| e-texts navigator |
| Wylie |
297a1 དང་དཔལ་བྱེད་དང་། །ཕྱིར་རྒྱོལ་བ་རྣམས་བརླག་པ་ཡི། །ཕྲ་མོ་འགྲུབ་པ་སྨོས་ཅི་དགོས། །འཇིག་རྟེན་ལས་གྲོལ་བདེ་བའི་ལུས། །རྒྱལ་བའི་གསུང་གིས་ལེགས་འཐོབ་བོ། །སྐུ་ནི་འདིར་བརྗོད་མེད་པས་ཏེ། །
297a2 སྤྱོད་ཚུལ་རྣམས་ལས་འདས་པའོ། །མིང་དང་ཚོགས་ལས་རྣམ་འདས་ན། །ཉེར་ཞི་སྤྲོས་ལས་ཤིན་དུ་འདས། །ཚིག་གི་ཡུལ་ནི་རྣམ་པར་བྲལ། །རྡོ་རྗེ་སྒོ་ལ་དེ་དག་ནི། །ཅི་བཞིན་དོན་ནི་ཤེས་འགྱུར་གྱི། །གཞན་དུ
297a3 བསྐལ་པ་སྟོང་དུ་ཡང་། །ཅིས་ཀྱང་ཤེས་པར་ག་ལ་ནུས། །གལ་ཏེ་དམིགས་པ་ཟད་འདོད་པས། །མི་དམིགས་སྤྲོས་མེད་གང་ཞིག་ལ། །རང་གི་སེམས་ཉིད་གཞག་པར་བྱ། །དེ་ལ་ཐར་པས་གྲོལ་བའོ། །
297a4 གལ་ཏེ་དགའ་འགྱུར་ཡིད་ཡོད་ན། །དངོས་འདི་ཤེས་པས་ཅི་སྟེ་སྟོང་། །དེ་སྟོང་སྤྲོས་དང་བྲལ་བ་ལ། །ཤེས་པ་ཉིད་ནི་ཅི་ལ་བརྟེན། །གསང་སྔགས་དྲག་པོའི་སྦྱོར་བ་འདི། །དབང་བསྐུར་གནང་བ་མེད་པ་དང་། །ཚུལ་ངན
297a5 ལང་ཚོ་ཕྲ་བ་དང་། །ང་རྒྱལ་དྲེགས་ཤིང་ཁེངས་པ་དང་། །ཐེག་པ་ཆེ་ལ་མ་མོས་ལ། །ཡི་གེ་ཙམ་ཡང་བསྟན་པ་མིན། །གལ་ཏེ་བརྒྱ་ལམ་རྨོངས་པ་འགས། །བསྟན་ན་རང་ཉིད་ཕུང་བར་བྱེད། །དེ་སྐད་དུ་ཁམས་གསུམ
297a6 ལས་རྣམ་པར་རྒྱལ་བ་ཞེས་བྱ་བའི་འོད་ཟེར་དེ་སླར་རང་གི་ཐུགས་ཀར་བསྡུས་ནས་ཞལ་ཐམས་ཅད་ཞལ་ལ་ཐིམ་ཞིང་ཕྱག་ཐམས་ཅད་ཕྱག་ལ་ཐིམ་ནས། ཞལ་གཅིག་ཕྱག་གཉིས་པར་གྱུར་ཏེ།
297a7 ཧཱུ~ཾ་ཧཱུ~ཾ་ཧཱུ~ཾ་ཞེས་པའི་གླུ་བླངས་སོ། །འདི་ལ་ཅི་ལྟར་དམིགས་བྱས་བཞིན། །ལྷ་རྣམས་ཀུན་ལ་དམིགས་པར་འགྱུར། །གསང་སྔགས་འབུམ་དུ་བརྗོད་བྱས་ནས། །བསྙེན་པའི་དམ་པ་འདི་འགྲུབ་བོ། །འདས་དང་མ་འོངས
297a8 འོངས་གྱུར་པའི། །སངས་རྒྱས་རྣམས་ཀྱིས་སྔགས་འདི་བཤད། །འདི་ནི་སངས་རྒྱས་ཀུན་གྱི་གསང་། །ཡེ་ཤེས་ཆེན་པོ་ཞེས་བརྗོད་དོ། །དེ་ནས་འཁོར་དེ་དག་ཐམས་ཅད་ནི་གཙོ་བོའི་ཐུགས་ཀར་ཐིམ་པར
iiif viewer powered by OpenSeadragon
