| e-texts navigator |
| Wylie |
302a1 ཆོས་ཉིད་སྐྱེ་བ་མེད་པའི་དོན་དང་། ལྡན་ཞིང་འཁོར་བ་ཁྲག་ཞག་དང་འདྲ་བ་ལ་ཐུགས་རྗེས་གཟིགས་པའི་ཕྱིར་ཞག་གི་ཟོ་རིས་ཀྱིས་སྐུ་ལ་བརྒྱན་པ། ཐེག་པ་ཆེན་པོའི་དབང་གིས་ཐམས་ཅད་འདུལ་བའི་ཕྱིར
302a2 ཐལ་ཆེན་གྱི་ཚོམ་བུས་སྐུ་ལ་བརྒྱན་པ། ཆོས་ཉིད་སྐྱེ་བ་མེད་པའི་དོན་དང་ལྡན་ཞིང་ནོར་བུ་འབར་བས་ཆ་བྱད་དུ་སྣང་སྟེ། དབུ་སྐྲ་སྔོ་ནག་ལ་རལ་པའི་ཅོད་པན་གྱིས་བཅིངས་པ། ཞབས་གཡས་པ་བརྗིད་པའི་ཚུལ་གྱིས
302a3 བསྐུམ་ནས་གནས་པ། ཞབས་གཡོན་པ་དྲག་པོའི་ཚུལ་གྱིས་བསྒྲད་ནས་གནས་པས་སྲོག་ལ་རྔམ་པའི་སྲིན་པོ་ཕོ་མོ་བརྫིས་པ། ཕྱག་གཡས་པ་ན་རྡོ་རྗེ་རྩེ་ལྔ་པ་བརྡེག་པའི་ཚུལ་དུ་འཛིན་པ། གཡོན་པ་ན་བསྡིགས
302a4 པའི་མཛུབ་མོ་ཕྱར་བ་དག་ཏུ་སྣང་བ་ཞེས་རྒྱ་གྲམ་དང་། རལ་གྲི་འབར་བས་ཡན་ལག་བཞི་ལ་ལས་ཀྱི་བྱེད་པ་པོར་དབང་བསྐུར་རོ། །དམ་རྫས་བདུད་རྩི་རྣམ་པ་ལྔས་དབང་བསྐུར་ནས་ཕྲིན་ལས་ཐམས་ཅད་ཀྱི་བྱེད་པ
302a5 པོར་དབང་བསྐུར་ཏེ། དེ་ཡང་གཉིས་སུ་མེད་པའི་རོལ་པས་སོ། །དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ལས་དེ་བཞིན་གཤེགས་པ་ཐམས་ཅད་ཀྱིས་འབར་བའི་ཁྲོ་བོ་ལ་དབང་བསྐུར་བའི་ལེའུ་སྟེ་དྲུག་པའོ།། །། དེ་ནས་དཔལ་རྡོ་རྗེ་གཏུམ་པོ་ལག་ན་རྡོ་རྗེས
302a6 སྡིགས་མཛུབ་ནི་བསྒྲེང་། རྡོ་རྗེ་ནི་སྤར་ནས་འབར་བའི་ཁྲོ་བོའི་ལྟ་བས་ཀུན་དུ་བལྟས་ཏེ། སྤྱན་ནི་བཟློག་།ཞལ་ནི་བགྲད་ནས་ཞལ་ནས་རྔམ་པའི་སྒྲ་སྐད་ནི་ཧ་ཧ། ཧཱུ~ཾ་ཧཱུ~ཾ། ཨ་ལ་ལ། ཨ~ཾ`་ཨ~ཾ`། དྷི་དྷི། ཧོ་ཧོ། ཞེས་བྱིན་པའི་བརླབས་ལས་ཕྲག་པ་གཉིས་རབ་ཏུ་འབར
302a7 ཏེ། རྡོ་རྗེ་ཁྲོ་བོ་དཀར་བ། རྣམ་པར་དཀར་བ་དག་མཐའ་ཡས་པ་འཐོན་ཏོ། །དཔྲལ་བ་རྣམ་པར་འབར་བ་ལས་ཁྲོ་བོ་མཐིང་ག་སྣ་ཚོགས་པ་འཐོན་ཏོ། །མགྲིན་པ་རབ་ཏུ་འབར་བ་ལས་ཁྲོ་བོ་དམར་པོ་རྣམ་པར་དམར་བ་དག་འཐོན་ཏོ། །ཐུགས
302a8 ཀ་རབ་ཏུ་འབར་བ་ལས་རྡོ་རྗེ་ཁྲོ་བོ་ནག་པོ་རབ་ཏུ་འབར་བ་སྣ་ཚོགས་པ་འཐོན་ཏོ། །སྐུ་ལྟེ་བ་རབ་ཏུ་འབར་བ་ལས་རྡོ་རྗེ་ཁྲོ་བོ་ལྗང་གུ་རབ་ཏུ་འབར་བ་དག་འཐོན་ཏོ། །འབར
iiif viewer powered by OpenSeadragon
