| e-texts navigator |
| Wylie |
333a1 རི་བོང་འཛིན་པ་སྐུལ་བྱེད་ཅིང་། །དེ་ཡི་སྒྲུབ་པོ་ཞིང་དག་ཅིང་། །ཡེ་ཤེས་སྒྱུ་མའི་སྣོད་རུང་བྱེད། །རྐྱེན་གྱི་སློབ་དཔོན་ཆེན་པོའོ། །ལྷན་ཅིག་ཉན་པར་གང་གྱུར་པ། །དེ་ལས་དགའ་བ་ཡང་དག་ཐོབ། །
333a2 ཐོབ་པས་ཡང་དག་རབ་མཐར་ཕྱིན། །ལྷན་ཅིག་བྱེད་པའི་སློབ་དཔོན་ནི། །མི་འགྱུར་བྱམས་ལྡན་ཤེས་རབ་ཅན། །སྔགས་རྒྱུད་སྦྱོར་ཤེས་དཀྱིལ་འཁོར་མཁས། །དེ་ཉིད་བཅུ་ཤེས་ཐེག་ཆེན་དགའ། །གསང་བ་ཟུངས་ཐུབ
333a3 སློབ་དཔོན་ཡིན། །མིག་བཟང་ཡ་སོ་བཅུ་དྲུག་པ། །ཁུ་འཕྲིག་རྟོག་པ་ཡང་དག་སྤངས། །བླ་མ་དགའ་བ་དད་མོས་ཅན། །ཤིན་དུ་རྒྱན་གྱིས་རབ་བརྒྱན་པ། །དད་ལྡན་སྦྱོར་བ་ལ་གོམས་པ། །གཟུགས་བཟང
333a4 འདོད་ཆགས་ཀྱིས་མྱོས་བྱེད། །ཤིན་དུ་དུལ་བ་ཁྱད་པར་ཅན། །བསྐུར་བའི་གནས་སུ་ཡང་དག་བླངས། །དགེ་དང་བསྒོམ་པ་ལ་དགའ་བ། །རྟག་ཏུ་བླ་མ་ལ་གུས་པའི། །སློབ་མས་བླ་མ་འདི་ལྟར་བལྟ། །བླ་མ
333a5 སངས་རྒྱས་ཀུན་དང་མཉམ། །དེ་ཉིད་རྟག་ཏུ་རྡོ་རྗེ་འཆང་། །དེ་བཞིན་གཤེགས་པ་རིན་ཆེན་འབྱུང་། །དེ་ནི་ཡེ་ཤེས་རྒྱ་མཚོ་ཆེ། །ཡིད་བཞིན་ནོར་བུ་རིན་ཆེན་སྦྱིན། །དེ་ཡི་ཡོན་ཏན་ཐམས་ཅད་གཟུང་། །སྐྱོན་ཀུན
333a6 སེམས་ཀྱིས་ཀྱང་མི་བསམ། །ཡོན་ཏན་བཟུང་ནས་དངོས་གྲུབ་འཐོབ། །སྐྱོན་གྱིས་དངོས་གྲུབ་ཉམས་པར་བྱེད། །མཆོད་རྟེན་བཤིག་དང་སྡིག་འདྲའི་ཕྱིར། །དེ་ཡི་གྲིབ་མའང་མི་འགོམ་སྟེ། །སྟན་དང་ལྷམ་དང་བཞོན
333a7 པ་དང་། །འགོམ་པར་བྱ་བ་སྨོས་ཅི་དགོས། །རྒྱུ་བ་དང་ནི་མི་རྒྱུ་བའི། །མཆོག་ཀུན་དེ་ཡིས་སྤངས་པར་འགྱུར། །སློབ་དཔོན་སྨོད་པར་བྱེད་པ་དེ། །རྨི་ལམ་དུ་ཡང་མཐོང་མི་བྱ། །དེ་ནི་བགེགས་དང་ལོག་འདྲེན་འཛིན། །
333a8 རིམས་དང་སྤྱུག་དང་གཤིན་རྗེས་འཛིན། །འཆི་བར་རབ་ཏུ་འགྱུར་བ་སྟེ། །ངན་པ་གཏུམ་པོ་བླུན་ཆེན་ཏེ། །ཕྱོགས་བཞི་དག་ཏུ་སོང་གྱུར་ཡང་། །བློ་ལྡན་རྣམས་ཀྱིས་མི་བསྲུང་བར། །མདུང་ལ་སོགས་པའི་མཚོན
iiif viewer powered by OpenSeadragon
