| e-texts navigator |
| Wylie |
22b1 ཡིད་འོང་བསྒོམ་པར་བྱ། །སྒོ་ཡི་ཕྱོགས་རྣམས་ཐམས་ཅད་དུ། །རིག་མ་གཞན་གྱིས་མི་ཐུབ་མ། །གཡས་བརྐྱང་ཞབས་ཀྱིས་མནན་པ་ཡི། །འཇིག་རྟེན་གསུམ་འཇིག་འཕྲོག་པ་མོ། །དེ་རྣམས་ཐམས་ཅད་རང་གཟུགས་སུ། །རྡོ་རྗེ
22b2 སེམས་དཔའ་རྣམ་བསྒོམ་བྱ། །སངས་རྒྱས་སློབ་དཔོན་དེ་རྟག་ཏུ། །འདོད་ཡོན་ལྔ་ཡི་མཆོག་རྣམས་ཀྱིས། །འབུལ་བར་བྱེད་པ་རྟག་ཏུ་བྱ། །དེ་ལྟས་དགྱེས་འགྱུར་གཞན་དུ་མིན། །རང་གི་ཁུ་བ་ཡང་དག་བསྐྱེད། །མཆོད་པ་བསྐྱེད་པར
22b3 བཤད་པ་ཡིན། །གཟུགས་བརྙན་དེས་ནི་ནམ་མཁའི་དབྱིངས། །ཡོངས་སུ་གང་བར་རྣམ་བསྒོམ་བྱ། །དཔག་བསམ་ལྗོན་ཤིང་རིན་ཆེན་ཆེ། །ཡིད་བཞིན་ནོར་བུ་ཤིན་དུ་མཛེས། །རིགས་ཀྱི་དབྱེ་བ་ཤེས་པ་ཡིས། །དེ་རྣམས་ཁ་དོག་རྣམ
22b4 བསྒོམ་བྱ། །ཇི་སྐད་གསུངས་པའི་གཟུགས་དེས་ནི། །དབང་བསྐུར་བ་ནི་གཟུང་བར་བྱ། །ཆོ་ག་ཤེས་པས་དེ་ཡི་ཚེ། །བྱ་བ་བུམ་པ་བསམ་པར་བྱ། །སངས་རྒྱས་གཟུགས་སོགས་ཐམས་ཅད་ཀྱིས། །མཆོད་བཞིན་པར་ནི་རྣམ་པར་བསམ། །
22b5 ཡང་དག་སྦྱོར་བའི་མཚན་ཉིད་འདིས། །ཤིན་དུ་དབང་བསྐུར་མཉམ་པ་ཅན། །སྐྱེ་བ་འདིར་ཉིད་སངས་རྒྱས་ཉིད། །ཐོབ་སྟེ་འདིར་ནི་ཐེ་ཚོམ་མེད། །རང་སྔགས་ཁྲོ་བོ་མཚུངས་པ་ཡི། །ཕན་པའི་སྦྱིན་པ་སྦྱིན་པར་བྱེད། །དེ་ནི་དུས་ཡུན་མི
22b6 རིང་བས། །དངོས་གྲུབ་སྐྱེ་བ་ལྟ་བུར་ཐོབ། །བློ་ལྡན་སངས་རྒྱས་སློབ་དཔོན་གྱིས། །རྟག་ཏུ་དེ་ཡི་དམ་ཚིག་ནི། །གང་ཁོ་ན་ཡི་རིགས་འབྱུང་བ། །འབད་པ་ཡིས་ནི་འདི་ལྟར་འོས། །གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པ་ཆེན
22b7 ཆེན་པོར་བསམ་གཏན་ཆེན་པོའི་ལེའུ་སྟེ་བཅུ་གཅིག་པའོ། ། །། དེ་ནས་བཅོམ་ལྡན་འདས་ཕྱག་ན་རྡོ་རྗེས་སླར་ཡང་ནམ་མཁའི་ཁམས་ཐམས་ཅད་ཡེ་ཤེས་ཀྱི་སྣང་བས་ཡང་དག་པར་སྐུལ་བར་བྱེད་པ་ཞེས་བྱ་བའི
22b8 ཏིང་ངེ་འཛིན་ལ་སྙོམས་པར་ཞུགས་ཏེ། དམ་ཚིག་ཆེན་པོའི་དེ་ཁོ་ན་ཉིད་བསྐྱེད་པར་བྱེད་པའི་སྔགས་འདི་གསུངས་པ། ཨོཾ་སརྦ་ཏ་ཐཱ་ག་ཏ་ཛྙཱ་ནོད་བྷཱ་བཱ་ཡ་སྭཱ་ཧཱ། སྔགས་འདི་གསུངས་མ་ཐག་ཏུ་སངས་རྒྱས་ཀྱི་ཞིང་གྲངས་མེད་པ
iiif viewer powered by OpenSeadragon
