| e-texts navigator |
| Wylie |
20a1 གནས། །ཆོ་ག་ཤེས་པས་གྲཝ་རྣམས་སུ། །རྩེ་མོ་ལྔ་པ་རྣམ་བསྒོམ་བྱ། །ཇི་ལྟར་རིགས་པའི་གནས་ལྔ་རུ། །ཟླ་བ་ཡི་ནི་དཀྱིལ་འཁོར་བརྟག་།དཀྱིལ་འཁོར་རྣམས་ནི་སྒོམ་བྱེད་པ། །ལག་པ་གཅིག་ཏུ་ཡང་དག
20a2 བསྐྱེད། །ཇི་ལྟར་རིགས་པར་ཤར་གྱི་ནི། །མི་སྐྱོད་ཡོངས་སུ་བརྟག་པར་བྱ། །ཆོ་ག་ཤེས་པས་ལྷོ་ཡི་ནི། །དེང་ནི་རིན་ཆེན་དགོད་པར་བྱ། །ནུབ་ཀྱི་དཔག་མེད་ཅེས་བརྗོད་པ། །བྱང་དུ་དོན་ཡོད་གྲུབ་པའོ། །ཆོ་ག་ཤེས་པས་སེར་པོའི་མདོག་།
20a3 དེ་ཉིད་སྒོམ་པས་བསྒོམ་པར་བྱ། །དབུས་སུ་ཁྱབ་བདག་རྣམ་སྣང་མཛད། །ཡང་དག་བསྐྱེད་ནས་བསྒོམ་པར་བྱ། །སློབ་མའི་རྣམ་པར་ཐམས་ཅད་དུ། །ཆོ་ག་ཤེས་པས་རྣམ་བསྒོམ་བྱ། །རིག་མ་ཆེན་མོ་སྤྱན་ལ་སོགས། །གྲཝ་རྣམས་ཉིད་དུ
20a4 རྣམ་བསྒོམ་བྱ། །ཆོ་ག་ཤེས་པས་བདུད་རྩི་ཞེས། །སྒོ་རྣམས་ཀུན་དུ་བསྒོམ་པར་བྱ། །དེ་རྣམས་ཁ་དོག་བསྡུས་པ་ཡིས། །སོ་སོ་སོ་སོར་རྟོག་པར་བྱ། །དེ་རྣམས་ཀུན་གྱི་གཟུགས་རྣམས་སུ། །རྡོ་རྗེ་སེམས་དཔར་རྣམ་བསྒོམ་བྱ། །འོད
20a5 ཟེར་ལྔ་པོ་ཡང་དག་བསྐྱེད། །འདོད་ཡོན་ལྔ་རྣམས་བསྡུས་པ་ཡིས། །ཁྱབ་བདག་ལ་ནི་དབུལ་བར་བྱ། །སངས་རྒྱས་སློབ་དཔོན་ཆོ་ག་ལས། །མཁའ་ཁམས་སངས་རྒྱས་ཀུན་གྱིས་ནི། །ཡོངས་སུ་གང་བར་རྣམ་བསྒོམ་བྱ། །དེས་ནི་ཁུ
20a6 བ་ཐམས་ཅད་ཀྱིས། །མཆོད་པ་བསྒོམ་པར་གྲགས་པ་ཡིན། །དམ་ཚིག་ཐམས་ཅད་ཀྱི་དངོས་གྲུབ་ཅེས་བྱ་བ་བསམ་གཏན་གྱི་དཀྱིལ་འཁོར་རྫོགས་སྷོ།། །།དེ་ནས་བཅོམ་ལྡན་འདས་ཕྱག་ན་རྡོ་རྗེས་སླར་ཡང
20a7 གདོན་མི་ཟ་བའི་དམ་ཚིག་ཅེས་བྱ་བའི་བསམ་གཏན་གྱི་དཀྱིལ་འཁོར་གསུངས་པ། བློ་ལྡན་སངས་རྒྱས་སློབ་དཔོན་གྱིས། །དེ་བཞིན་ཉིད་དུ་ཐམས་ཅད་བྱ། །ཕྲ་མོའི་དཀྱིལ་འཁོར་ཚུལ་གྱིས་ནི། །ཐམས་ཅད་དེར་ནི་རྣམ་བསྒོམ
20a8 བྱ། །ཤར་གྱི་ཆོས་རྣམས་ཀུན་གྱི་མཆོག་།རྡོ་རྗེ་སེམས་དཔའ་དགོད་པར་བྱ། །སྔགས་པས་ལྷོ་རུ་རྟག་པ་ནི། །རྡོ་རྗེ་སེམས་དཔའ་དགོད་པར་བྱ། །ནུབ་དུ་ཡེ་ཤེས་རྫོགས་བྱང་ཆུབ། །སངས་རྒྱས་སློབ་དཔོན་དགོད་པར་བྱ། །བྱང
iiif viewer powered by OpenSeadragon
