| e-texts navigator |
| Wylie |
300b1 གྱུར་ཏེ་རི་མོ་བཞིན་གཡོ་བ་མེད་པར་གྱུར་ཏོ། །མཐུའི་བྱིན་གྱིས་བརླབས་ཀྱིས་འཁོར་ལོའི་ལྟེ་དབུས་སུ་རྡོ་བ་བསྐྱུར་བ་བཞིན་དུ་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱིས་ཀྱང་སྟི་ར་བ~ཾ་ཞེས་བརྗོད་པས་སྲིན་པོ་ཕོ་མོ
300b2 དྲན་པ་རྙེད་དེ་མདུན་དུ་གྱུར་ཏོ། །དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ལས་གཞལ་ཡས་ཁང་ལྷུན་གྱིས་གྲུབ་པའི་ལེའུ་སྟེ་བཞི་པའོ།། །། དེ་ནས་ཐུགས་རྗེ་ཁྲོས་པའི་ཧཱུ~ཾ་མཐིང་ནག་འོད་འབར་བ་ལས
300b3 དེ་བཞིན་གཤེགས་པ་ཀུན་གསུང་གཅིག་གིས་ཨ་བྷཾ་རོ་ཥཱ་ཎ་ཧཱུ~ཾ་ཞེས་གསུངས་པ་ལས་ཁྲོ་གཉེར་བསྡུས་ཤིང་ཞལ་བགྲད་པས་དུག་གསུམ་རྩད་ནས་གཅོད་པའི་མཆེ་བ་ཟུར་གསུམ་གཙིགས་པ། དེ་ལྟར་འབར་བའི་ཆ་བྱད
300b4 དུ་སྣང་བ་ཞིག་བྱུང་སྟེ། འཇིག་རྟེན་གྱི་ཁམས་ཆེན་པོ་གསུམ་གཡོས། རབ་ཏུ་གཡོས། ཀུན་ཏུ་གཡོས། ཀུན་ཏུ་རབ་ཏུ་གཡོས་པར་གྱུར་ཏོ། །དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ལས་འབར་བའི་ཁྲོ
300b5 བོ་ཁྲོས་པའི་ཚུལ་དུ་བསྐྱེད་པའི་ལེའུ་སྟེ་ལྔ་པའོ། ། །། དེའི་ཚེ་དེའི་དུས་ན། དུས་གསུམ་གྱི་ཐེག་པའི་བདག་པོ་ཐམས་ཅད་འདུས་ཏེ། ཡེ་ཤེས་ཀྱི་མཁའ་གསང་བའི་བུམ་པས་འབར་བའི་ཁྲོ་བོ་དེའི
300b6 ལུས་ཀུན་བཀྲུས་ཏེ་ཡེ་ཤེས་ཀྱི་བུམ་པའི་ཆུ་རྒྱུན་གྱིས་དབང་བསྐུར་རོ། །དག་པར་འཁྲུ་བར་བྱེད་པའི་ཉེ་ཤིང་པ་དང་། སྒྲིབ་པ་སྦྱོང་ཞིང་ཀུན་དུ་སྐྱོབ་པར་བྱེད་པའི་ཕུར་མོའི་ཐལ་བ་དང་། ཆོས་ཉིད་ཀྱི
300b7 རྩི་དང་། ཡེ་ཤེས་ཀྱི་བཅུད་མར་ལ་སོགས་པས་འགྲོ་བ་རྣམས་ཀྱི་ཚུལ་དང་ལྡན་པའི་ཕྱིར་དབང་བསྐུར་རོ། །ཡེ་ཤེས་ཀྱི་ཁྲོ་བོ་དེ་ལུས་སིམ་ཞིང་རྒྱས་ཏེ་བདེ་བ་སྐྱེས་པར་གྱུར་ཏོ། །དེ་ནས་རིགས
300b8 ཐམས་ཅད་ཀྱི་བདག་པོ། སངས་རྒྱས་ལྔ་ཡུམ་དང་བཅས་པས་བདེ་བ་ལ་སྙོམས་པར་ཞུགས་ཏེ། གཉིས་སུ་མེད་པའི་མཁའ་ལས་ཡེ་ཤེས་ཀྱི་ཡིག་འབྲུ་ཀྵི~ཾ`་མཐིང་ག་དང་། ཀྵི~ཾ`་དཀར་མོ་དང་། ཀྵི~ཾ`་སེར
iiif viewer powered by OpenSeadragon
