| e-texts navigator |
| Wylie |
25b1 སྦྱོར་བས། །དེ་རྣམས་ཐམས་ཅད་ཡོངས་བརྟག་བྱ། །སངས་རྒྱས་ཀུན་གྱི་མཁའ་ཁམས་ནི། །ཡོངས་སུ་གང་བར་རྣམ་བསྒོམ་བྱ། །རང་ལུས་སུ་ནི་རྣམ་བསྒོམས་ནས། །ཐམས་ཅད་དེར་ནི་རབ་གཞུག་བྱ། །གཉིས་སུ་མེད་པ
25b2 མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན་པོར་རིག་མའི་ཚུལ་ལ་སོགས་པའི་ལས་ཅན་གྱི་ལེའུ་སྟེ་བཅུ་གསུམ་པ་རྫོགས་སྷོ། ། །། དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོ
25b3 གསང་སྔགས་ཐམས་ཅད་ཀྱི་གསང་ཆེན་རིག་མའི་ཚུལ་གྱི་ལས་གསུངས་པ། ནམ་མཁའི་ཁམས་ཀྱི་དབུས་གནས་པར། །དཀྱིལ་འཁོར་ཆེན་པོ་མཆོག་གྱུར་པ། །དཔག་ཚད་ཀྱི་ནི་གྲངས་ཀྱི་ཁྱོན། །ཀུན་ནས་ཡོངས་སུ་ཟླུམ
25b4 པོར་ནི། །གསལ་བ་གསལ་བར་མཚུངས་བསམས་ནས། །དབུས་སུ་བདག་ཉིད་རྣམ་བསམ་བྱ། །འབད་པས་གནས་ལྔ་རྣམས་སུ་ནི། །རྣམ་སྣང་མཛད་ཆེན་གཟུགས་བསམས་ནས། །ཉི་མའི་དཀྱིལ་འཁོར་དབུས་གནས་པར། །
25b5 དེ་རྣམས་ཐམས་ཅད་ཡོངས་བརྟག་བྱ། །སྙིང་གར་རྡོ་རྗེ་སེམས་དཔའ་ནི། །ཡང་དག་བསྐྱེད་ནས་རྣམ་བསྒོམ་བྱ། །ཆོ་ག་ཤེས་པས་ཉི་རྣམ་པར། །ནམ་མཁའི་ཁམས་ནི་གང་བར་བྱེད། །ལྷ་ལ་སོགས་པའི་སྦྱོར་བ་ཡིས། །སླར
25b6 ཡང་དེ་ནི་རབ་གཞུག་བྱ། །དེ་ཉིད་ཚུལ་ནི་དགེ་བ་འདི། །རིགས་ཀྱི་དབྱེ་བས་རྟོགས་པར་བྱ། །གཞན་དུ་གསང་བའི་བསམ་གཏན་ནི། །རྣམ་པར་སྤངས་པས་འགྲུབ་མི་འགྱུར། །གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག
25b7 པའི་རྒྱལ་པོ་ཆེན་པོར་རིག་མའི་ལས་ཀྱི་ལེའུ་སྟེ་བཅུ་བཞི་པ་རྫོགས་སྷོ། ། །། དེ་ནས་བཅོམ་ལྡན་འདས་རྣམ་པར་སྣང་མཛད་ལྷ་ཐམས་ཅད་ཀྱི་དེ་ཁོ་ན་ཉིད་ཀྱི་ཚུལ་བཟླས་པའི་ཆོ་ག་སྟོན་པར་མཛད་དོ། །ནམ་མཁར
25b8 འཕྲུལ་ནི་སྟོན་པར་རམ། །གང་དུ་སེམས་ནི་རབ་དགྱེས་བྱེད། །དབང་ཆེན་དཀྱིལ་འཁོར་བསམས་ནས་ནི། །རང་གི་དཀྱིལ་འཁོར་མཆོད་བསྒོམ་བྱ། །མེ་ཏོག་བཟང་པོ་དེ་དབུས་སུ། །དེ་ཉིད་སྦྱོར་བས་བསྒོམ་པར་བྱ། །རང་གཟུགས
iiif viewer powered by OpenSeadragon
