| e-texts navigator |
| Wylie |
286b1 ཀུ་ཤྨཱ་ཎྜོཏྶཱ་ད་ནཱ་ཡ་ཕཊ། པྲེ་ཏ་པི་ཤཱ་ཙ་བི་ནཱ་ཤ་ཀ་རཱ་ཡ་ཕཊ། ཡཀྵ་ཨ་པ་སྨཱ་ར་བི་ནཱ་ཤ་ཀ་རཱ་ཡ་ཕཊ། ཧ་ས་ཧ་ས། དྷ་ར་དྷ་ར། མཱ་ར་ཡ་མཱ་ར་ཡ། ནཱ་ཤ་ཡ་ནཱ་ཤ་ཡ། སརྦ་བི་གྷྣ~ཾ། བི་ནཱ་ཤ་ཀ་རཱ་ཡ་ཕཊ། སརྦ
286b2 ཤ་ཏྲཱུ~ཾ་ས~ཾ་གྷ་བི་ནཱ་ཤ་ཀ་རཱ་ཡ་ཕཊ། ནཱི་ལཱ~ཾ་བ་ར་དྷ་ར་བཛྲ་པཱ་ཎི་རཱ་ཛྙཱ་པ་ཡ་ཏི་སྭཱ་ཧཱ་ཞེས་པ་ཕྲེང་བའི་གསང་བའི་སྔགས་སོ། །སངས་རྒྱས་གང་གཱའི་ཀླུང་གིས་གསུངས་པའི། རིག་སྔགས་འདིས་ནི་སྡིག་པ
286b3 ཐམས་ཅད་འདག་པ། མ་རུངས་པ་ཐམས་ཅད་འཇོམས་པ། ལས་ཐམས་ཅད་འགྲུབ་པ་ཡིན་ཏེ་དེ་ཡང་རིག་པ་འཛིན་པས་སྒྲུབ་སྟེ། དམ་ཚིག་དང་ལྡན་པས་སོ། །དེ་ཡང་བླ་མ་ལ་གུས་ཤིང་ཡིད་དམ་དཀོན
286b4 མཆོག་ལ་དད་ཅིང་། །བྱང་ཆུབ་སེམས་དང་སྡོམ་པ་དང་། །ལྷ་དང་སྔགས་ལ་གུས་པ་དང་། །རྒྱུན་ཏུ་རྣལ་འབྱོར་དང་ལྡན་ཏེ། །རྒྱུད་དོན་དོན་ལ་བརྩོན་ལྡན་ན། །ལས་རྣམས་ཐམས་ཅད་འགྲུབ་པའོ། །བྱང་ཆུབ
286b5 སེམས་དཔའ་ཕྱག་ན་རྡོ་རྗེས་བཅོམ་ལྡན་འདས་ཀྱིས་བཀའ་བཞིན་མཛད་དེ་བཅོམ་ལྡན་འདས་ལ་ཞུས་པ། དམ་ཚིག་དག་ལས་འདས་ན་ལས་རྣམས་མི་འགྲུབ་ཅིང་། དག་པ་མེད་དང་དོན་མེད་དག་སྟེ་འབྲས
286b6 བུ་གང་དུ་སྐྱེ་འགྱུར་ཞེས་ཞུས་པས། རྡོ་རྗེ་དམྱལ་བའི་ནང་དུ་མི་ཟད་པའི་འབྲས་བུར་འགྱུར་རོ། །བཅོམ་ལྡན་འདས་དེའི་ཚེའི་ཚད་ཇི་ཙམ་དུ་སྡུག་བསྔལ་ཉམས་སུ་མྱོང་བར་འགྱུར་ཞེས་ཞུས་པས། བྱང
286b7 ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ལེགས་སོ་ལེགས་སོ། །སྐྲག་པར་མ་བྱེད་ཅིག་།འདིས་ནི་དེ་བཞིན་གཤེགས་པ་ཐམས་ཅད་ཀྱི་ཐུགས་བཤིག་སྟེ་ཐུགས་དང་འགལ་བས་རྡོ་རྗེ
286b8 གདན་ནམ་ཞིག་ཙམ་ན་ཐར་བར་འགྱུར་རོ། །བཅོམ་ལྡན་འདས་རྡོ་རྗེ་གདན་ནམ་འཇིག་པར་འགྱུར་ཞེས་ཞུས་པ་དང་། ནམ་མཁའི་ཁམས་ཀྱི་སེམས་ཅན་ཐམས་ཅད་སངས་རྒྱས་པའི་འབྲས་བུ་ཐོབ
iiif viewer powered by OpenSeadragon
