| e-texts navigator |
| Wylie |
13a1 ཤེས་རབ་ཕ་རོལ་ཕྱིན་པའི་ཐབས། །ཡེ་ཤེས་ཆེན་པོ་ཀུན་བཏུས་པས། །སེམས་ལ་རྟག་ཏུའང་སྦྱར་བར་བྱ། །ཆོས་བསྡུས་པ་ནི་ཐོབ་པར་འགྱུར། །བྱང་ཆུབ་སེམས་ནི་སེམས་ཆེན་པོ། །རྡོར་སོགས་མཚན་ཉིད་མིན་པ
13a2 ཉིད། །དེ་བཞིན་དུ་ནི་ཡེ་ཤེས་ཀུན། །སྙིང་པོ་ཀུན་ལས་བཏུས་པ་འདི། །ཕ་རོལ་ཕྱིན་པ་བསྡུས་པ་འདིར། །སངས་རྒྱས་རྣམས་ཀྱི་བཙུན་མོར་བརྟན། །དེ་རྣམས་སངས་རྒྱས་ཐོབ་པར་འགྱུར། །ཀུན་སྦྱོར
13a3 མཚན་ཉིད་དེ་རྣམས་ཀྱིས། །སྒྲ་དྲི་རོ་ལ་སོགས་པ་རྣམས། །ཇི་ལྟར་ནུས་པར་འབུལ་བར་བྱེད། །རང་གཟུགས་སངས་རྒྱས་ཚུལ་གྱིས་ནི། །དེ་ལ་དབུས་སུ་རྣམ་བསྒོམ་བྱ། །འོད་ཟེར་འབར་བ་འཁྲུགས་བྱས་ནས། །སྙིང་གར་དེ་རྣམས
13a4 རབ་གཞུག་བྱ། །བཅོམ་ལྡན་འདས་ཆོས་འཆང་བས་དེ་སྐད་ཅེས་གསུངས་སོ། །བསྡུས་པ་ཞེས་རིགས་སུ་བརྗོད་པའི། །གར་མཁན་ཆེན་པོ་ཡང་དག་འབྱུང་། །དེ་ལ་ངོ་མཚར་གསོལ་བཏབ་པ། །དེ་ལ་འཇོམས་པར་བྱེད་པར་དགོངས། །
13a5 ཕྱག་རྒྱ་ཆེན་པོའི་གོ་འཕང་བརྗོད། །མི་རྣམས་རིགས་ནི་བཞི་པོ་ཡང་། །བྱས་ནས་དམ་ཚིག་ཚུལ་གྱིས་ནི། །མཉམ་པར་བཞག་པས་བསྒོམ་པར་བྱ། །སེམས་ནི་སེམས་ཅན་ཐམས་ཅད་ཀྱི། །རང་བཞིན་ཕུལ་བྱུང་ཆེན་པོ་སྟེ། །རྣམ
13a6 རྟོག་དམ་ཚིག་ལ་གནས་པ། །སྐྱེ་བ་རྣམས་དང་དམན་པར་སྨྲ། །བསོད་ནམས་བསོད་ནམས་ཀྱིས་དེའི་ལུས། །གོས་པའམ་ཡང་ན་དེ་མིན་ཉིད། །དེ་ལྟར་ཤེས་ནས་ཅི་རིགས་པར། །གཞན་དུ་བསྒོམ་བྱ་མིན་པ་ཉིད། །པད་མ་ཨུཏྤལ་ལ
13a7 སོགས་པ། །འདམ་སྐྱེས་ཡང་དག་བྱུང་མ་སྐྱེས། །སེམས་ལ་སོགས་པའི་མཚན་ཉིད་ཀྱང་། །དེ་ཉིད་ལ་ཀུན་ཤེས་པར་བྱ། །བྱང་ཆུབ་སེམས་ནི་བརྟན་བྱས་ནས། །སངས་རྒྱས་རྣམས་ཀྱང་ཡོངས་སུ་གཟུང་། །རྡོ་རྗེ་དེ་ཉིད་ལས་སྐྱེས་ཏེ། །
13a8 གཞན་དུ་འབྱུང་བ་མིན་པ་ཉིད། །སེམས་ཅན་གྱི་ནི་ས་རྣམས་ཀྱིས། །འགྲུབ་པར་འགྱུར་བར་གྲགས་པ་ཡིན། །དེ་བཞིན་གང་འདི་དག་པ་ཆེ། །ཡེ་ཤེས་ལྕགས་ཀྱུའི་ཚུལ་ཆེན་ནོ། །བཅོམ་ལྡན་འདས་ཀུན་དུ་བཟང་པོ་ཆེན་པོས་དེ
iiif viewer powered by OpenSeadragon
