| e-texts navigator |
| Wylie |
282b1 ཐུགས་མཉམ་པ་ཉིད་ལ་དམིགས་ནས་ཅང་མི་གསུང་བར་གྱུར་ཏོ། །འདིར་སྣང་བ་ནི་གསུམ་སྟེ། སོ་སོའི་སྐྱེ་བོའི་སྣང་བ་དང་། བྱང་ཆུབ་སེམས་དཔའི་སྣང་བ་དང་། དེ་བཞིན་གཤེགས་པའི་སྣང་བའོ། །གསང་བ་ནི་གསུམ
282b2 སྟེ། སྐུའི་གསང་བ་བསམ་གྱིས་མི་ཁྱབ་པ་དང་། །གསུང་གི་གསང་བ་བསམ་གྱིས་མི་ཁྱབ་པ་དང་། ཐུགས་ཀྱི་གསང་བ་བསམ་གྱིས་མི་ཁྱབ་པའོ། །ཐམས་ཅད་མཁྱེན་པ་ནི་གསུམ་སྟེ། སྐུ་རྡོ་རྗེ་ཐམས་ཅད
282b3 མཁྱེན་པ་དང་། གསུང་རྡོ་རྗེ་ཐམས་ཅད་མཁྱེན་པ་དང་། ཐུགས་རྡོ་རྗེ་ཐམས་ཅད་མཁྱེན་པའོ། །མི་ཟད་པ་རྒྱན་གྱི་འཁོར་ལོ་ནི་གསུམ་སྟེ། སྐུ་མི་ཟད་པ་རྒྱན་གྱི་འཁོར་ལོ་དང་། གསུང་མི་ཟད་པ་རྒྱན་གྱི་འཁོར
282b4 ལོ་དང་། ཐུགས་མི་ཟད་པ་རྒྱན་གྱི་འཁོར་ལོ་ཉིད་དོ། །རྒྱུད་ཀུན་སྙིང་པོ་བསྡུས་པ་ཡི། །ཕྱག་རྒྱ་ཆེན་པོའི་ངང་འབྱུང་བ། །གྲུབ་པ་རབ་ཏུ་མི་གནས་པས། །གསང་བའི་རྒྱལ་པོ་བསྟན་པ་ཡིན། །དེ་བཞིན་གཤེགས
282b5 པ་ཨ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་གསང་བ་འདུས་པ་ཆེན་པོ་བླ་ན་མེད་པ་མཆོག་ཏུ་མི་འགྱུར་བའི་གནས་རབ་ཏུ་རྒྱས་པ་ཆེན་པོ་བཅོམ་ལྡན་འདས་རྡོ་རྗེ་འཛིན་པ་ཆེན་པོས་དེ་སྐད་ཅེས
282b6 བཀའ་སྩལ་ནས། གསང་བ་བརྗོད་ཏུ་མེད་པའི་གནས་ལ་དགོངས་ནས་ཅང་མི་གསུང་བར་གྱུར་ཏོ། །དེ་ནས་དེ་བཞིན་གཤེགས་པའི་ཚོགས་དཔག་ཏུ་མེད་པ་དེ་དག་དང་། བྱང་ཆུབ་སེམས་དཔའ
282b7 སེམས་དཔའ་ཆེན་པོ་བརྗོད་དུ་མེད་པའི་ཚོགས་དང་བཅས་པ་ཐམས་ཅད་དང་། ལྷ་དང་མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས
282b8 གསུངས་པ་ལ་མངོན་པར་བསྟོད་དོ། ། །།དུས་གསུམ་གྱི་དེ་བཞིན་གཤེགས་པ་ཕྱོགས་བཅུའི་གནས་ཀྱི་ཞིང་ཁམས་རྡུལ་ཕྲ་རབ་སྙེད་བཞུགས་ཤིང་འཚོ་སྐྱོང
iiif viewer powered by OpenSeadragon
