| e-texts navigator |
| Wylie |
24b1 དབང་བསྐུར་ཆེན་པོ་དེ་ཡི་ནི། །ནམ་མཁའ་ཇི་སྲིད་ཡང་དག་འབྱུང་། །ཁྱད་པར་དུ་ཡང་འདིར་སྨྲས་པ། །བདག་གི་ཡང་འདི་ཡང་དག་འབྱུང་། །རིན་ཆེན་ཡིད་བཞིན་ནོར་བསྟེན་ནས། །དེ་ཉིད་འབྱུང་བས་འདིར་དབང་བསྐུར། །གཞན་ཡང་གལ
24b2 ཏེ་སེམས་ཅན་གང་། །མཐོང་བར་འགྱུར་ཞེས་བྱ་བ་ཉོན། །སྐྱེ་བ་བདུན་གྱི་ནང་དུ་ས། །ཐོབ་ཅིང་ཕྱག་འོས་མཆོག་ཏུ་འགྱུར། །སངས་རྒྱས་སློབ་དཔོན་གང་ཉིད་དུ། །ཡེ་ཤེས་རྒྱ་མཚོ་གནས་པར་འགྱུར། །ཐུབ་ཆེན་དེ་ཉིད་ཤེས་པ་གང་། །རྟག་ཏུ
24b3 སངས་རྒྱས་མཆོད་པར་བྱེད། །སངས་རྒྱས་སློབ་དཔོན་ཇི་གསུངས་པ། །དེ་ཡིས་རང་གི་སློབ་མ་དེའི། །དམ་ཚིག་ལྔ་པོ་བྱིན་ནས་ནི། །རབ་ཏུ་འབད་པས་སྨྲ་བར་བྱ། །སངས་རྒྱས་ཀུན་གྱི་དམ་ཚིག་ཆེ། །དཀྱིལ་འཁོར་དེ་ཉིད་ཤེས་དཀྱིལ་འཁོར། །
24b4 སྒྲུབ་པོ་རྣམས་ཀྱིས་ཅི་འདྲ་དེར། །ཡིད་བཞིན་ནོར་བུ་ལྟ་བུར་བླང་། །དམ་ཚིག་ཆེན་པོའི་དཀྱིལ་འཁོར་རྫོགས་སྷོ།། །།དེ་ནས་བཅོམ་ལྡན་འདས་ཕྱག་ན་རྡོ་རྗེས་སླར་ཡང་དེ་བཞིན་གཤེགས་པ་ཐམས་ཅད་ཀྱི་ཐུགས
24b5 སུ་བཞུགས་སོ། །དེ་ནས་བཅོམ་ལྡན་འདས་རྣམ་པར་སྣང་མཛད་ནམ་མཁའི་ཁམས་ཐམས་ཅད་དུ་སྤྲོ་བའི་རྡོ་རྗེ་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །སྙོམས་པར་ཞུགས་མ་ཐག་ཏུ་བཅོམ
24b6 ལྡན་འདས་དེ། བཅོམ་ལྡན་འདས་ཕྱག་ན་རྡོ་རྗེ་དེ་ཉིད་དེ་ནམ་མཁའི་ཁམས་ཐམས་ཅད་དུ་སེམས་ཀྱིས་གང་བར་བྱས་ནས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱིས་བཅོམ་ལྡན་འདས་རྣམ་པར་སྣང་མཛད
24b7 ལ་རབ་ཏུ་སྩལ་ཏོ། །དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོ་དེ་བཞིན་གཤེགས་པ་ཐམས་ཅད་ཀྱི་དམ་ཚིག་བསྒྲུབ་པའི་མཆོག་ཅེས་བྱ་བ་རིག་མའི་ཚུལ་ལ་སོགས་པའི་ལས་ཅན་གསུངས་པ། ཁྲུ་ནི་སུམ་བཅུའི
24b8 ཁྱོན་ཙམ་དུ། །ཀུན་ནས་ཡོངས་སུ་ཟླུམ་པོར་ནི། །ིན་དྲ་ནཱི་ལ་མཚུངས་པའི་འོད། །འོད་ཟེར་འབར་བ་དེ་ཕྱུང་ནས། །ནམ་མཁའ་རུ་ནི་འདི་བྱ་བ། །བསམ་གཏན་སྦྱོར་བས་བསམ་པར་བྱ། །འཛམ་བུའི་གླིང་ནི་ཐམས་ཅད་དུ། །འོ་མ་དང་ཞོས
iiif viewer powered by OpenSeadragon
