| e-texts navigator |
| Wylie |
14a1 ནམ་མཁའི་ཁམས་ནི་ཀུན་བཀང་བར། །བྱས་ནས་འོད་ཟེར་ཡང་དག་བསྡུ། །རྒྱ་ཤུག་ཚི་གུའི་ཚད་ཀྱིས་ནི། །པད་མ་ཡང་དག་སྦྱར་བསྒོམ་བྱ། །པད་མ་རཱ་གའི་འོད་མཚུངས་པའི། །འདབ་མ་བརྒྱད་པ་རྣམ་བསྒོམས་ནས། །
14a2 ཇི་ལྟར་རིགས་པར་སྙིང་གར་དེ། །བསྒོམ་བྱ་གཞན་དུ་མི་བསམ་མོ། །ཐོག་མ་བར་ནི་རྣམ་སྤངས་ནས། །སྒོམ་པ་དེ་ཡི་དགོངས་པའོ། །མེ་ཏོག་པད་མ་སོགས་གཡོགས་པར། །དེ་ཕྱོགས་སུ་ནི་རྣམ་བསྒོམ་བྱ། །ཆོ་ག་ཤེས་པས་འདོད
14a3 མཆོད་པའི། །སེམས་དཔའ་འོད་མཚུངས་བསྒོམ་པར་བྱ། །འོད་ཟེར་འབར་བས་རྣམ་བརྒྱན་པའི། །རྩེ་གསུམ་ཤིན་དུ་བརྟན་བྱས་ནས། །ཆོ་ག་ཤེས་པས་ནས་ཙམ་དུ། །བསམས་ནས་ལྟེ་བར་བསྒོམ་པར་བྱ། །ཀར་ནི་ཀཱར་སོགས
14a4 མེ་ཏོག་ཆེ། །སེར་པོ་འབར་བ་བསྒོམ་པར་བྱ། །བཅོམ་ལྡན་འདས་ཀུན་དུ་བཟང་པོས་དེ་སྐད་ཅེས་གསུངས་སོ། །ཀུན་དུ་རྣལ་འབྱོར་བཞི་རྣམས་སུ། །རྣམ་པ་བཞི་པོ་རྣམ་བསྒོམ་བྱ། །ཇི་སྲིད་ནམ་མཁའི་དཀྱིལ་འཁོར་དུ། །ཆོ་ག་ཤེས་པས
14a5 སྤྲོ་བར་བྱ། །གང་ཡང་སྔགས་པས་ཟླ་གཉིས་སུ། །ཐུན་བཞིར་རྣམ་པར་བསྒོམ་པར་བྱ། །རྣམ་པར་དབེན་དང་ཡིད་འོང་དང་། །སྐྱེ་བོ་བྲལ་བར་བསྒོམ་པར་བྱ། །ཉ་དང་ཤ་སོགས་ཅན་བཟའ་ལ། །བརྟུལ་ཞུགས་ཅན་གྱིས་མར་སར་བཏུང་། །བསླུས
14a6 པ་དང་ཡང་ས་ལ་འཇིགས། །དེ་ལྟར་གང་འདི་བརྟུལ་ཞུགས་ཅན། །ཆོ་ག་ཤེས་པས་སངས་རྒྱས་གཟུགས། །དངོས་ཉིད་དུ་དེ་ལྟ་བར་བྱེད། །རང་གཟུགས་རྣམ་ཤེས་བྱ་མིན་ཉིད། །སྒྲ་ནི་ཉན་པར་བྱེད་མིན་ཉིད། །རྣམ་པ་གཉིས་སུ་དེ་ཡི
14a7 སེམས། །སྐྱེ་བ་མིན་ཞིང་ཡང་ཡང་མིན། །གང་ཞིག་ཁོ་ནར་བསྒོམ་པར་བྱ། །གཞན་དུ་དེ་དག་མི་འགྱུར་ཉིད། །གསལ་བའི་དཀྱིལ་འཁོར་སྦྱོར་ལ་སོགས། །བསྐྱེད་ནས་དེ་ལ་བསྒོམ་པར་བྱ། །བདག་པོའི་རྣལ་འབྱོར་ཀུན་བསྐྱེད་ནས། །མཉམ
14a8 པར་བཞག་པས་བསྒོམ་པར་བྱ། །འབྲས་བུའི་ཆོས་སུ་སྐྱེ་འགྱུར་ཏེ། །གཞན་དུ་བསྐྱེད་པར་འགྱུར་མིན་ཉིད། །བཅོམ་ལྡན་འདས་བྱང་ཆུབ་ཀྱི་སེམས་ཀྱིས་དེ་སྐད་ཅེས་གསུངས་སོ། །གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི
iiif viewer powered by OpenSeadragon
