| e-texts navigator |
| Wylie |
299b1 པོ་སྲོག་ལེན་དང་། གཤིན་རྗེའི་རྒྱལ་པོ་རྨིག་པ་དང་། མ་མོའི་རྒྱལ་མོ་མཁའ་དབྱིངས་ཀྱི་ཡུམ་དང་། གཤིན་རྗེའི་སྲིང་མོ་ཕུང་བྱེད་རེ་མ་ཏི་ལ་སོགས་པ་དང་། ཤིན་དུ་དྲེགས་པ་ཅན་གྱིས་འཇིག་རྟེན
299b2 ཕུང་བར་བྱེད་པ་དག་མ་ཐུལ་བ་ལ་ལོངས་སྤྱོད་རྫོགས་པའི་སྐུ་ལྔས་ཀྱེ་གསང་བའི་བདག་པོ་དྲེགས་པ་ཕོ་མོ་དག་ཐུལ་བར་མ་གྱུར་ཏེ། ཐམས་ཅད་ཀྱི་ཐབས་ཀྱིས་དྲེགས་པ་ཉོན་མོངས་པ་གདུལ་བར
299b3 བྱའོ་ཞེས་བཀའ་སྩལ་ཏོ། །དུས་གསུམ་གྱི་སངས་རྒྱས་ཐམས་ཅད་ཀྱང་གསང་བའི་བདག་པོ་ལ་འདི་སྐད་ཅེས་གསུངས་སོ། །འཇིག་རྟེན་གྱི་དྲེགས་པ་འདི་དག་འདོད་ཆགས་ལ་གནས་པས་སེམས་ཅན
299b4 ལ་རྣམ་པར་འཚེའི། ཀུན་གྱི་ལུས་དང་སྲོག་མ་རུངས་པར་བྱེད་པས་ཁྱོད་ཀྱིས་ཐམས་ཅད་ཁྲོས་པའི་ཚུལ་གྱིས་ཐུལ་ཤིག་ཅེས་བསྒོའོ། །ཕྱོགས་བཅུའི་ཞིང་ཁམས་རྣམ་པར་དག་པ་ན་བཞུགས་པའི་སངས་རྒྱས་དང་།
299b5 བྱང་ཆུབ་སེམས་དཔའ་དང་། རིགས་སོ་སོར་ཀུན་ནས་འདུས་པ་རྣམས་ཀྱང་གསུང་གཅིག་གི་ང་རོས་འདི་སྐད་ཅེས་གསུངས་སོ། །གསང་བའི་བདག་པོ་ཁྱོད་ཤིན་དུ་ཁྲོས་པའི་ཚུལ་སྟོན་ལ་མ་མཆིས
299b6 པའི་སྟོབས་ཀྱིས་དྲེགས་པ་ཅན་འཐུལ་ཤིག་ཅེས་བཀའ་བསྒོའོ། །གཞན་ཡང་རིག་སྔགས་དང་། གསང་སྔགས་དང་། གཟུངས་སྔགས་ཀྱི་བདག་པོ་ཐམས་ཅད་འདུས་ཏེ། རིགས་ཀྱི་བདག་པོ
299b7 དང་། རིགས་ཀྱི་ཡུམ་དང་། རིགས་ཀྱི་ཁྲོ་བོ་དང་། རིགས་ཀྱི་སྤྲུལ་པ་དང་། རིགས་ཀྱི་ཕོ་ཉ་མོ་ལ་སོགས་པ་ཐམས་ཅད་འདུས་ནས་མགྲིན་གཅིག་ཏུ་བཀའ་སྩལ་པ། གསང་བའི་བདག་པོ་གདུལ་བྱའི
299b8 ཞིང་འདི་དག་ཞི་བའི་ཆ་བྱད་ཀྱིས་མི་འདུལ་བས་ཞེ་སྡང་དང་། གདུག་སེམས་སུ་བཅས་པ་ཉོན་མོངས་པ་རང་དགའ་མར་སྤྱོད་པ། འདོད་པའི་སྐོམ་གྱིས་གདུངས་པ་འདི་དག་ཁྱོད་ཀྱི་མཐུའི་སྟོབས་ཀྱིས་ཤིན
iiif viewer powered by OpenSeadragon
