| e-texts navigator |
| Wylie |
296a1 མ་འབེབས་ན་ཀླུ་རྣམས་བསྡིགས་པའི་ཕྱིར། དཀྱིལ་འཁོར་དེའི་སྟེང་དུ་ཁྲག་སྣ་ཚོགས་དང་། དུག་ཤིང་ལ་སོགས་པས་སྦྱིན་བསྲེག་བྱའོ། །དེས་མྱུར་དུ་ཆར་འབེབས་པར་བྱེད་དོ། །གལ་ཏེ་ཆར་ཆེས་པ
296a2 འམ་སེར་བ་གཅོད་པར་འདོད་པས་ཉེར་ཤིང་དང་དུག་ཀ་ད་བའི་རྩ་བ་ལ་ཡི་གེ་བྲིས་ཏེ། །དཀྱིལ་འཁོར་དཀར་པོའི་དབུས་སུ་བཙུགས་ལ་ཡུངས་ཀར་དང་ཐལ་བ་ལ་མང་དུ་བཟླས་པར་བྱའོ། །གལ་ཏེ་མི་འདོད་ན
296a3 བསྔགས་པ་ཙམ་གྱིས་ཀྱང་ངེས་པར་འབྱུང་ངོ་། །རྟའི་ཁྲག་དང་དུག་སྣ་ཚོགས་ཀྱིས་བརྒྱལ་བ་ལས་སོས་པར་བྱེད་དོ། །རླུང་ཞི་བར་འདོད་ན་དབང་ཕྱུག་གི་གོས་ལ་ཙ་ཏ་པ་ལ་རི་རྩི་བས་སྔགས་བྲིས་ཏེ་དཀྱིལ་འཁོར་གྱི་སྟེང
296a4 དུ་བཞག་ནས། སྔགས་ཀྱི་རྒྱལ་པོ་སྟོང་ལ་སོགས་པ་ཅི་ནུས་པ་བརྗོད་ནས་ཁང་པའི་སྟེང་དུ་བཞག་ན་རླུང་ཞི་བར་བྱེད་དོ། །གལ་ཏེ་ཡམས་ཞི་བར་འདོད་པས་གུར་གུམ་དང་། གི་ཝང་གི་རྩེ་མོ་བཅུ་གཉིས་པར
296a5 བྲིས་ནས་དང་པོའི་སྔགས་རྣམས་དང་། ཐ་མའི་སྔགས་རྣམས་རྩིབས་ལ་བྲིས་ཏེ། མུ་ཁྱུད་ལ་སྔགས་ལྷག་མ་བྲིས་ཏེ་མེ་ཏོག་དང་འབྲས་བུ་སེར་པོ་ཐམས་ཅད་མཆོད་ཅིང་གསོལ་བ་བཏབ་ནས་གཙུག་ལག་གི་རྩེ
296a6 མོ་འམ། དགེ་འདུན་གྱི་འདུ་བའི་སྒོ་གོང་ལ་བཏགས་ན་ཅི་འདོད་པ་འགྲུབ་ཅིང་ནད་ཡམས་ཐམས་ཅད་འཆད་པར་འགྱུར་རོ། །གལ་ཏེ་བུ་འདོད་པས་སེའུ་ཀྱ་དམར་པོའི་སྡོང་བུ་ལ་སྟེང་དུ་སྦྱིན་བསྲེག་བྱས
296a7 ན་བུ་སྟེར་བར་ངེས་སོ། །གལ་ཏེ་གཏེར་འདོད་པས་སའམ། རིན་པོ་ཆེ་ལ་རྣམ་ཐོས་སྲས་ཀྱི་གཟུགས་ཁྲུ་གང་པ་བྱས་ནས་རིན་པོ་ཆེའམ་སྤང་ལེབ་ཀྱི་སྟེང་དུ་བཞག་ནས་མཆོད་པ་རྣམ་པ་སྣ་ཚོགས
296a8 ཕུལ་ནས་གསོལ་བ་བཏབ་ན་ཞག་བདུན་ནས་རིན་པོ་ཆེ་སྟེར་བར་བྱེད་དོ། །གལ་ཏེ་ཤི་བར་དོགས་པས་དཀྱིལ་འཁོར་ཁྲུ་གང་ཟླུམ་པོ་སེར་པོར་བྱས་ནས་དབུས་སུ་བུམ་པ་ལེགས་པར་བཞག
iiif viewer powered by OpenSeadragon
