| e-texts navigator |
| Wylie |
304b1 མཆོག་ཏུ་སེམས་བསྐྱེད་པ་དྲན་པར་འགྱུར་རོ། །འབྲས་ཀྱི་ཡོས་ཀྱིས་ནི་ཀླུའི་ནད་ཐམས་ཅད་འཚོ་བར་འགྱུར་རོ། །ཐང་ཀ་བྱ་རྒྱུས་སྤུ་ཤེལ་གྱིས་ནི་རྩ་རྒྱུས་ཆད་པ་སོས་པར་འགྱུར་རོ། །ག་པུར་གྱིས་ནི་རྩ་བའི་ནད
304b2 སོས་ནས་ལུས་ཀྱི་བཅུད་ཀུན་ཚིམ་པར་བྱེད་དོ། །དར་ལེབ་རྒན་གྱིས་ནི་ག་རུ་ཌའི་འཇིགས་པ་ལས་སྐྱོབ་པར་བྱེད་དོ། །མེ་ཚན་དང་། བྱེ་ཚན་དང་། གཅེར་བུ་དང་། རྒྱལ་པོའི་ཆད་པ་དང་། ས་གཡོ་བ་དང་།
304b3 གཞན་གྱི་རིག་སྔགས་ཀྱིས་གནས་འགུལ་བ་དང་ཕུར་བུས་འདེབས་པ་ལས་ཐར་བར་བྱེད་དོ། །མཚལ་གྱིས་ཁྲག་བསྐམས་པ་སོས་པར་བྱེད་དོ། །དུང་གིས་རུས་པ་ཆག་པ་སོས་པར་བྱེད་དོ། །རས་སྐུད
304b4 དམར་པོས་ནི་སྲོག་འགག་པ་ཚངས་པའི་ཚེ་དང་ལྡན་པར་བྱེད་དོ། །དཀར་དང་མངར་གྱིས་ཞལ་ཟས་རོ་མཆོག་བརྒྱ་དང་ལྡན་པར་བྱེད་དོ། །དེ་དག་ཀུན་ཀྱང་རིན་པོ་ཆེའི་བུམ་པའམ། ཁམ་ཕོར་ལྟ་བུ་མཆུ
304b5 ལྔ་པར་བླུགས་ནས་སྦས་ན་གང་ཉམས་པ་དེ་སོས་པར་འགྱུར་རོ། །དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ལས་ཀླུ་གསོ་བའི་ལེའུ་སྟེ་བཅུ་པའོ།། །། དེ་ནས་ལྷའི་དབང་པོས་གསོལ་པ།
304b6 ཀྱེ་རྡོ་རྗེ་ཁྲོ་བོ་ཆེན་པོ། འདི་དག་བསྡིགས་ན་ཇི་ལྟར་བསྡིགས། །གགས་དག་གཅད་པ་ཇི་ལྟ་བུ། །བརླག་པར་བྱ་བ་ཇི་ལྟ་བུ། །རྡོ་རྗེ་ཁྲོ་བོས་བཀའ་སྩལ་པ། །ཉོན་ཅིག་དབང་པོ་རྣམ་པར་རྒྱལ། །བསྡིགས་པར
304b7 བྱ་བ་འདི་དག་གོ། །ཤིན་དུ་ཁྲོས་བཅས་མགོ་སྟོད་ལ། །མཁའ་ལྡིང་ག་རུར་སྤྲུལ་པར་བྱ། །རྡོ་རྗེ་ཁྲོ་བོ་འཆོལ་བ་གདོན། །ཕྱོགས་བཅུར་རྡོ་རྗེ་སྤྲོ་བར་བྱ་ཧཱུ~ཾ་ཧཱུ~ཾ་ཧཱུ~ཾ། བཛྲ་ཙཎྜ་ཨ~ཾ་ཨཱཿ་ནཱ་ག་པྲ་ཐ་པྲ་ཐ། ཧཱུ~ཾ་ནཱ་ག
304b8 ནཱ་ཤ་ཡ་ཕཊ། ཅེས་བཀའ་སྩལ་པས་དྲེགས་པ་ཅན་དེ་དག་ལུས་ལ་གཅད་གཏུབས་ཀྱི་སྡུག་བསྔལ་བྱུང་གིས་དོགས་ཏེ། འཕྲལ་ཉིད་དུ་གདུག་པ་ཅན་དེ་དག་ཤིན་དུ་བྲེད་པར་གྱུར་ཏེ་བཀའ་བཞིན་དུ
iiif viewer powered by OpenSeadragon
