| e-texts navigator |
| Wylie |
330b1 དེ་ནས་གཞན་ཡང་བཤད་བྱ་བ། །སྣ་ཚོགས་མདོ་དང་རྒྱུད་རྣམས་ཀྱིས། །འདི་རུ་དེས་ཀྱང་ཡོངས་རྫོགས་བྱེད། །ཚུལ་ཁྲིམས་ཀྱིས་ནི་བསླབ་པ་གསུམ། །དགེ་བའི་ཆོས་ནི་སྡུད་པ་དང་། །སྡོམ་པ
330b2 ཉི་ཤུ་ལ་སོགས་དང་། །སེམས་ཅན་དོན་བྱེད་པའི་ཚུལ་ཁྲིམས། །བྱང་ཆུབ་སེམས་དཔའ་རབ་སྦྱིན་པ། །ལུས་ངག་ཡིད་གསུམ་རབ་བྱུང་བའི། །སྡོམ་པ་དེས་ཀྱང་མཁའ་འགྲོ་ཡི། །རྒྱུད་རྣམས་ཡང་དག
330b3 སྦྱོར་བར་བྱེད། །ཟླ་བ་སྨྱུང་དང་གཙང་སྦྲ་བསྡམ། །གྲོང་དང་གནག་ལྷས་ཐང་ལའམ། །ལུས་དང་ངག་དང་ཡིད་ཀྱིས་ནི། །གནོད་པ་དག་ནི་ཡོང་མི་བྱེད། །དེ་བཞིན་གཤེགས་པའི་སྡོམ་པ་མཆོག་།
330b4 བླ་ན་མེད་པའི་བྱང་ཆུབ་སེམས། །འགྲོ་བའི་དོན་བྱེད་བྱང་ཆུབ་སེམས། །བྱང་ཆུབ་སེམས་ནི་རབ་ཏུ་བཟུང་། །རྡོ་རྗེ་མི་སྐྱོད་རིགས་ཆེན་པོ། །རྡོ་རྗེ་ཆེ་དང་དྲིལ་བུ་དང་། །སློབ
330b5 དཔོན་ཡང་ནི་བཟུང་བྱས་ལ། །དེ་ཡི་ཡོན་ཏན་ཐོབ་པར་བྱེད། །རིན་ཆེན་ཏོག་གི་རིགས་མཐོན་པོ། །ཉིན་དང་མཚན་མོ་ལན་གསུམ་དུ། །ཟང་ཟིང་མི་འཇིག་ཆོས་དང་བྱམས། །
330b6 བྱིན་པས་དེའི་ཡོན་ཏན་ཐོབ། །པད་མོ་སྣང་བའི་རིགས་དག་ལ། །ཕྱི་དང་ནང་དང་གསང་བ་ཡི། །དམ་ཚིག་རབ་ཏུ་བཟུང་བ་ཡིས། །བླ་མེད་བྱང་ཆུབ་ཐོབ་པར་བྱེད། །
330b7 རྔ་སྒྲ་ལས་ཀྱི་རིགས་མང་པོ། །དམ་ཚིག་དང་ནི་སྡོམ་པར་ལྡན། །སྙེན་བཀུར་མཆོད་པ་སེམས་ཅན་དོན། །བྱས་པས་དེའི་ཡོན་ཏན་ཐོབ། །སྲོག་མི་གཅོད་ཅིང་གཡེངས་མི་བྱ། །
330b8 མ་བྱིན་མི་ལེན་རྫུན་མི་སྨྲ། །ཕྲ་དང་ཀྱལ་ཚིག་རྩུབ་པོ་དང་། །སྨྲ་བ་མི་བྱ་བརྣབ་སེམས་དང་། །གནོད་སེམས་ལོག་པར་ལྟ་བ་རྣམས། །ནམ་ཡང་བྱ་བ་མ་ཡིན་ནོ། །དཀོན་མཆོག
iiif viewer powered by OpenSeadragon
