| e-texts navigator |
| Wylie |
10b1 ཆོས་འཆང་བས་དེ་སྐད་ཅེས་གསུངས་སོ། །རྒྱང་གྲགས་ཙམ་ལས་འདས་པར་ནི། །ཆོས་ཀྱི་དཀྱིལ་འཁོར་བསྒོམ་པ་ནི། །འཇིག་རྟེན་དབང་རབ་བསྒོམས་པ་ཡིས། །རང་གི་གཟུགས་ནི་རྣམ་བསྒོམ་བྱ། །རྒྱང་གྲགས་ཙམ་ལས་འདས་པར་ནི། །
10b2 པདྨའི་དཀྱིལ་འཁོར་སྒོམ་པ་ནི། །གཞོགས་སུ་བཙུན་མོ་བྱས་ནས་སུ། །སངས་རྒྱས་གཟུགས་ནི་མཆོད་པར་བྱ། །གསལ་བའི་དཀྱིལ་འཁོར་ཚུལ་གྱིས་ནི། །ཆོས་ཀྱི་དཀྱིལ་འཁོར་བསྒོམ་པ་ནི། །འཇིག་རྟེན་ཁམས་ནི་ཀུན་ནས་སུ། །ཆོ
10b3 ག་ཤེས་པས་མཆོད་པར་བྱ། །གསལ་བའི་དཀྱིལ་འཁོར་ཚུལ་གྱིས་ནི། །འཁོར་ལོའི་དཀྱིལ་འཁོར་སྒོམ་པ་སྟེ། །ཉི་མའི་དཀྱིལ་འཁོར་མཆོག་བྱས་ནས། །རང་གི་གཟུགས་ནི་དགོད་པར་བྱ། །སྔགས་པས་སྟེང་གི་རིམ་པར་ནི། །ཇི་སྲིད
10b4 ནམ་མཁའ་འགོངས་པ་ཞེས། །པད་མ་རཱ་གའི་འོད་མཉམ་པའི། །པད་མ་ལྔ་ནི་རྣམ་བསྒོམས་ནས། །ཆོ་ག་ཤེས་པས་རང་གཟུགས་ནི། །དབུས་སུ་ཡང་དག་གནས་བསྒོམ་བྱ། །སངས་རྒྱས་གཟུགས་ནི་ཀུན་འབྱུང་བ། །ཤར་དུ་རྣམ་པར
10b5 བསྒོམ་པར་བྱ། །ལྷོ་ནས་བསྡུས་པ་ཞེས་བྱས་ནས། །རྣལ་འབྱོར་ཡང་དག་བརྩམ་པར་བྱ། །ནུབ་ཏུ་ཆོས་འཆང་བྱས་ནས་ནི། །བྱང་དུ་འདོད་པ་འབྱུང་བའོ། །འཁོར་ལོ་ཡེ་ཤེས་རིགས་ཞེས་བརྗོད། །རལ་གྲི་ཆོས་ཀྱི་རིགས་ཞེས་དགོངས། །
10b6 རྡོ་རྗེ་བསྡུས་པའི་རིགས་སུ་གྲགས། །རྩེ་གསུམ་འདོད་པའི་རིགས་སུ་བཤད། །ནམ་མཁའི་ཁམས་ནི་ཀུན་གང་བར། །བྱས་ནས་ཁྱབ་བདག་ཆོས་འཆང་བ། །ལག་ཏུ་རལ་གྲི་ཡང་དག་བསྐྱེད། །རང་གཟུགས་ཀྱིས་ནི་གཞོམ་པར་བྱ། །
10b7 འདོད་མཆོད་ཀྱིས་ནི་འཇོམས་བྱས་ནས། །ཆོས་ཀྱི་དབྱིངས་ཀྱི་ཆོ་ག་རིག་།ལག་ཏུ་མདུང་ནི་ཡང་དག་བསྐྱེད། །རང་གཟུགས་ཀྱིས་ནི་ཕྱེ་མར་བརླག་།གསལ་བའི་དཀྱིལ་འཁོར་ཚུལ་གྱིས་ནི། །ཡེ་ཤེས་རིགས་ནི་ཟློག་པར་བྱེད། །ཡེ
10b8 ཤེས་དཀྱིལ་འཁོར་ཚུལ་གྱིས་ནི། །བསྡུས་པའི་རིགས་ནི་རྣམ་ལྟུང་བྱེད། །ཆོས་ཀྱི་དཀྱིལ་འཁོར་ཚུལ་གྱིས་ནི། །ཆོས་ཀྱི་རིགས་ནི་ངེས་ལྟུང་བྱེད། །ཟླ་བའི་དཀྱིལ་འཁོར་ཚུལ་གྱིས་ནི། །ཆེན་པོའི་རིགས་ནི་ངེས་ལྟུང་བྱེད། །ཉི་མའི
iiif viewer powered by OpenSeadragon
