| e-texts navigator |
| Wylie |
337a1 སྦྲ་མེད་དེ་མཆོད་ཕྱིར་ཐོགས་པའང་མེད། །དཀྱིལ་འཁོར་སྦྱིན་སྲེག་མེད་དེ་དུས་དང་གཟའ་ཚེས་མེད། །གཏོར་མ་ལ་སོགས་བྱ་བ་མེད་དེ་མཆོག་གི་རབ་མཆོག་དང་པོའོ།། །།རྡོ་རྗེ་སེམས་དཔའི་སྒྲུབ་པ
337a2 ཡང་དག་འདི་ཉིད་ཡིན་ཏེ་བརྩོན་པར་བྱ། །དེ་ནས་མཁའ་འགྲོ་དེ་དག་ཐམས་ཅད་རབ་ཏུ་དགའ་ནས་བཅོམ་ལྡན་འདས་རྡོ་རྗེ་འཛིན་པ་ཆེན་པོ་ལ་ལེགས་སོ་ཞེས་གསོལ་ཏེ། ལེགས་སོ་ལེགས་སོ་བདེ་བྱེད་ཆེ། །ལེགས
337a3 སོ་ལེགས་སོ་ཡེ་ཤེས་ཆེ། །ལེགས་སོ་ལེགས་སོ་བདེ་བ་ཆེ། །ལེགས་སོ་ལེགས་སོ་སྣ་ཚོགས་ཆེ། །ལེགས་སོ་ལེགས་སོ་ཤེས་རབ་ཆེ། །ལེགས་སོ་ལེགས་སོ་དགྱེས་པ་ཆེ། །དེ་ནས་བཅོམ་ལྡན་འདས་རྡོ་རྗེ་འཛིན་པ་ཆེན་པོས་ཐུགས
337a4 རྗེ་ཆེན་པོའི་ཐུགས་རང་གི་ཐུགས་ཡང་དག་པ་ལ་དམིགས་ནས་ཅང་མི་གསུང་བར་བཞུགས་སོ། །དཔལ་རྡོ་རྗེ་སྙིང་པོ་རྒྱན་གྱི་རྒྱུད་རྣལ་འབྱོར་ཆེན་པོའི་དེ་ཁོ་ན་ཉིད་ངེས་པ་ཞེས་བྱ་བ།
337a5 དཔལ་ཨུ་ཊྱཱན་གསང་བའི་དགོན་པ་ནས་བྱུང་བ་རྫོགས་སྷོ།། །། རྒྱ་གར་གྱི་མཁན་པོ་ཀ་མ་ལ་གུཔ་ཏ་དང་། བོད་ཀྱི་ལོ་ཙྪ་བ་ཆེན་པོ་མངའ་བདག
337a6 ལྷ་ཡེ་ཤེས་རྒྱལ་མཚན་གྱིས་བསྒྱུར་ཅིང་ཞུས་ཏེ་གཏན་ལ་ཕབ་པ། སྟག་ལུང་རྒྱུད་འབུམ་དང་བསྟུན་པའི་ཞུ་དག་གྲུབ།། །།
iiif viewer powered by OpenSeadragon
