| e-texts navigator |
| Wylie |
336b1 ཆེན་པོ་སྟོང་པ་ཞེས་བྱ་དང་། །དགའ་དང་དགའ་བ་བར་མ་དང་། །དགའ་བྲལ་གྱི་ནི་དགའ་བ་རྣམས། །རྒྱུད་རྣམས་ཀུན་གྱི་སྤྱི་བོའོ། །ཕྱིར་བཟློག་གཉིས་ཀྱི་ཆོ་ག་དང་། །གསང་དང་ཤེས་རབ་ཡེ་ཤེས་དང་། །ཁ་སྦྱོར་འབྱེད་པའི
336b2 ཆོ་ག་དང་། །གཏོར་མ་རྡོ་རྗེའི་བཟླས་པ་དང་། །དྲག་ཤུལ་སྒྲུབ་པའི་ཆོ་ག་དང་། །རབ་ཏུ་གནས་དང་དཀྱིལ་འཁོར་སྒྲུབ། །གསང་བའི་དེ་ཉིད་བཅུ་ཡིན་ནོ། །དཀྱིལ་འཁོར་ཏིང་འཛིན་ཕྱག་རྒྱ་དང་། །སྟང་སྟབས་འདུག་སྟངས་བཟླས
336b3 བརྗོད་དང་། །སྦྱིན་སྲེག་མཆོད་པ་ལས་སྦྱོར་དང་། །སླར་སྡུད་པ་ཡི་རྣམ་པ་ནི། །ཕྱི་ཡི་དེ་ཉིད་བཅུ་ཡིན་ནོ། །ཡང་དག་དེ་ཉིད་དངོས་པོ་མི་ཤེས་པར། །གསང་སྔགས་སྨྲ་བ་པོ་ཡིན་ཞེས་བརྗོད་པ། །དེ་དག་མངོན་པའི་ང་རྒྱལ
336b4 གསང་སྔགས་ཆོ་ག་འཆད། །དེ་ནི་དམ་ཉམས་འདི་དང་ཕ་རོལ་བརླག་།ཉམས་པས་བདུད་ཀྱིས་བཟུང་ནས་ཤི་ནས་དམྱལ་བར་འགྲོ། །སེམས་ཅན་རྣམས་ལ་རབ་བརྟེན་ཏོ། །བྱང་ཆུབ་དམ་པ་ཐོབ་འགྱུར་བ། །སེམས་ཅན
336b5 སླུ་བར་མི་བྱ་སྟེ། །བདེ་གཤེགས་ལས་ལ་སེམས་ཅན་སྦྱར། །གང་ཞིག་སྦྱོར་འདི་མི་བརྩོན་པས། །རྐང་ལག་མིག་སོགས་སྦྱིན་པ་དང་། །དཀའ་ཐུབ་ཅི་འདྲ་སྤྱད་བྱས་ཀྱང་། །བདུད་རྩི་རོ་ཐོབ་མི་ནུས་སོ། །རྣལ་འབྱོར
336b6 གཅིག་གཅིག་ཤེས་བྱས་ནས། །དབེན་པར་སོང་སྟེ་རབ་འབད་ན། །སྡིག་དག་ཚེ་འདིར་སངས་རྒྱས་འགྲུབ། །ཆོས་བདག་མེད་པར་རབ་བསྒོམས་པས། །ཐམས་ཅད་མཁྱེན་པ་ཁོང་དུ་ཆུད། །ཐབས་ཤེས་གཉིས་ཀྱི་འཇོ་སྒེག
336b7 གིས། །གསང་བ་ལྔ་ཡི་བདག་ཉིད་མཆོད། །དངོས་པོ་ཐམས་ཅད་དངོས་མེད་པར། །བཞི་བཅུའི་དོན་ནི་རྟོགས་པ་དང་། །རྡོ་རྗེ་པད་མའི་དབང་བསྐུར་བས། །བདུད་རྩི་ཡིས་ནི་དགའ་བར་བྱེད། །གསང་བར་བྱ་བའི་ཆོས་གསང་བས། །
336b8 གསང་ཞིང་སྦས་ཏེ་སྤྱད་པར་བྱ། །འདོད་པའི་ཡོན་ཏན་ལྔ་ལས་ནི། །རྣལ་འབྱོར་སེམས་པས་སྤྱད་བྱ་ཞིང་། །དེ་བཞིན་བཟའ་དང་བཏུང་བྱས་ནས། །སེམས་ཅན་ཐམས་ཅད་དབང་དུ་བྱེད། །འདི་ལ་ཁྲུས་དང་གཙང
iiif viewer powered by OpenSeadragon
