| e-texts navigator |
| Wylie |
335b1 གསལ་བ། །མཁའ་འགྲོ་རེ་འདོད་སྐོང་བ་སྟེ། །སིམ་སོགས་ཆོས་ནི་རྣམ་དག་པ། །རིན་ཆེན་མཁའ་འགྲོ་ཁྱོད་ཕྱག་འཚལ། །འདོད་ཆགས་ཐམས་ཅད་འོད་གསལ་བ། །སྐྱོན་གྱིས་གོས་མེད་མཁའ་འགྲོ་ཆེ། །མཚན་མར་འཛིན་པ
335b2 རྣམ་དག་པ། །པད་མ་མཁའ་འགྲོ་ཁྱོད་ཕྱག་འཚལ། །ཕྲག་དོག་ཆོས་ནི་འོད་གསལ་བ། །མཁའ་འགྲོ་སྣ་ཚོགས་ལས་བྱེད་པ། །མངོན་པར་འདུ་བྱེད་ཆོས་ཀུན་དག་།སྣ་ཚོགས་མཁའ་འགྲོ་ཕྱག་འཚལ་བསྟོད། །མཚན་མཆོག་འདི་ཡིས
335b3 ཁྱོད་བསྟོད་པས། །གང་ཟག་དེ་ཡང་བསོད་ནམས་ཚོགས། །ཡེ་ཤེས་ཚོགས་ཆེན་ཡོངས་རྫོགས་ནས། །སངས་རྒྱས་འགྱུར་བར་ཐེ་ཚོམ་མེད། །དེ་ནས་བཅོམ་ལྡན་འདས་རྡོ་རྗེ་འཛིན་པ་ཆེན་པོས་ཀུན་དུ་བཟང་པོའི་བདེ་བ་ཆེན་པོ་ནམ
335b4 མཁའི་དབྱིངས་ཐམས་ཅད་དུ་ཁྱབ་པའི་བདག་ཉིད་ཆེན་པོས། དེ་བཞིན་གཤེགས་པ་ཐམས་ཅད་ཀྱི་སྙིང་པོ་མི་ཤིགས་པའི་ཟླ་བ་སྐུལ་བར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རང་གི་ཐུགས་ཀའི
335b5 མི་ཤིགས་པའི་ཐིག་ལེ་ལས་ཤིན་དུ་དགྱེས་པ་ཆེན་པོ་ཞེས་བྱ་བའི་འོད་ཟེར་གྱི་ཚོགས་ཕྱུང་སྟེ། དེ་བཞིན་གཤེགས་པ་ཐམས་ཅད་ཀྱི་གསང་བའི་སྙིང་པོ་ཟླ་བའི་ཐིག་ལེའི་དབུས་སུ་རྒྱས་པར་བྱས་ཏེ། ནམ་མཁའི
335b6 དབྱིངས་ཐམས་ཅད་དུ་ཡང་སྣང་བར་བྱས་ནས་སྟེང་འོག་ཏུ་ཡང་བཞུགས་ཏེ། མ་ལུས་ཤིང་ལུས་པ་མེད་པའི་རི་དང་། སེམས་ཅན་ཐམས་ཅད་ལ་གསལ་བར་བྱས་ནས་ཤིན་དུ་དགྱེས་པ་ཆེན་པོའི་བདེ་བས་མཉེས་པར་བྱས་ཏེ་སླར་ལོག
335b7 ནས་བཅོམ་ལྡན་འདས་ཤིན་དུ་དགྱེས་པ་ཆེན་པོའི་བདེ་བའི་བདག་པོའི་སྙིང་པོའི་མཆོག་གི། ཟླ་བའི་ཐིག་ལེའི་དབུས་ན་བདེ་བར་ཞུགས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་འོད་ཟེར་གྱི་ཚོགས་ཀྱི་ཕྲེང་བ
335b8 མ་ཆོག་ཏུ་བདེ་བར་གྱུར་པའི་སྙིང་པོ་དེས་བསྐུལ་བ་ན་གར་མཛད་ཅིང་རང་རང་གི་ཏིང་ངེ་འཛིན་དུ་དམིགས་ནས་བཅོམ་ལྡན་འདས་དཔལ་ཀུན་དུ་བཟང་པོའི་ཐུགས་ཀའི་ཟླ་བའི་ཐིག་ལེའི་དབུས་སུ་གསང་བའི་དགྱེས་པ་ཆེན་པོའི་བདེ་བར
iiif viewer powered by OpenSeadragon
