| e-texts navigator |
| Wylie |
11b1 པས་སྤྲོ་བར་བྱ། །ཁྲུ་ནི་བརྒྱ་ཕྲག་འདས་པར་ནི། །པད་མ་ཆེན་པོ་རྣམ་བསྒོམ་བྱ། །འདོད་མཆོད་གཟུགས་ནི་ཡང་དག་དབྱུང་། །སངས་རྒྱས་དེ་ཉིད་ལ་བསྒོམ་བྱ། །ཁྲུ་ནི་བརྒྱད་བརྒྱ་འདས་པར་ནི། །པད་མ་ཆེན་པོ་རྣམ་བསྒོམ་བྱ། །
11b2 ཁྱབ་འཇུག་གཟུགས་ནི་ཡང་དག་བསྐྱེད། །སངས་རྒྱས་ལ་སོགས་དེར་བསྒོམ་བྱ། །སངས་རྒྱས་གཟུགས་ནི་ཡང་དག་བསྐྱེད། །ཚངས་པའི་གཟུགས་ཀྱིས་འདི་སྤྲོ་བྱ། །ཆོས་ཀྱི་གཟུགས་ནི་ཡང་དག་བསྐྱེད། །ཁྱབ་འཇུག
11b3 གཟུགས་ཀྱིས་འདི་སྤྲོ་བྱ། །སེམས་དཔའི་གཟུགས་སུ་བརྟན་བྱས་ནས། །འདོད་མཆོད་མཚུངས་པའི་གཟུགས་རྣམས་ཀྱིས། །འཇིག་རྟེན་ཁམས་ནི་ཀུན་དུ་ཡང་། །ཆོ་ག་ཤེས་པས་སྤྲོ་བར་བྱ། །ཁྲུ་གང་ཙམ་ལས་འདས་པར་ནི། །
11b4 ཚངས་པའི་གཟུགས་ཀྱིས་རྣམ་བསྒོམ་པ། །སྙིང་ཀར་དེ་རྣམས་ཡང་དག་བསྐྱེད། །སངས་རྒྱས་གཟུགས་སུ་རྣམ་བསྒོམ་བྱ། །ཆོ་ག་ཤེས་པས་སངས་རྒྱས་གཟུགས། །གཟུགས་ལ་གཟུགས་སུ་རྣམ་བསྒོམ་བྱ། །བཅོམ་ལྡན
11b5 འདས་འདོད་པའི་མཆོད་པས་དེ་སྐད་ཅེས་གསུངས་སོ། །ཁྲུ་གང་ཙམ་ལས་འདས་པར་ནི། །ཁྱབ་འཇུག་གཟུགས་ནི་རྣམ་སྒོམ་པ། །སྙིང་གར་དེ་རྣམས་ཀུན་བསྐྱེད་ནས། །སངས་རྒྱས་གཟུགས་སུ་རྣམ་བསྒོམ་བྱ། །སངས་རྒྱས
11b6 གཟུགས་རྣམས་ཐམས་ཅད་དུ། །འདོད་པའི་མཆོད་པ་མཚུངས་པའི་གཟུགས། །སྒེག་པའི་རྒྱན་གྱིས་བརྒྱན་གྱུར་པས། །ཆོ་ག་ཤེས་པས་དབྱུང་བར་བྱ། །ཇི་སྲིད་གཟུགས་སུ་ཡང་དག་སྦྱོར། །དེ་སྲིད་དུ་ནི་བཙུན་མོར་འགྱུར། །
11b7 བཅོམ་ལྡན་འདས་འདོད་པའི་མཆོད་པས་དེ་སྐད་ཅེས་གསུངས་སོ། །རིགས་ཀྱི་དཀྱིལ་འཁོར་ཚུལ་གྱིས་ནི། །གཟུགས་སུ་བསྐྱེད་ནས་བསྒོམ་པར་བྱ། །ཆོ་ག་ཤེས་པས་དང་པོའི་སྦྱོར། །མཉམ་པར་གཞག་པས་བསྒོམ་པར་བྱ། །
11b8 ནམ་མཁའི་ཁམས་ནི་ཀུན་བཀང་བར། །མཁས་པས་དེ་ལྟར་བསམ་བྱས་ནས། །བརྗོད་པའི་རྣམ་པས་གསོལ་བ་བཏབ། །མཉམ་པར་བཞག་པས་དེ་ལྟུང་བྱ། །ཆོ་ག་ཤེས་པས་ལྷའི་རྣམ་པ། །སངས་རྒྱས་འོད་དང་མཉམ་པའི
iiif viewer powered by OpenSeadragon
