| e-texts navigator |
| Wylie |
25a1 ཀུན་དུ་འཁྲུགས། །ཤིང་རྟའི་འཁོར་ལོའི་ཚད་ཀྱིས་ནི། །པད་མས་གཡོགས་པར་རྣམ་བསྒོམ་བྱ། །ཁྲོ་བོ་ཆེན་པོ་གཤིན་རྗེ་གཤེད། །དྲག་ཏུ་དགོད་པ་ཆེན་པོ་སོགས། །རྟག་ཏུ་དེ་ཡི་དཀྱིལ་འཁོར་གྱི། །དེ་ཡི་གཟུགས་ནི་རྣམ་བསྒོམས་ནས། །ཁྲོ
25a2 ཆེན་ཁྲོ་གཉེར་རིམ་པར་ལྡན། །འབར་བའི་ཕྲེང་བ་འཁྲུགས་པའི་འོད། །ཇི་ལྟར་རིགས་པར་ཀུན་བསྐྱེད་ནས། །སྒོམ་པར་བྱེད་པ་དེ་དེར་བཤད། །ཁྲོ་བོ་ཆེན་པོ་དབྱུག་པ་སྔོ། །འཇིག་རྟེན་གསུམ་འཇིག་འཕྲོག་བྱེད་པ། །སངས་རྒྱས་ཀུན
25a3 གྱི་ཡེ་ཤེས་སུ། །འཇོམས་པ་པོ་ནི་རབ་ཏུ་གནས། །ཇི་སྐད་གསུངས་པའི་གཟུགས་གསུམ་གྱིས། །ནམ་མཁའི་ཁམས་ནི་ཀུན་དུ་གང་། །ཡི་གེའི་གཟུགས་ནི་ཀུན་བསྐྱེད་ནས། །བདག་ཉིད་སྙིང་གར་རྣམ་བསམ་བྱ། །སྙིང་གའི
25a4 གཟུགས་ནི་དེ་རྣམས་སུ། །ལྷ་ཡི་རྣམ་པར་སྒོམ་པར་བྱེད། །སླར་ནི་སྔགས་པས་བསྡུ་བར་བྱ། །དེ་ཉིད་ལ་ནི་གཞུག་པར་བྱ། །ཆོ་ག་ཤེས་པས་བསྐལ་པའི་མེར། །བསམས་ནས་བསམ་གཏན་ཡང་དག་བརྩམ། །ཟླ་འོད་ལྟ
25a5 བུར་འབར་བ་ནི། །བཙུན་མོ་རྟག་ཏུ་བསྒོམ་པར་བྱ། །ལྷ་ཉིད་ཡང་དག་བསྐྱེད་ནས་ནི། །དེ་ཡི་དབུས་སུ་རྣམ་བསྒོམ་བྱ། །རང་གཟུགས་སྙིང་གར་བསམས་ནས་ནི། །དེ་ཡི་དབུས་སུ་རྣམ་བསྒོམ་བྱ། །རང་གཟུགས་སྙིང་གར་བསམས་ནས
25a6 ནི། །ཧ་ཡིག་ཏུ་ནི་རྣམ་བསྒོམ་བྱ། །འདི་དེ་སྔགས་རྣམས་ཐམས་ཅད་ཀྱི། །བསམ་པ་ཐམས་ཅད་ཡོངས་རྫོགས་བྱེད། །འདི་ནི་དང་པོའི་བསམ་གཏན་བརྗོད། །རབ་ཏུ་འབད་པས་བསྒོམ་པར་བྱ། །རྟག་ཏུ་རིགས་ཀྱི་བདག་པོ་ཡིས། །
25a7 བསྐལ་པར་བསྲེག་པར་རྣམ་བསྒོམས་ནས། །སྔགས་པས་དེ་ཡི་རྣམ་པ་དེར། །བསམ་གཏན་བརྩོན་པས་བསྒོམ་པར་བྱ། །སངས་རྒྱས་གཟུགས་ཀྱི་རབ་སྦྱོར་གྱིས། །ཟླ་བའི་དཀྱིལ་འཁོར་སྒོམ་པ་ནི། །རང་གི་གཟུགས་ཀྱིས་ཀུན
25a8 བསྐྱེད་ནས། །བ་སྤུའི་ཁུང་བུར་འདི་སྤྲོ་བྱ། །ཇི་སྐད་གསུངས་པའི་གཟུགས་གསུམ་གྱིས། །ནམ་མཁའི་ཁམས་ནི་ཀུན་དུ་བཀང་། །འོད་ཟེར་ལྔ་ཡི་རབ་སྦྱོར་གྱིས། །རང་ལུས་སུ་ནི་རབ་གཞུག་བྱ། །རིག་མའི་རྒྱལ་མོ་སོགས
iiif viewer powered by OpenSeadragon
