| e-texts navigator |
| Wylie |
334a1 ལེགས། །དཀར་འཆང་དཔལ་གྱི་འབྲས་བུ་འདྲ། །ཀ་མའི་རཀྟའི་རོ་མངར་ཞིང་། །ཤངྐི་རཀྟ་རོ་སྐྱུར་བ། །ཕྲ་སྦོམ་རན་པ་དམར་མོ་སྟེ། །འདོད་ཆགས་མིག་ནི་མི་འཛུམས་ལྟ། །དཀར་འཆང་ཨ་རི་ཤ་འདྲ་བ། །ཙིཏྟ་རཀྟ་རོ
334a2 མངར་ཞིང་། །ཐུན་རུན་ཁྲོ་བག་དང་བཅས་པ། །ཆགས་མིན་ལྟ་བྱེད་ངོ་གནག་པ། །དཀར་འཆང་གཡས་གཡོན་དགྱེ་བ་སྟེ། །འདི་རྣམས་ཡང་དག་ཕྲད་གྱུར་ན། །སྒྲུབ་པ་པོ་ལ་ཚེ་འདི་རུ། །དངོས་གྲུབ་ཡང་དག་སྟེར་བ་སྟེ། །དེ་བས་འདི
334a3 རྣམས་འབད་པས་བཙལ། །ཡང་དག་རྙེད་ནས་གང་རུང་དུ། །བ་ལང་བཟའ་ནི་མདའ་ཡི་ནང་། །བཏུང་བས་ཤེལ་ཁམ་རྣམ་པར་འཕེལ། །དེ་ནི་ཐབས་ཀྱིས་སྟེར་བ་ཡིས། །ཡང་དག་ཏུ་ནི་རང་བཞིན་བརྟག་།རང་བཞིན་ནམ་མཁའ་ལྟ
334a4 བུ་སྟེ། །དངོས་པོ་ཐམས་ཅད་ཟད་པ་སྟེ། །རྣམ་པར་རྟོག་པ་ཐམས་ཅད་དང་། །བྲལ་བའི་དགའ་བ་ཡང་དག་ཟབ། །བསམ་མེད་ཟད་མེད་ཕྲ་མོ་སྟེ། །དམ་པ་ཞི་བ་རྣམ་དག་པ། །འཆི་མེད་རྡོ་རྗེ་བདུད་རྩི་བརྗོད། །གང་གི་དབུས་སུ་འདབ
334a5 བརྒྱད་པ། །སྙིང་པོ་ལྔ་ཡིས་ཡང་དག་བརྒྱན། །དེ་དབུས་དེ་གནས་ཆ་ནས་ལྔ། །ཆ་གཉིས་པ་ནི་བརྒྱད་མཐར་དབྱུང་། །སུམ་བཅུ་བཅུ་པ་ལྔ་ཡི་ནི། །ཆ་གཉིས་ལྔ་པ་དྲུག་པ་ཡི། །ཐིག་ལེ་རུ་ནི་གཞུག་པ་སྟེ། །སྐྱེས་བུ་གང
334a6 གིས་དེ་ལ་ནི། །མིག་གི་འོད་ཟེར་གྱིས་བལྟ་བ། །དེ་ལ་ཅི་བཞིན་གནས་པ་ཡི། །ཡེ་ཤེས་སྐྱེ་བར་ཐེ་ཚོམ་མེད། །ནམ་ཞིག་འགོག་པའི་སེམས་གྱུར་ན། །སངས་རྒྱས་ཀུན་གྱི་མཆོག་འཛིན་པ། །དཔལ་ལྡན་མཁའ་འགྲོ་འདྲ་བར
334a7 འགྱུར། །དེ་རིང་ཕན་ཆད་བུ་ཁྱོད་ནི། །དཀྱིལ་འཁོར་ཡང་དག་འདྲི་བ་དང་། །སྒྲུབ་པོ་རྒྱུད་ལ་སྦྱོར་བ་ཡི། །སློབ་དཔོན་ཆེན་པོ་ཉིད་དུ་འགྱུར། །འདི་ནི་སངས་རྒྱས་ཀུན་གྱིས་ཀྱང་། །དབང་བསྐུར་བར་ནི་རབ་བསྔགས་ཏེ། །ཐམས་ཅད
334a8 སྔགས་ནི་སྒྲུབ་འགྱུར་ཏེ། །ལས་མཆོག་ཁྱད་པར་ཅན་ཡང་འགྲུབ། །བུ་མོ་འདི་ནི་ཁྱོད་དང་མཐུན། །སེམས་ཅན་ཁྱོད་ཀྱིས་འདོད་པ་གྱིས། །ཡིད་དུ་འོང་བའི་རིག་མ་འདི། །བདེ་གཤེགས་ཀུན་གྱིས་ཁྱོད་སྤྱོད་གནས། །སྟོང་པ་ལ་ནི
iiif viewer powered by OpenSeadragon
