| e-texts navigator |
| Wylie |
21a1 རིན་ཆེན་གང་བར་རྣམ་བསམ་བྱ། །ཇི་ལྟར་རིགས་པར་ཆོས་ཀྱི་སྐུ། །དེ་ཉིད་སྦྱོར་བས་མཆོད་པར་བྱ། །འདོད་ཆགས་ཀྱི་ཆོས་ཞེས་བྱ་བའི་བསམ་གཏན་ཆེན་པོའི་གསང་ཆེན་རྫོགས་སྷོ།། །།
21a2 དེ་ནས་ཕྱག་ན་རྡོ་རྗེས་སླར་ཡང་དམ་ཚིག་ཐམས་ཅད་འབྱུང་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདོད་ཆགས་ཐམས་ཅད་ཀྱི་ཚུལ་ཞེས་བྱ་བའི་བསམ་གཏན་གྱི་དཀྱིལ་འཁོར་ཆེན་པོ་འདི་གསུངས་སོ། །
21a3 སྐུ་ཡི་དཀྱིལ་འཁོར་ཚུལ་གྱིས་ནི། །ཐམས་ཅད་དེར་ནི་རྣམ་བསམ་བྱ། །ཤར་དུ་དགྲ་རྣམས་ངེས་འཇོམས་པ། །སྣ་ཚོགས་མདོག་ཏུ་རྣམ་བསམ་བྱ། །ལྷོ་རུ་མེ་ཏོག་ཡང་དག་སྦྱོར། །ངོ་བོ་ཉིད་ཀྱིས་བསྒོམ་པར་བྱ། །ནུབ་ཏུ་ཡེ
21a4 ཤེས་ཡང་དག་དག་། ཞི་བའི་གཟུགས་ནི་རྣམ་བསམ་བྱ། །བྱང་དུ་རྣམ་རྒྱལ་ཞེས་བྱ་ཡང་། །བརྩོན་པའི་བསམ་པས་བསྒོམ་པར་བྱ། །དབུས་སུ་འདོད་མཆོད་ཡང་དག་སྦྱོར། །རང་གི་གཟུགས་ཀྱི་སྒོམ་པ་ལས། །ཆོ་གས་འདོད་པའི
21a5 དབང་ཕྱུག་མར། །བསམ་བྱ་སེམས་པའི་བདག་ཉིད་ཅན། །ཆོ་ག་ཤེས་པས་པད་མའི་ཕྱག་།གྲཝ་རྣམས་ཉིད་དུ་རྣམ་བསམ་བྱ། །འདོད་ཡོན་ཀུན་གྱིས་མཆོད་པ་ལ། །མཆོད་པར་བྱས་ནས་མཆོད་པར་བྱ། །རྡོ་རྗེ་སེམས་དཔའ་དེ་ཕྱུང
21a6 ནས། །གཞོགས་སུ་རྣམ་པར་བསམ་པར་བྱ། །ཁུ་བ་འདོད་མཆོད་ཚུལ་གྱིས་ནི། །བསྐྱེད་ནས་ཁྱབ་བདག་མཆོད་པར་བྱ། །འདོད་པའི་སློབ་དཔོན་གྱིས་བརྟག་བྱ། །མཆོད་པ་ལ་སོགས་ཡོངས་སུ་གཟུང་། །འདོད་ཆགས
21a7 ཐམས་ཅད་ཀྱི་དམ་ཚིག་བསམ་གཏན་གྱི་དཀྱིལ་འཁོར་ཆེན་པོ་རྫོགས་སྷོ། ། །།འདི་ཉིད་ཀྱི་ནི་དཀྱིལ་འཁོར་དུ། །སངས་རྒྱས་སློབ་དཔོན་རྟག་ཏུ་བྱ། །ཐམས་ཅད་དུ་ཡང་དཀྱིལ་འཁོར་དུ། །རྡོ་རྗེའི་སློབ་དཔོན་གྱིས
21a8 བསྒོམས་ནས། །འདོད་པའི་སློབ་དཔོན་ཇི་གསུངས་པས། །བྱའོ་དཀྱིལ་འཁོར་གཞན་དུ་མིན། །དེ་ནས་ཕྱག་ན་རྡོ་རྗེས་སླར་ཡང་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་གྱི་སྙིང་པོ་ཀུན་དུ་སྐུལ་བར་བྱེད་པའི་དེ་ཁོ་ན་ཉིད་བྱིན
iiif viewer powered by OpenSeadragon
