| e-texts navigator |
| Wylie |
17a1 ཤེས་ཀྱི་འོད་ཟེར་རྣམ་པ་སྟོང་དུ་རྣམ་པར་ཞིག་པར་གྱུར་ཏོ། །གཞན་དུ་ན་ག་ལ་འགྱུར་ཞེས་སོ། །དེ་བཞིན་དུ་ནི་དེ་ལྟ་བུ་བྱས་ནས་དེ་ཉིད་བཅོམ་ལྡན་འདས་ཕྱག་ན་རྡོ་རྗེ་དེ་བཞིན་གཤེགས་པ་རྣམས
17a2 ཐམས་ཅད་ཀྱིས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་དང་སྤྱི་བོར་ཟླ་བའི་དཀྱིལ་འཁོར་གྱི་སྟེང་དུ་རང་གི་གཟུགས་སུ་གནས་པར་བྱེད་དོ། །དེ་ནས་བཅོམ་ལྡན་འདས་ཕྱག་ན་རྡོ་རྗེས་ཡེ་ཤེས་ཀྱི་དམ་ཚིག་ཁོང་དུ་ཆུད་པ
17a3 ཞེས་བྱ་བའི་གསང་སྔགས་ཀྱི་དམ་ཚིག་བཀའ་སྩལ་ཏོ། །གྲངས་མེད་འབྱུང་པོ་ཐམས་ཅད་ནི། །དེ་ཉིད་སྦྱར་བས་གསད་པར་བྱ། །སྐྱེ་བ་འདིར་ཉིད་སངས་རྒྱས་ཉིད། །ཐོབ་འགྱུར་འདི་ལ་ཐེ་ཚོམ་མེད། །སངས་རྒྱས་བྱེ་བ་ཡོངས
17a4 རྫོགས་པ། །ཡེ་ཤེས་སྦྱོར་བས་གསད་པར་བྱ། །སྐྱེ་བ་འདིར་ཉིད་འགྲུབ་འགྱུར་ཏེ། །རྡོ་རྗེ་སེམས་དཔའ་ཐོབ་པར་འགྱུར། །པད་མ་ཆེན་པོའི་ཚད་ཀྱིས་ནི། །སེམས་ཅན་ཕུང་པོ་རྣམས་གཞོམ་བྱ། །ཆོས་ཀྱི་དེ་ཉིད་ཏིང
17a5 འཛིན་གནས། །བཅོམ་པས་དངོས་གྲུབ་ཐོབ་པར་འགྱུར། །ཆོ་ག་ཤེས་པས་པད་མའི་ཚད། །འཇོམས་བྱེད་འདྲེན་པ་གསད་པར་བྱ། །འདོད་མཆོད་དེ་ཉིད་བསྒོམ་པ་ཡིས། །དེ་ཡིས་དངོས་གྲུབ་ཆེ་ཞེས་བྱ། །བཅོམ་ལྡན་འདས
17a6 ངོ་བོ་ཉིད་དག་པས་དེ་སྐད་ཅེས་གསུངས་སོ། །ནམ་མཁའི་ཁམས་ནི་ཀུན་བཀང་བར། །མཚན་ཉིད་དེས་ནི་གསད་པར་བྱ། །དེ་ལྟར་ཡང་འདིར་སངས་རྒྱས་ཉིད། །སྐྱེ་བ་འདི་ཉིད་ཁོ་ན་ལ། །རྣམ་པ་སྣ་ཚོགས་མཐའ་དག་འཐོབ། །
17a7 སེམས་ཅན་སེམས་ནི་ཆོ་ག་ཡིས། །ཡང་དང་ཡང་དུ་སྦྱང་བར་བྱ། །གསོད་པའི་བདག་ཉིད་སོགས་འབྱུང་བ། །གཞན་དུ་འབྱོར་བར་མི་འགྱུར་ཉིད། །སེམས་ཅན་ཀུན་གྱི་སེམས་གང་ཡིན། །གསལ་བ་ཞི་བ་འོད་གསལ་བར། །སྣ
17a8 ཚོགས་དངོས་པོས་མ་གོས་པར། །སེམས་སུ་བརྗོད་པའི་དེ་ཉིད་བསྒོམ། །ཆོ་ག་ཤེས་པས་སངས་རྒྱས་ཡུམ། །དེ་ཉིད་ཉེ་བར་ལོངས་སྤྱོད་བྱ། །གསང་སྔགས་དགེ་བ་འབྱུང་བ་ཀུན། །གཞན་དུ་གྲུབ་པ་ཉིད་མི་འགྱུར། །དེ་དེ་སྔགས
iiif viewer powered by OpenSeadragon
