| e-texts navigator |
| Wylie |
295a1 རྫོགས་ཡེ་ཤེས་ཆེན་པོའོ། །ཡེ་ཤེས་སྐུ་ལས་ཡེ་ཤེས་ཀྱིས། །སྤྲུལ་པའང་ཡེ་ཤེས་ཉིད་དུ་གནས། །འཁོར་བའི་ཉོན་མོངས་ལས་འདས་ནས། །མི་རྟོག་ཡེ་ཤེས་མེ་ཕུང་ལ། །གསང་བའི
295a2 བདག་ཉིད་ལེགས་པར་བཞུགས། །རྣམ་གྲོལ་རྣམ་དག་གྲོལ་བའི་རྒྱུ། །སྔགས་དབྱིབས་ཆོས་བདག་དོན་རྣལ་འབྱོར། །སྐད་ཅིག་སྐད་ཅིག་ཡེ་ཤེས་ལས། །སྒྱུ་མ་ལྟ་བུའི་སྒྱུ་མའི་སྐུ། །སྒྱུ་མ་ཉིད་ལ་རྣམ་གྲོལ་ཚེ། །
295a3 ཀྱེ་ཀྱེ་ཧ་ཧ་དཔའ་བོ་ཆེ། །ཀླུ་ཡི་དགྲར་གྱུར་འཇིགས་བྱེད་པོས། །གསང་བའི་བདག་པོ་རྡོ་རྗེ་ཅན། །ཉོན་མོངས་ལས་རྒྱལ་འཇིགས་སུ་རུང་། །དབང་ཕྱུག་ཁམས་གསུམ་ལས་རྒྱལ་བའི། །དེ་བས་བརྩོན་ལྡན་གང་ཡིན
295a4 དེས། །ཤིན་ཏུ་བསྒྲུབ་པས་བསྒྲུབ་པར་བྱ། །བརྟན་པའི་ཡིད་སོས་པར་བྱེད་པས། །རྒྱལ་བ་གསང་བའི་བདག་པོའོ། །དེ་ནས་གསང་བའི་བདག་པོ་ཉིད། །དངོས་གྲུབ་ངེས་པར་འབྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ
295a5 སྙོམས་པར་ཞུགས་ནས་སྐུ་དང་གསུང་དང་ཐུགས་རྣམ་པར་དག་པའི་རྡོ་རྗེ་ལས་བྱུང་བ། ཨོཾ་བཛྲ་པཱ་ཎི་སརྦ་ཨ་སིད་དྷི་ཀུ་རུ་ཀུ་རུ་སྭཱ་ཧཱ། ལྷ་ཀླུ་མི་མིན་དྲི་ཟ་འམ། །ཡང་ན་མི་ཡི་བུ་མོ་ཡི། །དཔྲལ་བར་ཐིག་ལེ
295a6 བྲིས་ནས་ནི། །ལག་ཏུ་ལྕགས་ཀྱུ་ཐོགས་ལ་གཞག་།དཀྱིལ་འཁོར་གྲུ་བཞི་ལྷམ་པ་ལ། །བརྟེན་ནས་བུམ་པས་བསྒྲུབ་པར་བྱ། །རྣམ་པར་རྒྱལ་བའི་བུམ་པར་ནི། །སྨན་ལ་སོགས་པས་ལེགས
295a7 བཀང་ནས། །རས་ཀྱིས་དཀྲིས་ལ་གཞག་པར་བྱ། །རྒྱུན་ཏུ་དེ་ལས་བསྒྲུབ་གྱུར་ན། །ཞི་དང་རྒྱས་སོགས་དངོས་གྲུབ་དང་། །གཞན་ཡང་དངོས་གྲུབ་འགྲུབ་པར་འགྱུར། །དེ་ནས་ཡང་གསང་བའི་བདག་པོ་མི་འགྱུར
295a8 བར་བྱེད་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དུག་ཐམས་ཅད་ཞི་བར་བྱེད་པའི་སྔགས་འདི་ཉིད་ཀྱིས་སྐུ་དང་གསུང་དང་ཐུགས་རྡོ་རྗེ་ཡང་དག་པ་ལས་ངེས་པར་ཕྱུང་ངོ་། །ོཾ་ན་གུ་ན
iiif viewer powered by OpenSeadragon
