| e-texts navigator |
| Wylie |
282a1 གསུང་དང་ཐུགས་རྡོ་རྗེའི་གསང་བ་འདི་བགོ་བར་གྱིས་ཤིག་། དེ་ཅིའི་ཕྱིར་ཞེ་ན། ཕྱོགས་བཅུ་ན་གནས་པ་མ་ལུས་ཤིང་ལུས་པ་མེད་པའི་བྱང་ཆུབ་སེམས་དཔའ་དེ་རྣམས་ཆོས་ཀྱི་རྣམ་གྲངས་འདི་ལ་སྐལ
282a2 བ་ཡོད་པའི་ཕྱིར་རོ། །གཞན་ཡང་བྱང་ཆུབ་སེམས་དཔའ་རྡོ་རྗེ་སྙིང་པོ་ལ་བཀའ་སྩལ་པ། རིགས་ཀྱི་བུ་དེ་བཞིན་གཤེགས་པ་ཐམས་ཅད་ཀྱི་གསང་བའི་དམ་ཚིག་རྡོ་རྗེ་འདི་ཉིད་ཟུང་ཅིག་།ཁྱོད་ཀྱང་དེ་བཞིན་གཤེགས
282a3 པ་ཐམས་ཅད་ཀྱིས་རྡོ་རྗེ་སྙིང་པོ་དབང་ཕྱུག་གསང་བའི་རྒྱལ་པོ་ཞེས་བྱ་བར་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོས་དེ་བཞིན་དུ་བགྱིའོ། །ཞེས་གསོལ་ནས་ཅང་མི
282a4 སྨྲ་བར་གྱུར་ཏོ། །གསང་བའི་རྒྱལ་པོའི་སྐུ་གཅིག་ལས། །ཞིང་ཁམས་མ་ལུས་སྣང་མཛད་ཅིང་། །ཁམས་གསུམ་སྤྱོད་དང་སངས་རྒྱས་ཀྱི། །རྣམ་པ་དུ་མའི་སྐུར་བསྟན་མཛད། །དེ་བཞིན་གཤེགས་པའི
282a5 སྐུ་རྡོ་རྗེ་རྣམ་པར་སྣང་མཛད་ཁམས་གསུམ་ཉིད་ཀྱི་ལུས་རྡོ་རྗེ་ལ་གནས་ཤིང་དེ་བཞིན་གཤེགས་པ་ཐམས་ཅད་ཀྱི་སྐུའི་ཡེ་ཤེས་མཉམ་པ་ཉིད་ལ་དགོངས་ནས་ཅང་མི་གསུང་བར་གྱུར་ཏོ། །གསང་བ་འཛིན་པའི
282a6 གསུང་གཅིག་གིས། །འཇིག་རྟེན་ཁམས་ཀུན་ཁྱབ་གྱུར་ཅིང་། །ཆོས་ཀྱི་ཚུལ་ནི་མི་ཟད་ལས། །རྒྱུན་མི་འཆད་པའི་འཁོར་ལོ་བསྐོར། །དེ་ནས་དེ་བཞིན་གཤེགས་པ་གསུང་རྡོ་རྗེ་འདི་དཔག་ཏུ་མེད་པ་ཁམས
282a7 གསུམ་པ་ཐམས་ཅད་ཀྱི་ངག་རྡོ་རྗེ་ལ་གནས་ཤིང་དེ་བཞིན་གཤེགས་པའི་གསུང་མཉམ་པ་ཉིད་ལ་གནས་ནས་ཅང་མི་གསུང་བར་གྱུར་ཏོ། །རྡོ་རྗེ་འཆང་གི་ཐུགས་ཀྱི་ནི། །ཏིང་འཛིན་གཅིག་ཏུ་མ་བཞག་ནས། །ཏིང་འཛིན་དུ་མའི་ཆོས་ཀྱི
282a8 སྒོ། །ཆོས་ཀྱི་དབྱིངས་དང་མཉམ་པར་འགྱུར། །དེ་ནས་དེ་བཞིན་གཤེགས་པ་རྡོ་རྗེ་འཛིན་པའི་རྒྱལ་པོ་སངས་རྒྱས་ཐམས་ཅད་ཀྱི་སེམས་རྡོ་རྗེ་ལ་གནས་ཤིང་། དེ་བཞིན་གཤེགས་པ་ཐམས་ཅད་ཀྱི
iiif viewer powered by OpenSeadragon
