| e-texts navigator |
| Wylie |
15a1 ཡང་དག་བསྐྱེད། །དེ་ཡི་མཆོད་པ་བྱེད་པར་བཤད། །དཀྱིལ་འཁོར་བཞི་ཡི་ཚུལ་གྱིས་ནི། །རང་རིགས་ལ་སོགས་རྣམ་པར་བསྒོམ། །དབུས་སུ་གཟུགས་ནི་བརྟན་བྱས་ནས། །དེ་ཡི་མཆོད་པ་བྱེད་པར་བཤད། །སྣ
15a2 ཚོགས་རྒྱན་གྱིས་བརྒྱན་པ་ཡི། །སྤྱན་ནི་ཡང་དག་བསྐྱེད་ནས་སུ། །གསལ་བའི་དཀྱིལ་འཁོར་ཚུལ་གྱིས་ནི། །དམངས་རིགས་དཀར་མོ་རྣམ་བསྒོམ་བྱ། །ཀུན་སྦྱོར་ལ་སོགས་མཚན་ཉིད་ཀྱིས། །སྣ་ཚོགས་རྒྱན་དང་ཡང་དག་ལྡན། །
15a3 ཨུཏྤལ་སྔོན་པོ་དང་མཚུངས་པའི། །མཱ་མ་ཀཱི་ནི་རྟག་བསྒོམ་བྱ། །མེ་ཏོག་ཆུན་སོགས་ཀྱིས་དོན་བཞིན། །ཇི་ལྟར་རིགས་པར་རྣམ་བརྒྱན་པ། །རིག་མ་ཆེན་མོ་དཀར་མོར་གྲགས། །ཁྲག་དང་མཚུངས་པར་བསམ་པར་བྱ། །
15a4 ཡིད་ཀྱི་ཀུན་སྦྱོར་ཕུན་ཚོགས་ཀྱིས། །བསྡུས་པ་ཡིས་ནི་རྣམ་པར་བརྒྱན། །ུཏྤལ་ན་མཚུངས་སྐལ་བཟང་མོ། །སྔགས་པས་རྟག་ཏུ་བསམ་པར་བྱ། །བཅོམ་ལྡན་འདས་ཀུན་དུ་བཟང་པོས་དེ་སྐད་ཅེས་གསུངས་སོ། །མར་སར་ལ་སོགས
15a5 ཀུན་སྦྱོར་གྱིས། །ཡིད་དུ་འོང་བ་དེ་བསྒོམ་བྱ། །ཆང་ཉིད་ཡིད་ཀྱིས་སྦྱོར་བྱེད་པ། །གང་དེ་ཉིད་ནི་སྒོམ་བཞིན་དུ། །ཟླ་བའི་དཀྱིལ་འཁོར་དབུས་སུ་ནི། །རང་གི་སྔགས་ཀྱིས་ཡང་དག་བསྐྱེད། །སྐྲོད་པར་བྱེད་པས་ཆོ་ག་ཀུན། །འདི་ནི
15a6 བསྐྱེད་ཅིང་བསྒོམ་པར་བྱ། །ལག་པས་མགྲིན་པ་ལ་སོགས་བཟུང་། །རྐང་པ་དེ་ལ་སྦྱར་བར་བྱ། །མེ་ཏོག་གཉིས་སོགས་མཚན་ཉིད་ཀྱིས། །རང་གི་རྡོ་རྗེ་གཞུག་བསམ་བྱ། །ཟླ་བའི་དཀྱིལ་འཁོར་ཡང་དག་སྦྱོར། །ཁུ་བ་དེ་ལ་ལྟུང་བར
15a7 བྱ། །བཅོམ་ལྡན་འདས་རྡོ་རྗེ་འཆང་གིས་དེ་སྐད་ཅེས་གསུངས་སོ། །ནམ་མཁའི་ཁམས་ནི་ཀུན་བཀང་བར། །བྱས་ནས་དེ་ཉིད་ཀྱིས་བསྒོམ་བྱ། །མེ་ཏོག་བཞི་ལ་སོགས་ཚུལ་གྱིས། །དེ་ལ་མཆོད་པར་བྱེད་ཅེས་དགོངས། །ཉེར་སྤྱོད
15a8 ལྔ་ཡི་མཆོད་པ་ཡིས། །མཆོད་བདག་ཀུན་སྦྱོར་ལས་མཆོད་བྱ། །དྲི་གཟུགས་རོ་དང་རེག་བྱ་ནི། །ཐམས་ཅད་དུ་དེ་ཉིད་ཀྱིས་སྦྱིན། །རྡོར་སེམས་རྣམས་ནི་བློ་ལྡན་གྱིས། །སངས་རྒྱས་ཀུན་གྱིས་བསྐྱེད་པ་དང་། །མཉེས་དང་མཆོད་པར
iiif viewer powered by OpenSeadragon
