| e-texts navigator |
| Wylie |
333b1 ཆ་ཡིས། །ཁ་ན་མ་ཐོ་བྱེད་པ་བསད། །མདོ་སོགས་བསྟན་པའི་དམྱལ་བ་རུ། །སློབ་དཔོན་སྨོད་པར་བྱེད་པ་དེ། །གནས་པར་འགྱུར་བར་ང་ཡིས་བསྟན། །དེ་བས་བླ་མའི་ཞབས་དྲུང་དུ། །བག་མ་བཞིན་དུ་ངོ་ཚ་བསྲུང་། །
333b2 གློ་དང་རྒོད་དང་ལུད་པ་སོགས། །ཁ་ལ་ལག་པས་བཀབ་ནས་སུ། །ཤིན་དུ་འཇམ་པར་སྨྲ་བར་བྱ། །མགོ་ཐོད་བཅིང་དང་མཚོན་བྱུག་པ། །བླ་མའི་དྲུང་དུ་མི་བྱའོ། །བྲོ་བརྡུང་བ་དང་བརྐམ་ཚིག་དག་།ཐོས་པའི་ཡུལ་ནས་མི་བྱའོ། །
333b3 མདུན་འགྲོ་བ་དང་རྐང་པ་བརྐྱང་། །ཡང་དག་ཉིད་དུ་མི་བྱའོ། །ལས་ནི་གང་དག་བྱེད་པ་འམ། །མཉན་པ་ལ་སོགས་འདོད་པ་ལ། །གཟུང་ཕྱིར་ཐལ་མོ་མ་བཤིག་པར། །གནས་ནས་ལངས་ཏེ་མཐོང་ཡུལ་དུ། །རྒྱབ་ཀྱིས་ཕྱོགས་པར་མི་བྱ
333b4 སྟེ། །མཚན་མོ་དང་ནི་ཆུ་བརྒལ་དང་། །གཅོང་རོང་དག་ཏུ་གནས་གྱུར་ན། །བཀའ་ལུང་གཉེར་དུ་དགུམ་པའི་ཕྱིར། །མདུན་དུ་འགྲོ་བ་ཉེས་མི་འགྱུར། །དེ་བས་ཐབས་ནི་ཐམས་ཅད་ཀྱིས། །རྡོ་རྗེ་འཛིན་པ་བླ་མ་མཆོག་།རྗེས་སུ་མཐུན་པས
333b5 མཉེས་པར་བྱ། །དེ་མཉེས་སངས་རྒྱས་ཐམས་ཅད་མཉེས། །གང་གིས་སློབ་དཔོན་ཡང་དག་སྨད། །དེ་ཡིས་རྒྱུད་ཀུན་བསྒྲུབ་པའི་མཆོག་།གཉིད་དང་འདུ་འཛི་རྣམ་སྤངས་ཏེ། །བསྐལ་པ་སྟོང་དུ་ལེགས་བསྒྲུབས་ཀྱང་། །དམྱལ་སོགས
333b6 སྒྲུབ་པར་བྱེད་པའོ། །དེ་ཕྱིར་ཀུན་གྱིས་རབ་བསྒྲིམས་ཏེ། །བསམ་པ་འབྲས་བུ་སྨིན་བྱེད་པའི། །སངས་རྒྱས་འབྲས་བུ་འདོད་པ་ཡིས། །སེམས་ཅན་དད་དང་ལྡན་པས་མཆོད། །དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས་བླ་མ་བཀུར་བའི
333b7 ལེའུ་སྟེ་བཅུ་བཞི་པའོ། ། །། རྡོ་རྗེ་པད་མོ་སྦྱོར་བ་ལས། །ཡང་དག་ཡེ་ཤེས་སྐྱེ་འགྱུར་བས། །སྒྱུ་མའི་མཆོག་ནི་བུད་མེད་དེ། །དེ་ཡི་མིང་དང་མཚན་ཉིད་བསྟན། །ཧ་སྟི་ནི་དང་ཤངྐི་ནི། །ཀ་མ་ལ་དང་ཙི་ཏྲ་ན། །ཐམས
333b8 ཅད་རིགས་ནི་བཞིར་འགྱུར་ཏེ། །ཧ་སྟི་རཀྟ་རི་ཆེ་བ། །སྦོམ་མོ་འདོད་ཆགས་ཡང་དག་ཆེ། །པད་ཡངས་ཁ་ནས་ཤ་རུལ་བྲོ། །དཀར་འཆང་མཐའ་ཕྲ་གོ་སྦོམ་བྱེད། །ཤངྐ་རཀྟ་རོ་སྐྱུར་བ། །རྐེད་ཕྲ་སྣ་ལེགས་ཅུང་ཟད་ཁྲོ། །ཁ་ནས་དུད་བྲོ་འགྲོས་དལ
iiif viewer powered by OpenSeadragon
