| e-texts navigator |
| Wylie |
21b1 གྱིས་རློབ་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་གཙུག་ཏོར་ཐམས་ཅད་ཀྱི་སྙིང་པོ་སྐུལ་བ་ཞེས་བྱ་བའི་བསམ་གཏན་གྱི་དཀྱིལ་འཁོར་འདི་གསུངས་སོ། །ཞོ་རུ་བྱས་པ་བསམས་ནས་ནི། །པད་མ་མཛེས་པ
21b2 སོགས་བརྒྱན་པ། །ཤེལ་དེ་ཡི་ནི་དབུས་སུ་ནི། །ཐམས་ཅད་དུ་ནི་རྣམ་བསམ་བྱ། །ལོགས་བཞི་པ་ལ་གྲཝ་བཞི་པ། །སྒོ་བཞི་པར་ནི་རབ་ཏུ་བརྟག་།ཆོས་ཀྱི་དཀྱིལ་འཁོར་རྣམ་པར་ནི། །དེ་ལ་དབུས་སུ་བསྒོམ་པར་བྱ། །སྔགས
21b3 པ་ཆོ་ག་ཤེས་པས་དབུས། །འཁོར་ལོས་བསྒྱུར་བ་དགོད་པར་བྱ། །ཆོ་ག་ཤེས་པས་རྣམ་སྣང་མཛད། །ཤར་ཉིད་དུ་ནི་རྣམ་བསྒོམ་བྱ། །ཆོ་ག་ཤེས་པས་བྱང་དུ་ནི། །གྱེན་འཕགས་ཞེས་བྱ་རྣམ་བསྒོམ་བྱ། །ལྷོ་རུ་དཔག་མེད་ཞེས
21b4 བྱ་ནི། །བསམ་པ་བརྟན་པས་བསྒོམ་པར་བྱ། །ཇི་ལྟར་རིགས་པར་ནུབ་ཏུ་ནི། །གཟི་བརྗིད་ཕུང་པོ་རྣམ་བསྒོམ་བྱ། །བཙུན་མོའི་རྣམ་པ་མཚུངས་པ་ཡི། །ཆོས་ཀྱི་གཟུགས་ནི་ཡང་དག་བསྐྱེད། །མཚན་མ་རྡོ་རྗེ་སོགས་མཚན
21b5 ཉིད། །ཆོ་ག་ཡིས་ནི་དེ་རྣམས་སྦྱིན། །རིག་མ་ཆེན་མོ་སྤྱན་ལ་སོགས། །གྲཝ་རྣམས་ཀུན་དུ་བསམ་པར་བྱ། །གཞན་གྱིས་མི་ཐུབ་ཁྲོ་བོ་ཆེ། །སྒོ་དང་སྒོར་ནི་རྣམ་བསྒོམ་བྱ། །རྡོ་རྗེ་སེམས་དཔའ་ཡང་དག་དབྱུང་། །དེ་ཁོ་ཉིད་གང་སྦྱར
21b6 བར་བྱ། །ཡེ་ཤེས་སྦྱོར་བས་ཐམས་ཅད་ལ། །འདོད་ཡོན་ལྔ་ཡིས་མཆོད་པར་བྱ། །ཁུ་བ་དེ་ལ་ཡང་དག་བསྐྱེད། །མཆོད་པར་བྱེད་པ་བསྐྱེད་པར་བཤད། །མཁའ་ཁམས་གཙུག་ཏོར་ཐམས་ཅད་ཀྱིས། །ཡོངས་སུ་གང་བར
21b7 རྣམ་བསྒོམ་བྱ། །གཙུག་ཏོར་གྱི་སྙིང་པོ་ཀུན་དུ་བསྐུལ་བར་བྱེད་པའི་དཀྱིལ་འཁོར་རྫོགས་སྷོ།། །།དེ་ནས་ཕྱག་ན་རྡོ་རྗེས་སླར་ཡང་འདོད་པའི་ཁམས་ཐམས་ཅད་དུ་མཉམ་པར་འཇུག་པ་འབྱུང་བའི་རྡོ་རྗེ
21b8 བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རིགས་ཐམས་ཅད་ཀྱི་ཐུན་མོང་གི་སེང་གེ་རྣམ་པར་རོལ་པ་ཞེས་བྱ་བའི་བསམ་གཏན་གྱི་དཀྱིལ་འཁོར་ཆེན་པོ་འདི་གསུངས་པ། ཆོ་ག་ཤེས་པས་སྣ
iiif viewer powered by OpenSeadragon
