| e-texts navigator |
| Wylie |
304a1 ལས་འདས་གྱུར་ན། །བདག་ཅག་རྣམས་ཀྱི་མགོ་ལུས་སྙིང་། །དུམ་བུར་གས་ནས་རུལ་བར་ཤོག་།ཏདྱ་ཐཱ། ཨོཾ་ཙ་ཊཱ་ཙ་ཊཱ། བི་ཙི་ཊུ། ཤ་ཐ་ཤ་ཐ། སྭ་ཙ་ཏེ་སྭཱ་ཧཱ་ཞེས་གསོལ་ཏོ། །དཔལ་རྡོ་རྗེ་གཏུམ་པོ་ཐུགས
304a2 གསང་བའི་རྒྱུད་ལས་གདུག་པ་ཅན་བཀའ་ལ་བཏགས་པའི་ལེའུ་སྟེ་དགུ་པའོ། ། །། དེ་ནས་ཡང་དབང་པོ་ཆེན་པོས་གསོལ་པ། ཀྱེ་རྡོ་རྗེ་ཁྲོ་བོ་དག་དྲེགས་པ་ཅན་འདི་དག་ཤིན་དུ་མ་རུངས་པར་གྱུར་ན། ལ་ལ་ནི
304a3 རུས་པ་ཆག་ཅིང་གྲུགས། ལ་ལ་དག་ནི་ཚེའི་འདུ་བྱེད་མཐའ་ལ་གཏུགས་སུ་ཉེ། ལ་ལ་དག་ནི་ནམ་མཁའ་ལྡིང་དབུའི་གཙུག་ཏོར་ན་གནས་པས་ལེན་པའི་སྡུག་བསྔལ་གྱིས་གཟིར། ལ་ལ་དག་ནི་ཁྲག་བསྐམས།
304a4 ལ་ལ་དག་ནི་སེན་མོ་དང་ཡན་ལག་ཆག་།ལ་ལ་དག་ནི་གཏི་མུག་གི་གཉིད་ལོག་པས་བྱང་ཆུབ་ཀྱི་སྙིང་པོ་མི་ཤེས། ལ་ལ་དག་ནི་རྩ་དང་རྒྱུས་པ་ཆད་དེ། ནད་རྣམ་པ་སྣ་ཚོགས་ཀྱིས་གདུངས། ལ་ལ་དག་ནི
304a5 ལུས་ཀུན་ཚ་བའི་ནད་ཀྱིས་ཉམས་ཐག་། ལ་ལ་དག་ནི་རྩེ་ཞིང་མིང་ཡང་མི་གྲག་།ལ་ལ་དག་ནི་ཉོན་མོངས་པ་རྒྱས་ཏེ་སྔོན་སེམས་བསྐྱེད་པ་རྗེས་སུ་མི་དྲན། ལ་ལ་དག་ནི་སེམས་བསྐྱེད་པ་རྗེས་སུ་དྲན
304a6 ཡང་དེ་བཞིན་གཤེགས་པའི་ཞལ་མི་མཐོང་། ལ་ལ་དག་ནི་ཡི་དགས་ཀྱི་ཁམས་ལྟ་བུ་སྟེ་ཁ་ཟས་ཀྱི་སྐལ་བ་དང་མི་ལྡན་ན་འདི་དག་གསོ་བའི་ཐབས་བཀའ་སྩལ་དུ་གསོལ་ཞེས་གསོལ་པ་ལས་ལྷའི
304a7 དབང་པོ་དག་དབང་པོའི་ལག་པས་ནི་ལག་པ་ཆད་པ་སོས་པར་འགྱུར་རོ། །ཆུ་སྲིན་སྡེར་མོས་ནི་སེན་མོ་ཆག་པ་སོས་པར་འགྱུར་རོ། །ནཱ་ག་གེ་སར་གྱིས་ནི་བྱང་ཆུབ་ཀྱི་སེམས་བསྐྱེད་པ་རྗེས་སུ་དྲན་པར
304a8 འགྱུར་རོ། །ནཱ་ག་པུས་པས་ནི་ཀླུའི་གནས་མེ་ཏོག་གི་ཚལ་དུ་འགྱུར་རོ། །གུ་གུལ་གྱི་དྲི་ཆེན་པོས་ནི་དེ་མ་ཡིན་པ་ཐམས་ཅད་བསྲེགས་ནས། ཀླུའི་སྣ་ལ་མནམས་པ་ཙམ་གྱིས་སྔོན་བྱང་ཆུབ
iiif viewer powered by OpenSeadragon
