| e-texts navigator |
| Wylie |
301b1 གསང་གནས་སུ་རྒྱ་གྲམ་གཞག་། ཡེ་ཤེས་ཀྱི་ཁྲོ་ཆུང་སྐུ་ཆུང་ལ་སྤྱན་ཆེ་བ་རྡོ་རྗེ་དང་བསྡིགས་མཛུབ་འཛིན་པ། དཀར་པོ་དང་། དམར་པོ་དང་། སེར་པོ་དང་། ལྗང་གུ་དང་། མཐིང་ག་ལ་སོགས་ཏེ་སྣ་ཚོགས་པའི་ཁྲོ་ཆུང་འཐོན་ནོ། །འཐོན་པར
301b2 གྱུར་ཏོ། །དེ་དག་གི་བྱིན་གྱིས་བརླབས་ཀྱིས་ས་ཆེན་པོ་འདི་རྣམ་པ་དྲུག་ཏུ་གཡོས། རབ་ཏུ་གཡོས། ཀུན་དུ་གཡོས། ཀུན་དུ་རབ་ཏུ་གཡོས་པར་གྱུར་ཏོ། །བསྲེག་པའི་བསྐལ་པའི་སྒྲ་ཙམ་ཡང་གྲག་པར་གྱུར་ཏོ། །དེ་དག
301b3 ཚུར་འདུས་ཤིང་ནམ་མཁའ་ལ་བབ་ནས། འཁོར་ལོ་འབར་བའི་ལྟེ་དབུས་སུ་གནས་པ་ལས་དེ་བཞིན་གཤེགས་པ་ཐམས་ཅད་ཀྱི་གསུང་གཅིག་གིས་རོ་ཥཱ་ཎ་ཡཀྵ་གྲྀཧྞ་གྲྀཧྞ་ཕཊ་ཅེས་གསུངས་པ་ལས་ཡེ་ཤེས་ཀྱི་ཁྲོ་བོ
301b4 སྐུ་དུག་ཧ་ལ་ནག་པོའི་མདོག་ལྟར་འཚེར་བ། ཡེ་ཤེས་རྔམ་པའི་སྤྱན་གསུམ་བསྐལ་པའི་གློག་ལྟར་འཁྱུག་ཅིང་གདུག་པ་ཉི་མའི་འོད་ཟེར་བཞིན་གང་ལ་བལྟས་པ་བརླག་ནུས་ཤིང་ཚ་བ། སྨྱིན་མ་རྔམ་པའི་གློག་དྲག
301b5 པོ་བཞིན་སེར་ནག་ཏུ་འབར་བས་གཏི་མུག་དང་། ཉོན་མོངས་པའི་མུན་པ་སེལ་བར་བྱེད་པ། སྨ་ར་སེར་ནག་ལ་ཡེ་ཤེས་ཀྱི་མེ་འབར་བ། ཉོན་མོངས་པའི་བག་ཆགས་སྲེག་པ། ཉོན་མོངས་པ་གཏི་མུག
301b6 འཇོམས་པར་བྱེད་པའི་གླང་པོ་ཆེའི་ཀོ་རློན་གསོལ་པ། ཉོན་མོངས་པའི་ཞེ་སྡང་འདུལ་བའི་རྟགས་སུ། གཅན་གཟན་གྱི་རྒྱལ་པོ་སྟག་གི་ཤམ་ཐབས་བགོས་པ། ཉོན་མོངས་པ་ཕྲག་དོག་འདུལ་བར་བྱེད་པའི
301b7 གཟིག་གི་མགོ་བོས་བརྒྱན་པ། ཉོན་མོངས་པའི་འཁོར་བ་མ་སྤངས་པས་ཞིང་ཆེན་གྱི་གཡང་གཞི་གསོལ་བ། སྦྲུལ་དཀར་ཁྲས་དབུ་བརྒྱན་པ། སེར་ཁྲས་མགུར་ཆུ་བྱས་པ། དམར་ཁྲས་ཕྱག་གདུབ་བྱས་པ། ལྗང
301b8 ནག་ཁྲས་ཞབས་གདུབ་བྱས་པ། དུག་གསུམ་ངང་གིས་མི་སྤོང་བར་ཉོན་མོངས་པའི་ཤ་ཁྲག་གསོལ་བ། སྐུ་དང་། གསུང་དང་། ཐུགས་དང་ལྡན་པའི་ཐོད་པ་སྐམ་པོ་དང་། རློན་པ་དང་། ནེ་ཕྲེང་གིས་སྐུ་ལ་བརྒྱན་པ།
iiif viewer powered by OpenSeadragon
