| e-texts navigator |
| Wylie |
23b1 རྡོ་རྗེས་སླར་ཡང་བསམ་པ་ཐམས་ཅད་ཡོངས་སུ་རྫོགས་པའི་དམ་ཚིག་འབྱུང་བ་རྡོ་རྗེ་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དམ་ཚིག་ཆེན་པོའི་དངོས་གྲུབ་ཀྱི་དཀྱིལ་འཁོར་ཆེན་པོ་འདི་གསུངས་སོ། །
23b2 དེ་ནས་ཡང་དག་རབ་བཤད་བྱ། །དཀྱིལ་འཁོར་ཆེན་པོ་དམ་པ་འདི། །རྡོ་རྗེ་ཡེ་ཤེས་ལྟ་བུས་ཏེ། །དངོས་གྲུབ་ཆེན་པོ་ཞེས་བཤད་དོ། །སར་པ་ལེགས་པར་བཀལ་བ་ཡི། །ཚད་དང་ལྡན་པ་མཛེས་པ་ཡི། །ཐིག་གིས་མཁས་པས
23b3 ཅི་ནུས་ཀྱིས། །དཀྱིལ་འཁོར་ལ་ནི་ཐིག་གདབ་པོ། །གྲུ་བཞི་པ་ལ་སྒོ་བཞི་པ། །རྟ་བབས་བཞི་ཡིས་བརྒྱན་པ་དང་། །ཐིག་བཞི་དང་ནི་ཡང་དག་ལྡན། །དར་དང་མེ་ཏོག་ཆུན་པོས་བརྒྱན། །གྲཝ་ཡི་ཆ་རྣམས་ཐམས་ཅད་དང་། །སྒོ་ཁྱུད་ཀྱི
23b4 ནི་མཚམས་རྣམས་སུ། །རྡོ་རྗེ་རིན་ཆེན་གྱིས་སྤྲས་པར། །ཕྱི་ཡི་དཀྱིལ་འཁོར་ཐིག་གདབ་པོ། །རྟག་ཏུ་བསྡུས་པའི་ཆོ་ག་ཡིས། །རིམ་པ་གསུམ་ནི་བྱ་བ་ཡིན། །ཆོ་ག་ཤེས་པས་ཤར་དུ་ནི། །ཡེ་ཤེས་ཞེས་ནི་དགོད་པར་བྱ། །ལྷོར་ནི
23b5 འབད་པས་བསྡུས་པ་ཞེས། །བརྗོད་པ་རྟག་ཏུ་བྱ་བའོ། །ཆོ་ག་ཡིས་ནི་བྱང་ཕྱོགས་སུ། །ཆོས་ཀྱི་རིགས་ནི་རྟག་ཏུ་བྱ། །སྔགས་པས་འདོད་པ་ཀུན་རིགས་ལ། །གསུམ་པ་རུ་ཡང་མཉམ་པར་བྲི། །ཤར་དུ་སངས་རྒྱས་བཅོམ་ལྡན་འདས། །
23b6 རྒྱལ་བའི་གཙུག་ཏོར་གདུགས་དཀར་དང་། །རིག་མ་ཆེན་མོ་སྤྱན་དང་ནི། །མཛོད་སྤུ་ཡང་ནི་ཉེ་བར་རོ། །རྡོ་རྗེ་འཆང་གི་ལྷོ་རུ་ནི། །བདུད་རྩི་ཞེས་དང་སྟོབས་པོ་ཆེ། །རྡོ་རྗེ་ཁུ་ཚུར་མཱ་མ་ཀཱི། །ཉེ་བ་ཉིད་དུ་གཞག་པར་བྱ། །བཅོམ་ལྡན་འདས
23b7 ཀྱི་བྱང་དུ་ནི། །པད་མ་འཆང་བ་ཞི་བ་བསྐྱེད། །ཁྲོ་གཉེར་རིམ་པར་ལྡན་པ་དང་། །རིག་མ་ཆེན་མོ་དཀར་ཞེས་དང་། །ཁྲོ་གཉེར་ཅན་མའང་མཉམ་པར་བྲི། །ཆོ་ག་ཤེས་པས་དེ་དབུས་སུ། །རིག་མ་མི་ཐུབ་ཅན་མ་བྲི། །ཕྱག་རྒྱ་ཐམས་ཅད
23b8 ཉིད་དུ་ནི། །རྩེ་མོ་ལྔ་པ་རྣམ་བསྒོམ་བྱ། །དཀྱིལ་འཁོར་གསུམ་པར་སློབ་དཔོན་གྱིས། །ཡ་དྲི་ཙྪ་ཡས་སཱུ་ཏྲཾ་བྲི་བར་བྱ། །སྒོ་རྣམས་ཐམས་ཅད་ཉིད་དུ་ནི། །རྡོ་རྗེ་ལྕགས་སྒྲོག་ལ་སོགས་བྲི། །ཇི་ལྟར་རིགས་པར་ཕྱོགས་ཀུན་དུ། །འཇིག་རྟེན
iiif viewer powered by OpenSeadragon
