| e-texts navigator |
| Wylie |
331b1 རྡོ་རྗེ་མཁའ་འགྲོ་ཐོབ་པ་གཞན། །བྱང་ཆུབ་སེམས་དང་ཉན་ཐོས་དང་། །བྱ་དང་གཉིས་ཀ་རྣལ་འབྱོར་རྒྱུད། །དགོངས་གསུངས་རྣམས་ཀྱིས་དེ་ལྟ་མིན། །དེ་ལྟ་བས་ན་སྡོམ་པའི་མཆོག་།ང་ཡིས་ཡང་དག
331b2 བསྟན་པར་བྱ། །དྲི་ཆེན་དྲི་ཆུ་རཀྟ་དང་། །ཤེས་དང་བྱང་ཆུབ་སེམས་རྣམས་ནི། །བཟའ་བའི་སྦྱོར་བས་ཡང་དག་བཟའ། །ལྟོ་ཡི་ཡེ་ཤེས་མིས་སྦྱངས་ཕྱིར། །ཕྱི་རོལ་ཟས་ལས་ཁྱད་པར་འགྱུར། །དེ་བཞིན་གླང
331b3 ཆེན་རྟ་ཤ་དང་། །བ་ལང་ཁྱི་ཤ་ཤ་ཆེན་རྣམས། །ཡེ་ཤེས་ལྔ་ཡི་ངོ་བོའི་ཕྱིར། །དགའ་བའི་སེམས་ཀྱིས་བཟའ་བར་བྱ། །དེ་བཞིན་སེམས་ཅན་བསད་པར་བྱ། །མ་བྱིན་པར་ཡང་བླང་བར་བྱའོ། །བུད་མེད
331b4 ཐམས་ཅད་འདོད་པ་སྤྱོད། །བརྫུན་ཚིག་དག་ཀྱང་སྨྲ་བར་བྱ། །དེ་ལྟར་བྱས་པས་སངས་རྒྱས་དང་། །བྱང་ཆུབ་སེམས་དཔའ་མཉེས་པར་འགྱུར། །སེམས་ཅན་རྣམས་ཀྱང་ཚིམ་ཞིང་དགའ། །དེ་བཞིན་རྣལ་འབྱོར་སྙིང་པོ
331b5 ཡིས། །སངས་རྒྱས་དང་ནི་བྱང་ཆུབ་སེམས། །རང་འདྲེན་ཉན་ཐོས་སྐུ་གཟུགས་སོགས། །རང་ཉིད་དག་པ་གསུམ་སྦྱོར་བས། །ཕྱག་བྱས་ན་ནི་མི་རུང་འགྱུར། །ཀུན་དུ་རྡོ་རྗེ་སེམས་དཔའ་ཡི། །ལུས་ངག་ཡིད་ཀྱི་དཀྱིལ
331b6 འཁོར་ལས། །རང་ཉིད་བསམ་གཏན་གསུམ་སྦྱོར་པོས། །དབྱེར་མེད་བློ་ཡིས་མི་བྱའོ། །དཀྱིལ་འཁོར་དག་ཀྱང་མི་བྲིའོ། །གླེགས་བམ་དག་ཀྱང་མི་ཀླག་གོ། མཆོད་རྟེན་ལས་ཀྱང་ཡོང་མི་བྱ། །ལག་པའི་ཕྱག་རྒྱ
331b7 རྣམས་ཀྱང་སྤང་། །ཉིན་རེ་ཞིང་ནི་དུས་བཞི་རུ། །བུ་མོ་ལེགས་པར་གོམས་པ་ལས། །ག་བུར་ཙན་དན་ཁས་བླངས་ཏེ། །ཆོ་ག་བཞིན་དུ་ལུས་འཁོར་མཆོད། །རོལ་མོའི་ཐབས་ནི་སྣ་ཚོགས་པ། །
331b8 ང་ཡི་རྒྱུད་ལས་རབ་བསྟན་པས། །བཅུ་དྲུག་ཐིག་ལེ་ངལ་སོ་ལས། །སྔགས་ཀྱི་སྙིང་པོ་བཏག་པར་བྱ། །བླ་མ་དམ་པ་ཐུགས་རྗེ་ཆེས། །ཡང་དག་བསྟན་པ་ལ་དམིགས་པས། །ཕྱིན་ཅི་ལོག་ཁུར་ཡོངས
iiif viewer powered by OpenSeadragon
