| e-texts navigator |
| Wylie |
294b1 @#། །རྒྱ་གར་སྐད་དུ། ནཱི་ལཱམྦ་ར་དྷ་ར་བཛྲ་པཱ་ཎི་བཛྲ་ཕཱ་ཎ་ཀསྟནྟྲ་ཏྲཻ་ལོཀྱ་བི་ཛ་ཡ་ནཱ་མ། བོད་སྐད་དུ། ལག་ན་རྡོ་རྗེ་གོས་སྔོན་པོ་ཅན་རྡོ་རྗེ་གདེངས་པའི་རྒྱུད་ཁམས་གསུམ་ལས་རྣམ་པར་རྒྱལ་བ་ཞེས་བྱ་བ། དཔལ་རྡོ་རྗེ་གཏུམ་པོ་ལ་ཕྱག་འཚལ་ལོ། །དེ་ནས་གསང་བའི
294b2 བདག་པོ་འཁོར་དེ་དག་ལ་རྣམ་པར་གཟིགས་ནས་རང་ཉིད་མཁའ་དབྱིངས་རྣམ་པར་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཏིང་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ་སྲིད་པ་གསུམ་ཡང་རྣམ་པར་གཡོས་སོ། །དེ་ནས་རང་ཉིད་སྐུ
294b3 དང་གསུང་དང་ཐུགས་རྣམ་པར་དག་པའི་རྡོ་རྗེ་ལས་སྔགས་འདི་ཕྱུང་ངོ་། །ོཾ་ན་མོ་གསང་སྔགས་རྒྱལ་པོ་སྨྲས་ཙམ་གྱིས། །ས་སྟེང་ས་རྣམས་བརྒྱལ་བར་འགྱུར། །ཀླུ་རྣམས་ཀུན་ཏུ་སྐྲག་ནས་ནི། །གསང་བདག་ཉིད་ལ་ཕྱག་འཚལ་ལོ། །སྙིང་རྗེ་ལྡན་ཞིང་མོས
294b4 པ་བརྟེན། །གུས་ཤིང་བྱང་ཆུབ་སེམས་ལྡན་པའི། །ཕྱོགས་སུ་འགྲོ་བས་ཡིད་གནས་པའི། །ལྷ་དང་བླ་མ་མཉམ་མཆོད་ཅིང་། །བརྩོན་འགྲུས་ཤེས་རབ་ཆེ་བ་དེས། །རང་ཉིད་དང་ནི་གཞན་དག་ཏུ། །བདེ་ཞིང་ཉམས་དགའི་རི་ཕུག་གམ། །ཚལ་ལམ་མཚོ
294b5 འམ་ལྗོངས་རྣམས་སུ། །ས་ཡི་དཀྱིལ་འཁོར་རྣམ་དག་པར། །བྱས་ནས་དྲི་ཆུས་ལེགས་བྱུགས་ནས། །བདེ་བའི་སྟན་ལ་འདུག་བྱས་ཏེ། །གསང་བའི་བདག་པོ་བསྒྲུབ་པར་བྱ། །གཞན་དུ་རི་ཁྲོད་རྩུབ་པ་འམ། །དུར་ཁྲོད་ཡ་མའི་ཁང་པ་ཡང་། །འཁྲུག
294b6 ཅིང་གཡེང་དང་བཅས་པ་དང་། །རྒྱལ་པོས་གཟུང་ཞིང་གཏུམ་མོ་རྒྱུ། །འཇིགས་པའི་ཕྱོགས་ནས་གང་དག་རྣམས། །རྒྱལ་བ་བསྒྲུབ་པའི་གནས་ཡིན་ནོ། །དུས་འདིར་བྱུང་བའི་བློ་ཞན་རྣམས། །འཇིག་རྟེན་འདི་ཡི་གཡེང་བ་དང་། །ཚོགས་པ་ཐམས་ཅད
294b7 སྐྱེད་པར་བྱེད། །ཆགས་པའི་སྟོབས་ཀྱི་ཆོས་ཉིད་ནི། །ཡང་དག་མི་རྟོག་དེ་ནི་སྐྱོན། །སྤྲུལ་པའི་གླང་པོ་དང་མཚུངས་སོ། །སྟོང་ཉིད་སྤྲོས་མེད་རང་བཞིན་ལས། །སྒྱུ་མའི་སྐུ་ནི་ཡོངས་འབྱུང་ཞིང་། །དང་པོ་སྟོང་ཉིད་རྡོ་རྗེ་སྟེ། །གཉིས་པ་ལ་ནི
294b8 ཡི་གེ་ཧཱུཾ། །གསུམ་པ་རྡོ་རྗེ་རྩེ་དགུ་པ། །བཞི་པ་བཅོམ་ལྡན་གསང་བའི་བདག་།ལྔ་པ་ལྷ་ནི་ཡོངས་སུ་རྫོགས། །མེ་ལོང་དང་ནི་མཉམ་ཉིད་དང་། །ཆོས་དབྱིངས་ཡེ་ཤེས་ལས་གྲུབ་པའི། །སྐུ་ནི་ཡེ་ཤེས་བདག་ཉིད་དོ། །དེ
iiif viewer powered by OpenSeadragon
