| e-texts navigator |
| Wylie |
303a1 དྲེགས་པ་ཅན་དེ་དག་ཤིང་ལོ་རླུང་གིས་བསྐྱོད་པ་བཞིན་ནོ། །དེ་ནས་རྔམ་པའི་གསུང་དང་། བརྗིད་པའི་སྐུ་ལས་འདི་སྐད་གསུངས་སོ། །ཁྲོ་བོའི་རྒྱལ་པོ་ང་ཉིད་ཀྱིས། །སྲིད་པ་གསུམ་ན་གནས་པ་ཡང་། །ཐམས
303a2 ཅད་མ་ལུས་ཟིལ་གྱིས་གནོན། །རིགས་བཞི་ཀླུ་རྒྱལ་འཁོར་དང་བཅས། །གཟི་བྱིན་དྲག་པོས་གནོན་པར་བྱ། །ང་ནི་མཐུ་སྟོབས་བདག་པོ་སྟེ། །རྔམ་པའི་གསུང་དང་བརྗིད་པའི་སྐུ། །ཕྱག་རྒྱ་དྲག་པོས་ཟིལ
303a3 གྱིས་གནོན་ཞེས་ཆེད་དུ་བརྗོད་པས་བརྗོད་ནས་བརྗིད་གནོན་གྱི་ཕྱག་རྒྱ་ཞེས་བྱ་བ་བཅས་ཏེ་ཕྱག་སོར་མོ་བསྣོལ་ཏེ་མཐེ་བོང་གཉིས་དང་མཐེ་ཆུང་གཉིས་སོ་སོར་རྩེ་སྤྲད་ནས་བརྐྱང་ངོ་། །ཕྱག་གི་མཐིལ་འཁོར
303a4 ལོ་ཅན་ཡང་ཐུར་དུ་བསྟན་ཏེ་ཤིན་དུ་མི་བཟད་པའི་སྔགས་བཀའ་སྩལ་པ། ཨོཾ་བཛྲ་ཙཎ་ཌ་བཛྲ་པཱ་ཎི་ཧཱུ~ཾ་ཧཱུ~ཾ། ག་རུ་ཌ་པཀྵེ། ཧཱུ~ཾ་ཧཱུ~ཾ། ཛེཾ་མཱ་ལ་བ་རི་ཙི། ཙི་སྲི་ཙ་ཧཱུ~ཾ་ཕཊ་ཅེས་ཆེད་དུ་བརྗོད་པས་ཆེད་དུ་བརྗོད་པས
303a5 དྲེགས་པ་ཅན་དང་ཀླུ་ཐམས་ཅད་མྱོས་རབ་ཏུ་མྱོས་ནས་བཀའ་བཞིན་བགྱིའོ་ཞེས་གསོལ་ཏོ། །དེ་དག་ཐམས་ཅད་ཀྱང་མྱོས་པའི་ཆུ་དྲག་པོ་འཐུངས་པ་ལྟ་བུའམ། སྐྱེས་བུ་གཉིད་ཀྱིས་གདུངས་པ་ལྟ་བུ་སྟེ།
303a6 དེ་དག་ཐམས་ཅད་ཀྱི་མགྲིན་གཅིག་ཏུ་གསོལ་པ། ཀྱེ་མ་གསང་བའི་བདག་པོ་བཅོམ་ལྡན་འདས། །རིག་སྔགས་བདག་པོ་ཁྲོ་བོའི་རྒྱལ། །ཁྱོད་ཀྱི་རིག་སྔགས་སྨོད་པ་ཡིས། །ཤིན་དུ་མི་ཟད་རབ་ཏུ་མྱོས། །
303a7 འབངས་སུ་མཆི་ཞིང་བཀའ་བཞིན་འཚལ། །ཐུགས་རྗེ་ཅན་གྱིས་བདག་ཅག་ལ། །རབ་ཏུ་དགོངས་ཤིག་འབངས་སུ་མཆི། །སླད་མ་རྣམས་ལ་འཚེ་མི་བགྱིད་ཅེས་དམ་བཅས་སོ། །དཔལ་རྡོ་རྗེ་གཏུམ་པོ
303a8 ཐུགས་གསང་བའི་རྒྱུད་ལས་དྲེགས་པ་ཅན་ཟིལ་གྱིས་གནོན་པའི་ལེའུ་སྟེ་བརྒྱད་པའོ། ། །། དེ་ནས་སུམ་བཅུ་རྩ་གསུམ་གྱི་ལྷའི་སྡེ་དཔོན་ཆེན་པོ་བརྒྱ་བྱིན་ཞེས་བྱ་བ་ག་ལ་བ་དེར་འོངས་ཏེ་མཆོད
iiif viewer powered by OpenSeadragon
