| e-texts navigator |
| Wylie |
332a1 འདོར་ཏེ། །རྡོ་རྗེ་འཛིན་པ་ང་འདྲར་འགྱུར། །དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས་དམ་ཚིག་དང་སྡོམ་པ་དབྱེ་བའི་ལེའུ་སྟེ་བཅུ་གཉིས་པའོ།། །།
332a2 དེ་ནས་རོ་ལངས་ཆེན་མོ་ཡི། །སྒྲུབ་པ་ཡང་དག་བཤད་པར་བྱ། །སྒྲུབ་པོས་ལེགས་པར་ཤེས་གྱུར་ན། །དངོས་གྲུབ་ཐོབ་པར་འགྱུར་བའོ། །ནག་པོ་ཡི་ནི་ཚེས་བརྒྱད་དང་། །ཡང་ན་བཅུ་བཞི་གང་ཡང་རུང་། །ཤིང་གཅིག
332a3 དུར་ཁྲོད་མ་མོ་འམ། །ཡང་ན་མི་མེད་གྲོང་བར་དུ། །སྔོན་དུ་སྒྲུབ་པའི་བདག་ཉིད་ཅན། །ལས་ཀུན་འགྲུབ་པར་བྱེད་པར་སྒྲུབ། །མདའ་མཁན་མ་དང་སྨེ་ཤ་ཅན། །གདོལ་པ་མོ་དང་གར་མཁན་སོགས། །མདུན་གྱི་སོ་ལ་ལྷག
332a4 ཡོད་པ། །བྱད་དང་མདངས་ལྡན་རྨ་མེད་མ། །ལོ་ནི་སུམ་བཅུ་རྩ་གཉིས་བསྔགས། །ཡང་ན་ཉི་ཤུ་རྩ་ལྔའོ། །ཡང་ན་ཆུ་དང་དང་པོར་སྐྱེས། །སྦྱངས་ནས་ཤི་བ་མ་སྦགས་པ། །ཡང་དག་བླངས་ཏེ་ཕ་བོང་སྟེང་། །གཞན་ཡང་བུ་མོ
332a5 སྐྲ་བཟུང་སྟེ། །ལྷ་བཞད་དང་ནི་དབང་པོ་ལག་།དཀར་པོ་དང་ནི་རི་སྒྲ་དང་། །གྲུ་གནོན་ཆུ་ཡིས་བཀྲུ་བར་བྱ། །དེ་ནས་ཙན་དན་དཀར་པོ་ཡིས། །བུ་མོ་ལུས་བྱུགས་རྒྱན་དང་གོས། །ཡང་དག་བརྒྱན་ཏེ་མདུན་བཞག་ནས། །
332a6 དཀྱིལ་འཁོར་འཇིགས་པ་བྲི་བྱ་སྟེ། །རྩ་སོགས་གསང་སྔགས་རབ་ཏུ་བཟླ། །འབྱུང་པོའི་གཏོར་མ་ཡང་བྱིན་ཏེ། །ཤ་ན་ནག་པོ་མདངས་དང་ལྡན། །མྱོས་བྱེད་བསྲེགས་པ་རོ་ཡི་ཁར། །མཚན་གཅིག་ཐོག་ཐག་སྦྱིན་སྲེག
332a7 བྱ། །དེ་ནས་ཐོ་རས་དུས་སུ་ཡང་། །ཁྲག་ཆེན་ཕྱོགས་བཞིར་གཏོར་བྱས་ནས། །མར་ཁུ་ཆེན་པོ་རོ་ལ་བསྐུ། །དེ་ནས་རོ་དེ་ལངས་གྱུར་ཏེ། །ཁྲོ་དང་ལྡན་པའི་ཨག་ཙར་གྱིས། །ས་གསུམ་མོ་ཡི་སྒྲས་འགྱེངས་བྱེད། །དེ་ཚེ
332a8 སྒྲུབ་པོ་སྐྲག་མི་བྱ། །མཱ་མ་ཀཱི་ཡི་སྦྱོར་བ་སོགས། །བསྲུང་བའི་འཁོར་ལོས་སྲུང་བར་བྱ། །སྐྲག་ན་དེ་མ་ཐག་ཏུ་གསོད། །དེ་ཚེ་བསྲུང་བ་བསྲུང་བྱས་ནས། །བདག་ཉིད་ལངས་ཏེ་དེ་ཡི་མགོར། །ཡུངས་ཀར་གྱིས་ནི་བརྡེག་པར
iiif viewer powered by OpenSeadragon
