| e-texts navigator |
| Wylie |
18b1 དེ་སྐད་ཅེས་གསུངས་སོ། །རང་གི་གཟུགས་ནི་ཡང་དག་བསྐྱེད། །རང་གཟུགས་ལ་སོགས་མཚན་ཉིད་ཀྱིས། །སྙིང་གར་བདུད་རྩིར་བརྗོད་པ་ནི། །དེ་ཡི་སྔགས་ནི་ཡང་དག་བརྩམ། །འདི་ཡང་དམ་ཚིག་ཡེ་ཤེས་ཏེ། །ཀུན་དུ
18b2 དྲི་མ་བསལ་བ་ཉིད། །འདོད་པའི་དངོས་གྲུབ་བརྟན་པ་ནི། །བརྟུལ་ཞུགས་བརྩོན་པས་བསྲུང་བར་བྱ། །སངས་རྒྱས་ཐམས་ཅད་རྣམ་བསྒོམས་ནས། །བསྒྲུབ་བྱའི་རྣམ་པར་བསམ་པར་བྱ། །རྡོ་རྗེ་སེམས་དཔའ་ཡང་དག་བསྐྱེད། །
18b3 སྙིང་པོ་དེ་ལ་བསྒོམ་པར་བྱ། །ཆོ་ག་ཤེས་པས་འདི་རྟག་ཏུ། །དུས་གསུམ་དུ་ཡང་བསྒོམ་པར་བྱ། །གལ་ཏེ་གཞན་དུ་བཟླས་བྱས་སམ། །བསྒྲུབ་ན་དེ་ནི་མ་ཡིན་ཉིད། །རིག་མ་གཟུགས་དང་གཟུགས་སོགས་ཅན། །འབར
18b4 བའི་ཕྲེང་བས་རྒྱན་བྱེད་པ། །སེམས་དཔའ་རིན་ཆེན་ཡང་དག་བསྐྱེད། །དེ་ཡི་ལག་ཏུའང་རྣམ་བསྒོམ་བྱ། །བསྡུས་པ་ཡིས་ནི་བསྒོམ་བཞིན་དུ། །ཇི་སྲིད་དངོས་གྲུབ་རབ་མཐོང་བྱེད། །གཞན་དུ་གལ་ཏེ་བདག་རྨོངས་ན། །
18b5 དེ་ཡི་སྦྱིན་པ་དེར་མི་འགྱུར། །ཤིན་དུ་རྣམ་བཀྲ་ཤིན་དྲི་མེད། །ཡེ་ཤེས་རིན་ཆེན་ཅོད་པན་དུ། །བཞག་ནས་སྒྲུབ་པ་ཡི་ནི་མཆོག་།ས་སྟེངས་ལྷན་ཅིག་རྒྱུ་བར་བྱེད། །རྡོར་སེམས་བདག་ཉིད་དངོས་གྲུབ་ང་། །རྡོ་རྗེ་སེམས་དཔས
18b6 བྱིན་གྱིས་བརླབས། །རྟག་ཏུ་རྡོ་རྗེ་ཡེ་ཤེས་ཆོས། །གོ་འཕང་དུ་ནི་བསྒྲལ་བར་བགྱི། །ཡེ་ཤེས་རྡོ་རྗེས་དངོས་གྲུབ་ང་། །བདུད་རྩི་ཞེས་སོགས་བྱིན་གྱིས་བརླབས། །ནམ་མཁའ་མཆོག་ཏུ་ཕྲ་བ་ཡི། །བཟང་པོ་ང་ནི་རྣམ་སྦྱོད
18b7 བྱེད། །བཅོམ་ལྡན་འདས་རྡོ་རྗེ་འཆང་ཆེན་པོས་དེ་སྐད་ཅེས་གསུངས་སོ། །དེ་ནས་བཅོམ་ལྡན་འདས་ཕྱག་ན་རྡོ་རྗེས་སླར་ཡང་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་དང་ཡེ་ཤེས་ཀྱི་གསང་སྔགས་ཡོངས་སུ
18b8 དག་པའི་དེ་ཁོ་ན་ཉིད་བྱིན་གྱིས་རློབ་པ་ཞེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་དམ་ཚིག་བཀའ་སྩལ་ཏོ། །རྡོ་རྗེ་སེམས་དཔའ་སྐྱེ་སྒོམ་པ། །ཐུགས་ཀྱི་རྡོ་རྗེ་ཞེས་རབ་བརྗོད། །སེམས་ལ་དེ་ནི་བསྒོམས་ནས་ནི། །
iiif viewer powered by OpenSeadragon
