| e-texts navigator |
| Wylie |
13b1 སྐད་ཅེས་གསུངས་སོ། །གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན་པོར་དངོས་གྲུབ་ཐམས་ཅད་ཀྱི་དམ་ཚིག་གི་ཡེ་ཤེས་མཆོག་གི་ལེའུ་སྟེ་ལེའུ་དྲུག་པ་རྫོགས་སོ།། །། དེ་ནས་བཅོམ་ལྡན
13b2 འདས་ཕྱག་ན་རྡོ་རྗེ་དེ་བཞིན་གཤེགས་པ་དེ་རྣམས་ཐམས་ཅད་ངེས་པར་བྱུང་ནས་ཀྱང་སེམས་དཔའ་ཆེན་པོའི་ཟླ་བའི་དཀྱིལ་འཁོར་བྱིན་གྱིས་བརླབས་པར་ཀུན་དུ་གནས་པར་གྱུར་ཏོ། །དེ་ནས་བྱང་ཆུབ་སེམས་དཔའ་ཆེན་པོ
13b3 ཀ་ཨུན་དུ་བཟང་པོ་རྡོ་རྗེ་ཐམས་ཅད་ཀྱི་དམ་ཚིག་གི་ཡེ་ཤེས་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དང་པོའི་རྣལ་འབྱོར་དམ་ཚིག་ཐམས་ཅད་ཀྱི་དངོས་གྲུབ་ཀྱི་ཡེ་ཤེས་འདུ་བར་བྱེད་པ་བསྐྱེད་པ་དང
13b4 བཅས་པའི་གསང་ཆེན་བཀའ་སྩལ་ཏོ། །སངས་རྒྱས་གཟུགས་སུ་ཡང་དག་བསྐྱེད། །འོད་ཟེར་སྣ་ཚོགས་མཚུངས་པའི་འོད། །འོད་ཟེར་སྙིང་པོ་སོགས་ཚུལ་གྱིས། །འཁོར་ལོ་དཀར་པོ་དང་མཚུངས་པ། །ཙ་ན་ཀ་ཡི་འབྲུ་ཚད
13b5 ཀྱིས། །ཀུན་ནས་ཡོངས་སུ་ཟླུམ་པོ་རུ། །སྔགས་པའི་དཔྲལ་བའི་སྟེང་དུ་ནི། །མཉམ་པར་བཞག་པས་བསྒོམ་པར་བྱ། །ཆོ་ག་ཤེས་པས་ཟླ་བ་གཅིག་།དེ་ཡིས་དེ་ལྟར་འདི་སྤྲོ་བྱ། །ནམ་མཁའ་ལ་སོགས་རབ་འབྱམ་དུ། །ཟླ
13b6 གཉིས་ནང་དུ་རྒྱས་པར་བྱ། །ཛཱ་ཏིའི་མེ་ཏོག་སོགས་གཡོགས་པར། །དཀྱིལ་འཁོར་དེ་རུ་རྣམ་བསྒོམ་བྱ། །མཚན་མ་ཕུལ་བྱུང་བཅས་མཐོང་ནས། །མཚན་ཉིད་བརྗོད་པས་མཚོན་པར་བྱ། །འབར་བའི་ཕྲེང་བས་རྣམ་བརྒྱན་པའི། །
13b7 རྡོ་རྗེ་སེམས་དཔའ་རྣམ་བསྒོམས་ནས། །གང་དུ་དཀྱིལ་འཁོར་སོགས་ཚུལ་གྱིས། །ནས་ཙམ་དུ་ནི་བསྒོམ་པར་བྱ། །རྩེ་མོ་ལྔ་པའི་རྡོ་རྗེ་ཆེ། །སྣ་ཡི་རྩེར་ནི་རྣམ་བསྒོམ་བྱ། །ིན་དྲ་ནཱི་ལ་སོགས་ཚུལ་གྱིས། །དེ་ཡི་ཁ
13b8 དོག་རྣམ་སྒོམ་མོ། །ུཏྤལ་ལ་སོགས་གཡོགས་པ་ལ། །དཀྱིལ་འཁོར་དེ་ལ་བསྒོམ་པར་བྱ། །ཀུན་དུ་དེ་ཉིད་བྱ་བ་ནི། །ཡེ་ཤེས་རིགས་ཀྱི་ཆོ་ག་ལས། །ཆོ་ག་ཤེས་པས་ཆོས་སེམས་དཔའ། །བསྐྱེད་ནས་བསྒོམ་པར་བྱ་བ་འདི། །
iiif viewer powered by OpenSeadragon
