| e-texts navigator |
| Wylie |
335a1 སངས་རྒྱས་ཀུན་མཐོང་ཞིང་། །འདོད་པ་ཀུན་གྱིས་རབ་ཏུ་འགེངས། །ཟད་མེད་གཞོམ་དུ་མེད་པ་དང་། །དང་བའི་སྐུ་ཚེ་འབྱུང་བར་འགྱུར། །བླ་ན་མེད་པའི་བྱང་ཆུབ་མཆོག་།འབད་པ་མེད་པར་ཡང་དག་འཐོབ། །
335a2 འདོད་པ་ཀུན་གྱི་དགའ་མོས་རྣམས། །འབད་བྲལ་བས་ནི་འགྲུབ་པར་འགྱུར། །འགྲོ་དང་འདུག་དང་གནས་པ་ན། །མཆོག་ཏུ་ཟབ་པའི་གནས་ལ་བརྟག་།འོད་གསལ་ཡེ་ཤེས་ལམ་མཁན་པ། །མཚན་ཉིད་རྟོག་པའི
335a3 རྣལ་འབྱོར་པའི། །བསམ་གཏན་སྦྱོར་བ་འདི་ཡིས་ནི། །སེམས་ཀྱི་རིན་ཆེན་བརྟན་པར་འགྱུར། །སངས་རྒྱས་བྱང་ཆུབ་རབ་ཞུགས་པ། །བྱིན་གྱིས་བརླབ་པའང་མཛད་པར་འགྱུར། །དེ་ལྟར་གྱུར་པས་ཞུགས་ནས་ཀྱང་། །
335a4 ཇི་སྲིད་སེམས་ནི་མི་སྐྱོ་བར། །མཉམ་གཞག་ཡིད་ནི་བཟང་པོ་ཡིས། །དེ་ལ་འབད་པས་བསྒོམ་པར་བྱ། །དེ་འོག་ལ་ནི་ཅི་དགའ་བའི། །སྤྱད་པ་ཡིས་ནི་གཅིག་བྱས་ན། །ཅུང་ཟད་སྤྱན་ཕྱེ་བ་ཡི་མཚན། །བྱང་ཆུབ་རྒྱ་ཆེན
335a5 འཐོབ་པར་འགྱུར། །རྒོད་དམ་སྨྲ་འམ་འདུག་པ་འམ། །ལ་ལར་རབ་ཏུ་གར་བྱེད་པར། །ཇི་སྲིད་སྐྱོ་བར་མི་འགྱུར་བར། །བསྒོམ་པའི་སེམས་ལ་ཞེན་པར་བྱ། །དེ་ལྟའི་དམ་ཚིག་ལྡན་གྱུར་ཅིང་། །རྣམ་པར་མི་རྟོག་སྔགས་པ
335a6 ཡིས། །དུས་ཀྱི་ངེས་པས་ཡོངས་སྤངས་ནས། །བླ་མེད་བྱང་ཆུབ་འཐོབ་པར་འགྱུར། །དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས་ཤེས་བྱེད་ཀུན་དུ་སྤྱོད་པའི་ལེའུ་སྟེ་བཅུ་དྲུག་པའོ།། །། དེ་ནས་མཁའ་འགྲོ
335a7 དེ་དག་ཐམས་ཅད་གཅིག་ཏུ་འདུས་ནས་བཅོམ་ལྡན་འདས་རྡོ་རྗེ་འཛིན་པ་ལ་ཚིགས་སུ་བཅད་པས་བསྟོད་པ། སངས་རྒྱས་ཀུན་གྱི་རང་བཞིན་ལས། །བྱུང་བའི་ལྷ་སྟེ་ཁྱོད་མཆོག་པས། །སེམས་དཔའ་ཀུན་གྱི་ཕྱག་རྒྱ་ཆེ། །
335a8 མཁའ་འགྲོ་ཆེན་པོ་ཕྱག་འཚལ་ལོ། །གཏི་མུག་ཐམས་ཅད་འོད་གསལ་བ། །མཁའ་འགྲོ་སངས་རྒྱས་ཆེན་པོ་སྟེ། །གཟུགས་སྣང་ཆོས་ནི་རྣམ་དག་པ། །བདེ་གཤེགས་མཁའ་འགྲོ་ཁྱོད་ཕྱག་འཚལ། །ང་རྒྱལ་ཐམས་ཅད་འོད
iiif viewer powered by OpenSeadragon
