| e-texts navigator |
| Wylie |
332b1 བྱ། །དེ་ནས་དེ་ནི་བབས་གྱུར་ཏེ། །སྒྲུབ་པ་པོ་ཡི་མདུན་གནས་ནས། །བཀའ་ནོད་འདི་སྐད་སྨྲ་བར་བྱེད། །སེམས་ཅན་ཆེན་པོ་ཁྱོད་ཅི་འདོད། །བདག་ལ་ཡང་དག་བཀའ་སྩོལ་ཅིག་།རལ་གྲི་མིག་སྨན་ས་འོག་གམ། །
332b2 རྐང་མགྱོགས་དེ་བཞིན་བཅུད་ཀྱིས་ལེན། །མི་སྣང་འགུགས་པ་ལས་གང་དག་།བདག་གིས་གཅིག་ཅིག་སྦྱར་བར་བྱ། །དེ་ནས་སྒྲུབ་པོ་དེ་ཡིས་ཀྱང་། །གང་འདོད་སྨྲས་ནས་ཅང་ཏེའུ་བརྡུང་། །དེ་ནས་རོ་ལངས་ཁ
332b3 དེ་ནས། །དུ་བ་འཐུལ་ཞིང་མེ་འབར་བ། །དེ་ནས་སྦྲུལ་ནག་ལྟ་བུ་རུ། །རོ་ཡི་ཁ་ནས་འབྱུང་བར་བྱེད། །དེ་དེ་སྒྲུབ་པོས་ཁ་ཡིས་བླང་། །བྱུང་སྟེ་གསེར་གྱི་རལ་གྲིར་འགྱུར། །དེ་ཐོགས་ཚངས་པའི་འཇིག་རྟེན་ཁམས། །
332b4 སྟེང་དུ་ངེས་པར་འགྲོ་བར་བྱེད། །དེ་བཞིན་ཀུན་དུ་འགྲོ་བར་བྱེད། །དེ་བཞིན་རྫས་ཀུན་གང་ལ་བསྟན། །ཐམས་ཅད་གསེར་འགྱུར་རྩི་ལྟ་བུ། །དེ་བཞིན་ཐབས་སྒྲུབ་དེ་བྱ་ན། །རོ་ནི་སྔ་མཁོ་བཞིན་འགྱུར་ཏེ། །
332b5 དེ་ཡིས་སྦྱིན་སྲེག་རབ་བྱས་ནས། །དཀྱིལ་འཁོར་ཡང་དག་ཚིམ་པར་བྱ། །དེ་བས་འདི་ནི་སྒྲུབ་པའི་མཆོག་།དོན་ཀུན་ཡང་དག་འགྲུབ་བྱེད་པ། །ལས་ཐམས་ཅད་ཀྱི་གཙོ་བོ་སྟེ། །བཅོམ་ལྡན་རྡོ་རྗེ་སེམས་དཔས
332b6 གསུངས། །དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས་རོ་ལངས་ཆེན་མོའི་ལེའུ་སྟེ་བཅུ་གསུམ་པའོ།། །། ད་ནི་ང་ཡིས
332b7 སྒྲུབ་པོ་ཡི། །དངོས་གྲུབ་སློབ་དཔོན་ལས་བྱུང་ཕྱིར། །རྒྱུད་རྣམས་ཀུན་ལས་གསུངས་པ་ཡི། །སློབ་དཔོན་བསྐུར་བའི་ཆོ་ག་བཤད། །སློབ་དཔོན་མེད་པར་གྱུར་ན་ནི། །དངོས་གྲུབ་ཐོབ་པར་མི་འགྱུར་བས། །
332b8 སློབ་དཔོན་གྲངས་དང་མཚན་ཉིད་ནི། །ཡིད་གཅིག་བསྡུས་ལ་མཉན་པར་གྱིས། །དམ་སྡོམ་གྱི་ནི་སྣོད་གཙང་ལ། །སློབ་དཔོན་མཚན་ཉིད་ཡོངས་རྫོགས་པར། །བྱེད་ཅིང་དང་པོ་ལས་འཇུག་པར། །བྱེད་པ་རྒྱུ་ཡི་སློབ་དཔོན་ནོ། །
iiif viewer powered by OpenSeadragon
