརྟུལ་བྱ། །ཞེས་གསུངས་སོ། །དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ཕྱི་མའི་ཕྱི་མ་ལས་ཕྲིན་ལས་མི་འགྱུར་བའི་འཁོར་ལོའི་ལེའུ་སྟེ་བཞི་པའོ།། །། དེ་ནས་ཡང་གནོད་སྦྱིན་གཏུམ་པོས་གསོལ་པ།
321a8 ཀྱཻ་བཅོམ་ལྡན་འདས་སླད་མའི་དུས་ན། གདུལ་དཀའ་བའི་གདོལ་པ་ཅན་རྣམས་ཀྱི་ལོ་ཏོག་འཇོམས་པའི་ཐབས་བཀའ་སྩལ་དུ་གསོལ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ལོ་ཏོག་འཇོམས
iiif viewer powered by OpenSeadragon
