| e-texts navigator |
| Wylie |
14b1 རྟོག་པའི་རྒྱལ་པོ་ཆེན་པོ་ལས། དང་པོའི་ཡེ་ཤེས་ཀུན་ལས་བཏུས་པའི་ལེའུ་སྟེ་བདུན་པའོ།། །། དེ་ནས་བཅོམ་ལྡན་འདས་ཕྱག་ན་རྡོ་རྗེ་དེ་བཞིན་གཤེགས་པ་དེ་རྣམས་ཐམས་ཅད་རང་གི་བ་སྤུའི་ཁུང་བུ་རྣམས་སུ་རབ་ཏུ
14b2 བཅུག་ནས་དམ་ཚིག་ཐམས་ཅད་ཀྱི་ཡེ་ཤེས་འབྱུང་བ་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །སྙོམས་པར་ཞུགས་མ་ཐག་ཏུ་ཡང་བཅོམ་ལྡན་འདས་ཕྱག་ན་རྡོ་རྗེ་དེ་བཞིན་གཤེགས་པ་དེ་རྣམས་ཐམས
14b3 ཅད་རང་གི་གཟུགས་བུད་མེད་ཀྱི་གཟུགས་སུ་བྱིན་གྱིས་བརླབ་པ་ཁོ་ནར་བ་སྤུའི་ཁུང་བུ་རྣམས་ནས་མངོན་པར་བྱུང་བར་གྱུར་ཏོ། །དེ་ནས་བཙུན་མོ་དེ་རྣམས་ཐམས་ཅད་ཀྱིས་ཡེ་ཤེས་ཆེན་པོའི་རིན་པོ་ཆེ་དེ་ཡི་མཆོད་པ་ཐམས་ཅད
14b4 ཀྱི་བཀོད་པས་ཡང་དག་པར་མཆོད་དེ། ནམ་མཁའི་ཁམས་ཐམས་ཅད་ཀུན་དུ་བཀང་ཞིང་སྣང་བར་བྱས་ནས་སྐུ་དང་གསུང་དང་ཐུགས་རྣམས་སུ་གནས་པར་གྱུར་ཏོ། །དེ་ནས་བཅོམ་ལྡན་འདས་ཕྱག་ན་རྡོ་རྗེ་བཙུན་མོ་ཐམས་ཅད
14b5 ཀྱི་བྷ་ག་རྣམས་སུ་རང་གི་རྡོ་རྗེ་ཡང་དག་པར་སྦྱོར་བའི་རྣམ་པས་ཡང་དག་པར་སྦྱར་ནས། རང་གི་གཟུགས་དེའི་ཚད་དུ་བྱིན་གྱིས་རློབ་པར་བྱེད་པས་བྱིན་གྱིས་བརླབས་ནས་དེ་བཞིན་གཤེགས་པ་ཐམས་ཅད་ཀྱང་དེའི་ཚད་དེ་ཁོ་ན་བཞིན
14b6 དུ་མཁས་པ་རྣམས་ཀྱིས་སྔ་མ་ཇི་ལྟ་བའི་ཕྱག་ན་རྡོ་རྗེ་རིགས་ཐམས་ཅད་དམ་ཚིག་གི་ཡེ་ཤེས་དེ་ཁོ་ན་ཉིད་བྱིན་གྱིས་རློབ་པ་ཞེས་བྱ་བའི་ཡེ་ཤེས་ཆེན་པོའི་དམ་ཚིག་བཀའ་སྩལ་ཏོ། །དཀྱིལ་འཁོར་བཞི་ཡི་ཚུལ་གྱིས་ནི། །དབུས་སུ
14b7 སྔགས་སུ་རྣམ་བསྒོམ་བྱ། །སྙིང་གར་དཀྱིལ་འཁོར་བྱས་ནས་ནི། །རྡོ་རྗེ་སེམས་དཔའ་བསྒོམ་པར་བྱ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྗེ་བོས་དེ་སྐད་ཅེས་གསུངས་སོ། །དཀྱིལ་འཁོར་བཞི་ཡི་ཚུལ
14b8 གྱིས་ནི། །རྣམ་སྣང་ལ་སོགས་རྣམ་བསྒོམ་པ། །དེ་ཉིད་ཀྱིས་ནི་ཀུན་བསྐྱེད་ནས། །དེ་ཉིད་མཆོད་པར་བྱེད་པར་འགྱུར། །དཀྱིལ་འཁོར་བཞི་ཡི་ཚུལ་གྱིས་ནི། །རྡོ་རྗེ་སེམས་དཔའ་བསམ་པར་བྱ། །སངས་རྒྱས་གཟུགས་ནི
iiif viewer powered by OpenSeadragon
